ظبيه و هي تشاهق : ليش ليش شو سويت بس عشان حبيته
عاشه : بسج حبيتي انتي لا تعورين قلبج عشان واحد ما يستاهل
ظبيه : حرام عليه والله حرام
عاشه يلست تمسح على ضهرها لين ما هدت
ظبيه : أنا الغبيه الي ما سمعت كلام حمده من البدايه
عاشه : الكل يغلط كل إنسان فهالكون يغلط و يتعلم من غلطه ما بنيلس نعور قلبنا و نخرب حياتنا عشان إنسان ما يستاهلنا
ظبيه تربعت ويلست دموعها تنزل
عاشه : انتي غلطتي و تعلمتي من غلطتج
ظبيه : اكرهه حقير
عاشه : خليه يولي
وصلتها بيتهم و ردت عاشه بيتهم وراحت عند زايد دشت غرفة
نش زايد من مكانه : شخبارها
عاشه : فوق الي مسوتنه بعدك تحبها
زايد : شو مستوي خبزيني
عاشه : الحمدلله هي بخير جافت ربيعتها و يا مايد
زايد : أنا من جفته قلت حق بطوي هالولد خروف
عاشه : لاترمس عن الناس ما يخصنا فيهم
زايد : يلا اظهري ابا ارقد
عاشه : اطمنت على الحب و الحين يطردني
عند ظبيه الي سبحت و بدلت و صلت ركعتين و راحت انسدحت على الشبريه تفكر يلست تفكر فكلام يدها
(جوفي حبيبتي الدنيا صغيره جوفي حولينج جوفي الناس لا تطيحين في شي ما يرضي ربج بتحصلين شخص بيعوضج عن الكل بس اتري و جوفي )
حست ان كلام يدها كان صح بس ما تعرف من الي بيعوضها حست انها كل هالوقت كانت مقصره مع ربها و أهللها حست بتعب و رقدت
اليوم الثاني نشت ظبيه و تحس جسمها متكسر جافت تلفونها و كان مايد متصل فيها فوق الخمس مرات و مطرشلها مسجات فتحت تلفونها و سوتله بلوك و حضرت رقمه عرفت غلطها نزلت تحت و هي فيها شعور غريب جافت عاشه يالسه فالصاله و تسولف و يا امها
ظبيه : السلام عليكم
لفو عليها : و عليكم السلام
لطيفه : مسكينه عواش من الظهر موجوده تترياج
ظبيه : ليش ما يتي و عيتيني
لطيفه : قالت خليها على راحتها
عاشه زخت ايد ظبيه : تعالي نسير نسولف فوق
سارو غرفة ظبيه
عاشه : شخبارج
ظبيه تنهدت : بخير
عاشه : شو فيج
ظبيه : ماشي بس راجعت عمري و عرف اني سويت أشيا ما ترضي ربي و لا اهلي
عاشه ابتسمت : الحمدلله
ظبيه حست براحه فضيعه حست عاشه فاهمتنها معنهم مب قراب من بعض بس حست براحه يوم تسولف و ياها
عاشه : رد رمسج
ظبيه : نشيت وجفته مرمسني بلكته من كل مكان
عاشه : زين
ظبيه : زايد شو قال عني
عاشه : ما قال شي
ظبيه : احس فيني ضيجه احس قلبي يعورني
عاشه : محد بيساعدج غير ربج سيري صلي و اسجدي و خبري ربج باللي فيج ربج بيسمعج أنا ما بروم أشيل الضيجه
نشت ظبيه و حضنت عاشه : شكرا
عاشه ابتسمت : مابينا حبيتي انتي
ظبيه : لولاج ما كنت بعرف كيف أتصرف
عاشه : اي شي بغيتي أنا هني دومي بكون فاضيه لج
ظبيه : مشكوره عواش
عاشه : يلا لازم اسير ورايه شغل
ظبيه : مع السلامه
راحت عاشه و تمت ظبيه و يا امها تسولف شوي
