‏لا خلت عيـني مـن عيونـك‏ يـا حـبيب القلـب يالغالـي

37

على المغرب ضهرو الشباب و يا البنات و الكبار تمو لان اليده تعبانه من المشي راحو يتمشون فالمدينه ظهرو كلهم و يا بعض و هو يسولفون و يمشون و ظبيه على تلفونها يالسه تتبوسم و مب داريه عن الدنيه سار زايد عندها كان مستغرب منها وايد متغيره ما تسولف و تتغشمرر كله طايحه علي التلفون
زايد : ظبيوه
ظبيه و عينها على التلفون : هم
زايد : ارمسج جوفيني
ظبيه : والله مالي بارض مشغوله
زايد : عنبوه طول السفره مشغوله صح
ظبيه : دقيقه بس و كتبت حق مايد
المحادثه
ظبيه : يلا عقب برمسك
مايد : ليش و ين سايره
ظبيه : ميود خلاص الحين أنا و يا الأهل
مايد : يالله متى بي و باخذج و بتفتكين منهم
ظبيه : حرام عليك احبهم
مايد : اكثر عني
ظبيه : ما يخصك يلا سير لصقه و صكرت تلفونها لفت على زايد : شو تبا
زايد : بس كنت ابا ارمسج
ظبيه : اوك أسمعك ارمس
زايد : وين ظبيه الاوليه
ظبيه يالسه اتجوفه و مب فاهم شي
زايد : بلاه لسانج انربط
ظبيه : موجوده
زايد : لعيون منو متغيره
ظبيه : لعيون نفسي
زايد : اعرفج عدل ما عدل خبريني شو فيج
ظبيه : والله ما فيه شي
زايد : ليش نحن كلنا فصوب و انتي فصوب جنج فعالم ثاني ما تسولفين و لا تتغشمرين وايد اتغيرتي صح ان و فان يدي مأثره علينا كلنا بس مب جي عاد
ظبيه : وألله أنا بخير ما فيه شي بس يمكن من الادويه إلى اخذها
زايد استغرب : أدوية شو
ظبيه : زيود بلاك مال الربو و
زايد : هي هي فهمت المهم.نبا الظبي مالتنا ها
ظبيه ابتسمت :ان شاءالله
زايد : يلا سيري انثبري عند الباجين
ظبيه : لا بتم عندك سوالفهم بيض
زايد : الله الله ظبيه بنت حمد تبا اتم ويايه سبحان الله يا مغير الأحوال
ظبيه : سير ول أنا الغبيه الي عطيتك ويه خلاص بسير
خزها زايد من أيدها : لا الله يخليج ما تروم عفراقج
ظبيه تضحك
زايد : جعلها دوم
ظبيه : امين
مريم : ظبيوه تعالي جوفي المحل بسرعه
ظبيه : يلا جاو جاو بسير
بطي يضحك : سيري سيري
يت عواش عند زايد : ها زيود شو سالفة الابتسامه
زايد يجوف ظبيه من بعيد والابتسامه مب مفارقه ويها : و لا شي
عواش : علينا يالحبيب
زايد : كفايه ان ابتسامتها اتردلي روحي
عواش : الله كلام يديد و اشرت علي صدره مكان القلب أباك اتسمعني الي هني
زايد :
قالو تحبه قلت ماهوب بالحيل
بس انه أغلى شوي من نور عينى
عاشه : واي على الحب أنا ما اروم
زايد : عواش انجبي
عاشه تضحك و تسير تمشي و يا البنات راحو يتمشون و تعشو و كل واحد رد الفندق يرقد فغرفة الشباب الكل راقد من كثر التعب شوي و تلفون منصور يرن بنده ورد رقد رد يتصل كم مره طفر منصور و رد 
الكول :
منصور و صوته رقاد : الو
صوت صياح بس يالس ينسمع
منصور يحاول يصحصح : الو منو
هند صوتها بدأ يعلا
منصور بخوف : هند شو فيج
هند : يالسه اشاهق
منصور بحنيه : حبيتي انتي شو فيج خبريني
