كل الأحفاد كانو موجودين فالصاله يتريون اليده ترمس
اليده : اسمعو يدكم فيه سرطان القلب وانتو تعرفون هالشي، يدكم تعب هالفتره وايد و محتايكم صوبه كونو قراب منه ماتدرون متى يومه
مها و عيونها متروسه دموع : بعيد الشر
اليده : كثر ما تقدرون خلوكم وياه نسوه تعبه انتو عياله انتو احفاده حاولوا تكونون اقوى عنه هو تعبان وايد بس ما يبا يبينلكم ما يباكم تحاتونه بس اقولكم يومه جريب أنا اقولكم حاولوا تسعدونه بأي طريقه لان هو يستانس يوم اتكونون جراب منه أنا قررت مع عمامكم نحجز مزرعه عسب شوي انغير جو و يرتاح يدكم أباكم كلكم هناك و لا تبينون حق يدكم انكم تعرفون شي
الكل : ان شاءالله
اليده : و بسكم بناتي دموعكم غاليه ما ابا جوفهم نازلات
ظبيه : رشود سير جوف سارو الريايل
منصور : هي سارو
راحت ظبيه عند يدها الي كان يالس و مبين عليه التعب
انرد عند اليده و الي فالصاله
عاشه : بطي سير جوف اختك
اليده : لا هدوها هي و يدها يتفاهمون
منصور : انتو كيف قلتو جدامها هاي اتموت على يدي مافينا الحين بتقول شي بالغلط جدامه
اليده : حبيبي لو ماعرفت اليوم بتعرف باجر
مها : امايه متى يدي بيستوي بخير
اليده : بوجودكم بيكون بخير
دشت ظيبه الميلس و جافت يدها يالس يعابل مع الراديو الي كان في ايده
اليد : الله الله جوفو منو عندي شو نازل عليج انتي يايه عندي
ظبيه و عيونها متروسه دموع طاحت فحضن يدها
اليد : بسم الله بلاج بنتي فديتج منو مزعلنج خبريني بسير اكسر راسه خليفه و لا بطي
ظبيه و هي اتشاهق : يدي انت بتهدني
اليد : منو قال أنا اهد بنتي
ظبيه: يدي لا تجذب عليه
اليد : أنا اجذب عليج تعالي ايلسي خلينا نسولف مشتاقلج
ظبيه يلست حذال يدها و يهها محمر و دموعها تنزل
اليد : ظبيوه بسج صياح تراج يالسه اتعورين قلبي
ظبيه : انت تاخذ أدويتك
اليد: هي الحمدلله اخذها و ما فيني إلا كل خير انتي خبريني شو سرتي العياده تاخذين أدوية الربو
ظبيه : يدي خلك مني انت بخير هذا اهم شي
اليد : هي حبيبتي أنا بخير و ما فيه إلا العافيه
ظبيه : الحمدلله
اليد : انزين ليش اتصيحين
ظبيه : كنت خايفه عليك
اليد : جي مره و حده
ظبيه :
اليد : انزين شو سرتي العياده
ظبيه : لاء
اليد : متي بتسيرين ان شاءالله لا تهملين صحتج اوعديني
ظبيه : و عد
اليد : يلا الحين سيري غسلي ويهج و جهزي اغراضج عسب باجر بنسير المزرعه مابتين ويانا
ظبيه : لا بي
اليد : يلا اجوف سيري بطي يترياج
ظبيه : لا يدي تو الناس بعده العصر بعدين بسير ابا اتم وياك
اليده : انزين ما بتعقين عباتج و لا
ظبيه : اوووهو نسيت خلك مكانك بسير بسرعه و برد
اليد : يلا سيري اترياج ما بشرد
سارت ظبيه بسرعه الغرفه الي فوق عشان اتعق عباتها و اترد عند يدها
اليده : بسم الله منو هاي الهبله
مريم و هي تضحك : ظبيوه الخبله
مها : ولا جنها توا الي اتصيح
اليده : هدوها خلوها لا تذكرونها بعدين اترد اتصيح و أنا ما ابا يدكم يعرف اني خبرتكم
عاشه : امايه متى بنسير
اليده : باجر
راشد : كم يوم بنتم هناك
اليده : جي مال ثلاث ايام عسبت عندكم دوامات
سلامه : نحن اجازه نبا انتم زياده
اليده : تعالو وين خلوف
بطي : امايه هديه هاذا ما منه فايده غير انه ملوع جبد حرمته
اليده : ليش
بطي : والله مادري شو مستوي فالدوام و كل يوم اي و يزاعج على حرمته و يدش يرقد
اليده: الله يهديه إذا سرت البيت ازقره ابا ارمسه خله يمرني و ولده هذا الكتكوت ما جفته بيحرمني من شوفته بعد
بطي : خسي هو شوي مضغوط من الدوام
منصور : عيل امايه أنا أترخص بسير الربع يتريوني
بطي : هي حتى أنا رشود جان بتي و ياي بسير عند حميد
راشد : يلا ما ورايه شي بي
سلامه تساسر مريم : ها اجوف الابتسامه لازم طرو اسم الحبيب
مريم : اقولج جب
سلامه: انزين شوي شوي عن ينطر ويهج من الابتسامه
مريم : إذا ما قمتي عن ويهي و الله بتنضربين
سلامه : انزين هدي حبيبتي
مر الوقت بسرعه ورد بطي عسبت ياخذ ظبيه
بطي : سلام عليكم وين الاميره
اليده : فالميلس
بطي: خيبه لين الحين لوعت جبد يدي
اليده : و الله اختك رأسها يابس قلتلها تعالي مايت مادري شو يالسه تخرط عنده
بطي : عيل أنا بسير عندها لازم انرد عسبت اتزهب ملابسها حق باجر
اليده : سير فديتك
سار بطي الميلس و جاف ضحكت يده الي كانت ماليه الميلس و ابتسم حس براحه داخله ما حب يقطع سوالفهم لان يده يوم يكون ويا ظبيه يكون انسان ثاني
يكون دوم مستانس
أنت تقرأ
لا خلت عيـني مـن عيونـك يـا حـبيب القلـب يالغالـي
Romanceهل بعد اللقى صدفه ؟ وترد كل المشاعرالجديمه اللي تملكتها له ؟
