الكول :
ريم : هلا بالمريضه
ظبيه : اهلين بالقاطعه و لا تزور حتى
ريم : إلا هم يومين تميتي و رديتي وين بيمديني ايج
ظبيه : حمدوه المسكينه يتت نص الليل و روحها بعد كله عشاني و انتي ما فتكرتيني إلا الحين
ريم : والله كنت منتهيه ما رمت انش و البارحه اهلج يو عندج
ظبيه : سامحتج
ريم : انزين شخبارج الحين
ظبيه : الحمدلله بخير
ريم : الحمدالله
ظبيه : انزين شو بغيتي
ريم : ولا شي بس بغيت أطمن عليج انزين خبريني ما استوا شي ويا مايد
ظبيه : لا بس يدقلي و أطنشه و البارحه اتصل اول ما نشيت يوم سالته كيف عرف اني نشيت قال ان هو رمس النيرس أتخبره
ريم : والله شكله طيوب
ظبيه : شو اسويلج
ريم : بدينا انغار منو قدك يا مايد
ظبيه : انتي شو تخربطين مينونه
ريم : لاء بس مبين عليه انه يباج
ظبيه : والله الي يبا اي و يدق الباب مب يدق علي التلفون و بعدين حمدوه قالتلي لا تعطينه ويهه
ريم : هاي ما تعرف شي بالعكس انتي جربي مب خسرانه شي ترا يمكن صدق يحبج عطيه فرصه
و لا تقولين حق حمدوه شي خلي الموضوع بيني و بينج
ظبيه : ما علينا منه خبريني انتي شخبارج
ريم : الحمدلله
شوي و باب الغرفه يندق و يدش بطي
ظبيه : بطوي اظهر يالسه ارمس
بطي يرمس بصوت خفيف بس مسموع : منو
ظبيه : لا تحاتي مب حمدوه يلا اظهر
بطي : انزين تعالي يدي يباج
ظبيه : يالله يايه انزين ريموه كملي
ريم : بطي موجود
ظبيه : لا ظهر
ريم : ليش كنت ابا اسمع صوته
ظبيه : ريمو اشكرا اخته هني
ريم : ويه نسيتج
ظبيه : يلا مع السلامه بسير يدي يباني
ريم : انزين يلا مع السلامه
نزلت ظبيه عند يدها و الكل كان يالس فالصاله سارت عند يدها الميلس هني دش خليفه
خليفه : السلام عليكم
اليده: خلوف يالهرم وينك مختفي
خليفه : الدوام طلبوني
هند ترمس عمرها : دوام و لا جنه كان عند البعير
سلامه : هنوده بلاج ترمسين عمرج
هند : لا و لا شي
اليده : ها كله دوام ولا اتصلت تطمن علينا و لا على اختك و لا حرمتك و لا ولدك
خليفه : يدوه ترا ابويه موجود و اعمامي موجودين و الشباب مب قصرين
لطيفه :اسكت يالهيس ترادد يدتك
خليفه : ما قلت شي اميه بلاكم جلبتو عليه
اليده : اختك يومين طآيحه فالمستشفى و انت اتقولي دوام اختك كانت بتموت
خليفه : توها خطفت حذالي الحمدالله جفتها بخير ما فيها شي
لطيفه شلت قوطي الكلينكس و فلعته : والله ما تستحي خوز عن ويهي يالهرم
سلامه ضحكت : تستاهل
خليفه : اسكتي يالياهل
عليا : بسكم يلا خلوف سير بيون اليوم ريايل سير ضيفهم مع الشباب و ازقر ظبيه
خليفه مشى عنهم سار يبدل لبسه
لطيفه : هند اميه
هند : نعم عموه
لطيفه: سيري جوفي ريلج شكله زعلان مني
هند : لا تحاتين خلوف صح انه عصبي بس ما يحط فقلبه و سارت
لطيفه : الله يعين هالبنت ما دري كيف متحمله هالهيس
عند هند سارت الغرفه فجت الباب و جافت خليفه زاخ التلفون و يالس يرمس
خليفه : من عيوني ... خلاص بيج اليوم لا تحاتين يا قلبي
هند وافقه تسمع كل كلمه و قلبها يتقطع و لا مره سمعت منه هالكلام دايماً ما يعطيها ويهه و لا يعبرها
خلفيه لف وجافها واقفه مكانه و دموع متروسه فعينها : شو تبين
هند :
خليفه : هند خلصيني شو تبين مب فاضلج ترا
هند دموعها تنزل بدون ما تحس و بصوت عالي : طول عمري مب مقصره وياك ولامره عصيتك دومك اقول سوي و اقول تم حتى لو أنا ما ابا دومي أبادر قبلك و لا مره سمعت منك حتى كلمة شكرا كل يوم ارقد و عيني متروسه دموع كل يوم على هذا الحل و انت و لا داري عني لأنك ويا حبيبتك ولدك الي هو ولدك كل يوم تنازعه كرهك ما تعبره شرات باجي الياهال الي أبهاتهم دومهم وياهم و اليوم بكل برود اتقولي أنا متزوج عليج و حرمتي مسويه حادث أنا تعبت خلاص روحي طلعت أنا اتزوجتك و أنا مجبوره مجبوره أنا ما احبك و لا بحبك كنت اقول يمكن ينسيني حياتي بس عيشتني في سواد اكرهكك طلقني بسير أنا و لدي ما نبا منك شي
خليفه كان ساكت و لا رمس يسمع و هو ساكت
هند كانت أتحس روحها بتطلع من بروده قالت بصوت عالي و غصه : طلقني أنا بعدني صغيره و ابا اجوف حياتي
خليفه ضحك : اي حياه و انتي عندج و لد منو يبا وحده مطلقه و عندها ولد
هند : اتم مطلقه ولا حد يباني و يا ولدي و لا وياك يالخايس
خليفه : بس تبين تطلقين من عيوني انتي طالق طالق طالق
كان شعور هند هالوقت مخلوط حزن على و ناسه على قهر ابتسمت وقالت : الحمدلله الحمدالله و طلعت
اسفه على التأخير والله سامحوني انشغلت شوي و اتمنى حبيتو البارتات باي
أنت تقرأ
لا خلت عيـني مـن عيونـك يـا حـبيب القلـب يالغالـي
Romanceهل بعد اللقى صدفه ؟ وترد كل المشاعرالجديمه اللي تملكتها له ؟