هند : ابوي
منصور  : بلاه
هند : يبا يزوجني ولد عمتي
منصور بصدمه : شو
هند يالسه اتصيح
منصور : هند حبيبتي اسمعيني أنا أسبوع. وراد و سيده بي بيتكم و بخطبج
هند : ما بيوافق
منصور : مره رحتي عني هالمره أنا الي باخذج
هند : شو اسوي تعبت والله
منصور : لا انتي تعرفين يوم اقول شي بيستوي و وعد مني اني بيج قبل ولد عمتج
هند : بس باجر الخطبه
منصور لسانه انربط ما عرف شو يقول
هند : اقولك ماشي امل
منصور : ايمانج بربج قوي صح
هند هي
منصور : الله بوقفنا و يجمعنا بالحلال
هند : يلا مع السلامه حميد نش
منصور ابتسم : وين هالولد مشتاقله عطيني ارمسه
هند : راقد باجر اتصل و بخليه يرمسك
منصور : يلا فحفض الرحمن و صكر
منصور كان مضايق بس حاول ما يبين هالشي حق هند طلع من الفندق و هو ما يعرف وين يروح او عند منو يشكي همومه كان مضايج ضهر و يلس يدور و كان الجو بارد جاف مكان مفتوح دشه و كان كوفي بس الي انتو خابرينه دش و يحس عمره هلكان يلس على الطاوله.و طلبله مشروب و صله المشروب و يلس يشرب منه بكميه اكبر يحس ان هالشي الي بينسيه الألم الي فيه يلس يشرب لين ما خلاص حس ان هلكان من التعب او بالأصح كان سكران من الشرب ظهر من المكان و سار يمشي برع حاول يمشي لين الفندق بس ما قدر و طاح مغمي عليه لان اول مره يشرب هالشي. و ماقدر يستحمل طاح فالشارع و لا حد معبرنه مر الوقت و منصور شوي شوي يالس يفتح عينه كان يحس بصداع قوي
سهيل : صباح الخير
منصور مستغرب و مب فاهم شي : أنا وين
سهيل : جفتك سكران و يوم عرفت انك ولد العم يبتك
منصور : ابا بندول
سهيل : هذو حذالك
خذا منصور البندول و رد انسدح
سهيل : شو وصلك لهال حاله يا خوي
منصور تنهد: الدنيا عطتني كل شي إلا الي احبها
سهيل : ارمس طلع الي فقلبي بسمعك
منصور : شو اقولك يا خوي حبيت اخت ربيعي و قررت اني أخطبها يوم ييت ابوها بغى يزوجها ولد عمي عشان الشراكه اتزوجته غصبا عنها و كملت و ياه خمس سنين و يابت و لد ها كله و أنا اجوفها كل يوم مع غيري و قلبي ينحرق كنت احاول أنساها بس ما رمت يوم طلقها ولد عمي عشان أتزوج الثانيه و قلت هاي فرصه اني أتزوجها كنت موافق اني أتزوجها و اربي ولدها بعد و تتصل فيني اتقول ابوي يبا يزوجني ولد عمتي و الله لو تعرف غلاتها عندي احبها احبها اكثر من هلي بس مالها نصيب ويايه
سهيل : يا خوي مب يعني إذا اي شي استوا تشرب هالمنكر والله بيوديك فداهيه ربك ما بيرضى عليك
منصور : والله اني ما كنت اعرف انه خمر يوم شربت حسيت اني فعالم ثاني نساني همومي
سهيل : حاسب هالدرب نهايته سوده
منصور: مشكور ما تقصر يا
سهيل : سهيل
منصور : ونعم و أنا منصور
سهيل : الله ينعم بحالك
منصور : يلا عيل أنا بترخص
سهيل : لا والله أنا الي بوصلك
منصور : والله ما ودي أردك بس وايد تعبت وياي
سهيل : ما من تعب
ظهرو من الغرفه.
