‏لا خلت عيـني مـن عيونـك‏ يـا حـبيب القلـب يالغالـي

21

و صل زايد و على طول سحبها و طلعها من الماي و هو ما يعرف كيف يتصرف قاعد يجوف إنسانه يحبها بين الحياه و الموت
زايد وهو يحاول يلقط انفاسه : ظبيه ظبيه
ظبيه ماترد
زايد نسى كيف يسعفون الغرقان كانت ظبيه بين ايده قام يصارخ و يضرب ويهها: ظبيه ظبيه نشي نشي ظبيه تسمعيني ظبيه نشي لا تخوفيني عليج دخيلج نشي ظبيه ظبيه ظبيه يالس يردد اسمها بصوت عالي و هالوقت و صلو البنات و راشد من الكوفي و كانو يسمعون صوته لان كان عالي
راشد : مب جنه هذا زايد
سلامه : مادري
راشد: انتو دشو أنا بسير اجوف بلاه هذا خبله والله
مريم : انت إيه مب على ولد عمي
راشد : انتي حشرتينا ولد عمي و ولد عمي جنه اول مره يكون عندها ولد عم
مريم : جب ما يخصك
صوت زايد يعلا اكثر و اكثر
راشد : مريم و الله بسبحج مره ثانيه سيري مب فاضلج
سلامه يرت ايد مريم و دشو سار راشد صوب زايد الي صوته قام يعلا وصل راشد و أنصدم من المنظر الي جافه زايد الي كان مبين عليه الخوف ويها محمر   و يضرب ويهه ظبيه و يزقرها و هي طايحه بين ايديه
راشد مصدوم : زايد بلاها شو فيك
زايد بخوف و صوت يرتجف: بتموت بتموت ساعدني
راشد : شو استوالها
زايد : غرقت ما ادري كيف ييت لقيتها غرقانه
على طول طلع راشد تلفونه و اتصل على الاسعاف و قالوله إنهم عشر دقايق و هم بيكونون موجودين
و زايد بعده على حاله يالس يصارخ و يضرب ويها 
انسير داخل الصاله :
مريم : والله بصفعه اونه يهدد بعد
سلامه : خلاص مريوم خ يولي
مريم : لازم بتدافعين عنه اخوج و توأمج
اليده: بسكم حشرتونا عنبوه مب بنات
مريم : هذا رشود ما يتأدب موليه
اليده: ليش حاطه دوبج بدوبه
عليا : على طاري راشد وينه ماجوفه دش وياكم
عاشه : سمع صوت زايد يزاعج سار يجوف شو فيه
لطيفه : عواش اميه ما جفتي ظبيه وينها ما خطفت صوبكم من متى ظاهره اتيب حميد ولين الحين مايت
عاشه : لا خالو ما جفتها
عفرا : لطوف يعني وين بتسير البنت يمكن يالسه و يا أعمامها
لطيفه : يمكن
هني دش راشد ورفج الباب بالقو الكل لف
اليده : بلاك اميه جي تربع يني وراك فديتك
راشد يالس يتنفس بسرعه : خالوه لحقي
اليده : تعال حبيبي ايلس و قول بلاك جي ياي و لونك مخطوف
راشد : يدوه ظبيه غرقت
الكل وقف و نشو سارو عند المسبح و جافو الإسعاف وصلو و على طول شلو ظبيه وراحو
لطيفه و هي اتصيح : بنتي بلاها وين بيودونها شو استوا خبروني
راشد : ما في شي غرقت مادري كيف وزايد طلعها
لطيفه تضرب ويها  : ياويل حالي بنتي بتروح مني
الريايل سمعو صوت الحريم و صوت الإسعاف على طول ظهروا من الميلس
حمد : بلاكم شو مستوي
لطيفه يالسه اتصيح  : بنتي بتروح مني
حمد : بلاج يا حرمه شوي شوي فهموني شو مستوي
بطي : حد يرمس بلاها ظبيه وينها
راشد : غرقت و زايد جافها ويوم طلعها ماكانت تتنفس ف اتصلت فالإسعاف
هزاع : ليش واقفين يلا بطي شغل السياره  وحرك سير انت وابوك الحق على اختك مب وقته تيلس جي يلا
شغل بطي السياره و سار حمد و هزاع و لطيفه و وحركو سيده ورا الاسعاف
زايد كان على حالته بعده مصدوم مب عارف شو يسوي خلاص يحس عمره هو الغلطان الكل سار محد انتبه على زايد غير عاشه
عاشه نزلت لمستوا اخوها : زايد حبيبي بلاك
زايد بعتب : كله مني
عاشه  : انت ما يخصك هذا قضاء ربك
زايد : لو أنا ما سرت جان ما استوا كل هذا كله مني أنا السبب
عاشه لوت على زايد : لا حبيبي انت ما يخصك زين انك طلعتها ما كنا بنعرف شو بيستوي فيها لولاك
زايد دموعه تنزل و هو مب حاس : اتخيلي استوالها شي 
عاشه : لا ان شالله ما بيستويلها شي يلا سير بدل و الحقهم المستشفى يلا يتريونك
زايد شل بعمره و سار بدل بسرعه و ركب سيارته و سار سيده المستشفى
زايد يحاول يزخ عمره قد ما يقدر : شو استوا ابويه
سعيد : ماشي بعدها الدكتوره ما طلعت
أتنهد زايد و أتساند على الايدار حس ان الدنيا يالسه ادور  مب عارف شو يسوي
فالمزرعة عند اليد الي توا يقرر يدش لان الجو قام يبرد دش و جاف حالت الي فالصاله يالسين يصيحون استغرب ما عرف شو السالفه سار عند اليده
اليد : شما شو بلاكم ليش يالسين اتصيحون
اليده : انت وينك وين سرت
اليد : موجود ورا المزرعه كنت يالس
اليده :
اليد : رمسي يا شما شو فيكم
اليده : ظبيه
اليد بخوف : بلاها شو مستوي فيها
اليده : غرقت فالمسبح و زايد ظهرها يوم ظهرها ماكانت تتنفس ويابو الإسعاف و الحين هي فالمستشفى
اليد بصوت عالي : وليش محد ياي و زقرني
اليده : عبيد روحي الي فيني مكفيني
اليد: راشد نش وصلني المستشفى عندهم بسرعه
اليده : بي وياكم
اليد : يلا بسرعه
ركبو السياره و حركو على المستشفى و صلوا و هم بعدهم على حالهم يتريون الدكتور يظهر

فغرفة الانعاش :
كانت ظبيه هناك يحاولون ينعشونها
الدكتوره : يلا يا ظبيه نشي اهلج برع يتريونج لينا( النيرس) زيدي عليه
النيرس : هذا ممكن يكون خطر على حياتها
الدكتوره : زيدي ما نبا نخسر مريض بعد
الدكتوره يالسه اتحاول بقد ما تقدر
ظبيه كانت بين الحياه و الموت