منصور : دقيقه هذا مب فندق .....
سهيل : هي
منصور : غرفتي فالطابق السابع
سهيل : ما عليه ملزم إلا اوصلك
ركبو اللفت
منصور: وانت ما خبرتني شو اتسوي هني
سهيل أتنهد : والله ماشي من أتوفى الوالد و الوالده مالي رده للبلاد كل ما اذكرهم احس بضيجه ما اعرف من شو
منصور : والله يرحمهم
سهيل : بس ها و عد مني يوم عرسك اول واحد بكون من بينهم لا تحاتي لعيونك كل شي يهون
منصور ابتسم حس ان في أمل : عطني رقمك
سهيل : افا ترقمني
منصور ضحك : انت جايف ويهك
سهيل : هي والله حلو حتى بنات الاجانب ميتين عليه أقولك أنا امشي ايون عادي سنابك والله ما يستحون
منصور ضحك علي سخافته سهيل حس انه رداله موده الحلو نساه همه الي كان عقلبه
سهيل : يلا ووصلناك لين الغرفه شو تبا بعد
منصور : والله ما بنسى هالجميل و بردلك إياه ان شاءالله
سهيل : يلا مع السلامه
منصور : حلفتك ادش الغرفه بنقهويك الشباب واعين ما بيقصرون
سهيل : خلاص ما ورايه شي نتعرف عليهم بالمره دشو الغرفه و كانت مجلوبه الملابس على الارض الجبس صابينه و راشد طايح على الارض و راقد و زايد على الشبريه بالعرض و بطي ظاهر من الحمام و لاف الفود على خصره
بطي سار و سلم : هلا منو الشيخ عرفنا عليك
سهيل : سهيل حمدان .......
بطي : ونعم
سهيل : الله ينعم بحالك
منصور : عاد إسمحلي ياولد العم الغرفه شوي بعد تعرف الشباب بعد مستوين ياهال
سهيل : لا ما عليك متعودين على الهاسوالف
بطي شات راشد فبطنه عشان ينش : حياك الغالي أتفضل علي الكرسي
منصور : دقايق وراد بسير ارد علي التلفون واحد من الربع
سهيل : خذ راحتك
راشد : ايييي يالحمار بطني ما تعرف تمشي
بطي : راشد نش الله يغربل بليسك نش نشت سبع ينانوه عليك
شوي و دق جرس الغرفه
بطي : نش و فج الباب بسير اللبس بسرعه
نش راشد و هو مب منتبه لسهيل الي كان مجابل باب الغرفه فج الباب و عين وحده مبنده
و دزه سلامه و دش و فأيدها دبت ماي عود و ترش على ويها
سلامه بصوت عالي : ما قلت نشو يالحمير ساعه تحت يالسين نترياكم و دز راشد الي طاح على الارض و تسير عند زايد و ترش علي ويها المآي و ينش زايد
زايد : يالحماره والله بنتف شعرج هالخايس
سلامه : ليش عبالك بي بقول زايد حبيبي نش والله أنا حلفت خمس دقايق إذا ما خلصتو بزلزل الفندق عليكم
زايد : الله يعين ريلج
سلامه : ما يخصك فيه
راشد : والله بعطيج كف إذا ما ضهرتي
سلامه : قلت و ارد اقول خمس دقايق بسس
و عطتهم ضهرها تبا تضهر و تلمح واحد يالس و ناقع ضحك فجت عيونها مب مستوعبه يالسه اترمس عمرها : معقوله من كثر التفكير يالسه اتخيله
بطي ضهر من الحمام على هالزعاج و جاف سلامه متنحه فويه سهيل و هو يضحك عليها
بطي بسرعه سار عندها و همس : يالحمار ربيعنا هني
سلامه استوعبت و على طول ضهرت من الغرفه و هي مفتشله
بطي سامحني الغالي هاي ياهل هبله
سهيل : لا ما عليك الأمور طيبه
تسير سلامه الغرفه و يها مستوي طماط دشت و يلست اتصارخ من كثر الفشيله
عاشه : انتي إيه يالياهل ازعاج
سلامه : اتخيلو شو استوا بصيحححح
مها : شو
سلامه قالتلهم السالفه كامله
و البنات اشتغلو ضحك عليها
مريم : الله كبلز يديد سلامه و سهيل لايقين وايد بعد
سلامه : جب جببب كله منكم قلتلكم خلو ظبيوه او مريوم
مها : سبحان الله جوفو الصدق كيف تجمعكم ياحلاتكم
ظبيه : عقبال ما نسمع الخطبه
سلامه : اسكتوووو بسسسس الحين بيقول هاي هبله والله كله من هايل بصيح
عاشه : عادي عادي ما فيها شي لا تخافين
سلامه : انتي ما جفتيه كيف ضحك عليه جني قلت نكته
عاشه : عادي ما فيها شي أبدا
سلامه : ما ابا اضهر خلاص
مريم : مب على كيفج
انسير عند الشباب
زايد : والله انك معزوم اليوم ويانا
سهيل : لا ياريال انتو ياين و يا الأهل مب حلوه
راشد : لا ما عليك نحن. فصوب و هم فصوب ثاني
سهيل : يوم ثاني ما عليه
راشد : عليه الطلاق انك اتي
بطي : بطلق منو حبيبي
راشد : ما يخصك
سهيل : خلاص ياي ما عليك
راشد : كفو كفو يلا شباب ننزل
منصور : يلا
نزلو كلهم و قفو جدام الفندق يتريون الشباب
سلامه تساسر عاشه : ليكون بينزل معاهم
عاشه : لا مستحيل يمكن سار
شوي و صلو الشباب
هزاع : لو راقدين مب احسنا
منصور سار عند أبوه : لا بس ربيعنا و يانا
سعيد : اها
اليده : شسمه
منصور : الي أحيده ان سهيل حمدان ....
اليده : وينه خوزو
حمد : اميه وين سايره
اليده : هذا حفيد اختي
سارت اليده عند سهيل و سهيل مب فاهم شي
اليده : هلا بحفيد شمسه
سهيل استغرب كيف عرفة اسم يدته : هلا اميه امري
اليده : ما عرفتني
سهيل : لا والله
اليده : شمسه اختي الله يرحمها هي و بنتها
سهيل : الله يرحمها 
اليده : وين سرت يا اميه يلست أدورك ما خليت حد ما سألته عندك ما بقالي منهم غيرك تعالي فديتك و تلوي عليه هذا الي بقالها من اختها و بنتها دموعها نزلو بدون ما تحس
سهيل يبوس رأسها : والله ما تسوى الدموع يالغاليه
اليده : اوعدني
سهيل : طلباتج أوامر
اليده : ترد ويايه البلاد ما تيلس فالغربه روحك والله و تي تسكن و يايه مالي غنى عنك
سهيل : من هالعين قبل الي عندها
اليده : من اليوم و رايح انت واحد منا و فينا سمعت انت مب غريب انت ولد الغاليه
سهيل : ان شاءالله
عند البنات الي كل وحده فاجه حلجها من الصدمه
مريم : يالخايسه ما خذه واحد مزيون
مها : هي والله شو من طول. شو من جمال يخربيتج
عاشه : بسكم احشمو شوي
مريم : هذا الصدق شو تبون بعد
ظبيه : والله هذا ما يستاهل هالشيفه حرام عليكم بتضلمونه
سلامه : بسسس اسكتو دخيلكم روحي
اليده ما صدقت انها تلقاه كان حلم بنسبالها و تحقق كان مفتقده اختها وايد
اليده : يلا وين بنسير
راشد : الله الله فرد يديد فالعايله ولكم تو اور فاملي
اليده تضرب جتف راشد : شو ها بعد يالس ترمس رمست الكفار
راشد : يدوه ما قلت شي قلت اهلاً بك فالعايله