و تلفونها يلس يرن من رقم غريب راحت غرفتها وردت
الكول :
ظبيه : الو
مايد : ظبيه وينج خفت عليج
ظبيه : شو تبا
مايد : ليش ما تردين
ظبيه : خوز عني ما ابا شي منك خوز عن دربي
مايد : احبج و الله احبج
ظبيه : أكرهك ما ادانيك اكرهك و لا ترد تتصل عليه سمعت و صكرت في ويهه
دقايق ونفس الرقم يطرشلها
المحادثه :
مايد : ظبيه والله لو ما رديتي اترمسيني براوي اخوج المحادثات كلها
جافت ظبيه من برع و انهارت ما اتوقعت منه يلست اتصيح على الي يالسه اتمر فيه خافت ما عرفت شو تسوي مسحت دموعها و لبست عبأتها و نزلت
لطيفه : وين وين سايره
ظبيه : بسير بيت عمي
لطيفه : ليش
ظبيه : عندي موضوع مهم بخلصه و يا عواش
لطيفه : لا طولين
ظبيه : ان شاءالله ظهرت و راحت ركبت سيارتها و سارت بيت عمها نزلت
ظبيه داشه و مبين علي ويها الخوف
عفرا : بلاج اميه
ظبيه : السموحه دشيت عليكم جي وين عواش
عفرا : فوق
راحت و هي تمشي بسرعه و هي صاعده الدري جافت زايد الي جافها بدون اي اهتمام دشت غرفة عاشه
و على طول سارت حضنتها و هي اتصيح
ظبيه و هي اتشاهق : يهددني
عاشه : بشو
ظبيه : بالمحادثات
عاشه : هدي حبيبتي
ظبيه : اخاف
عاشه : ما يروم يسوي شي شو رديتي انتي
ظبيه تمسح دموعها: و لا شي
عاشه شلت فونها و اتصلت فزايد
عاشه : تعال
دش زايد و جاف ظبيه منزله راسها و دموعها تنزل
عاشه : يهدد
زايد بأنفعال : شو مطرشه
عاشه : ما طرشت شي هو مكبجر على المحادثات و يبا يراوي بطي
زايد يلس على الكرسي : ولد الجلب و الله أنا براويه
عاشه : زايد ما تنحل المشاكل جي
زايد بعصبيه : لا تردين عليه حتى لو نقع تلفونج تسمعين
ظبيه :
زايد بصوت اعلى : تسمعين
هزت راسها ظبيه من الخوف و طلع زايد من الغرفه و ردت تصيح ظبيه
عند زايد الي نزل و ركب سيارته رمس مايد انه يبا يرمسه وصل زايد ميلس الريايل و الي ما كان فيه حد لان باجر دوامات شوي و صل مايد
مايد : هلا زيود امر شو بغيت
نش زايد و عطاه بكس على ويهه من قوته طاح مايد على الارض
مايد : بلاك
زايد زخاه من كندورته : والله إذا رديت و رمستها و الله بجتلك
مايد ضحك : ليش تدافع عن وحده رخيصه
زايد انقهر : ثمن رمستك انت يالس ترمس عن بنت عمي
مايد : بنت عمك ولا لأنك تحبها
زايد رد ضربه و رداله مايد الضربه لين ما مايد تعب من ضرب زايد
زايد ينش بصعوبه : و الله لو يلست تهدد و ترد ترمسها جوف شو بسوي فيك بشوه ويهك بجتلك تعرف شو يعني والله ترا بسويها
طلع زايد و هو يمشي غصب لين السياره اتصل فراشد
الكول :
زايد بتعب : رشود تعال خذني
راشد : بلاك
زايد : ماشي متضارب مع واحد تعال بسرعه
راشد : تمام طرشلي اللوكيشن
زايد : تعال أنا فميلس الشباب
راشد : دقايق و ياينك
عند عاشه و ظبيه
عاشه : خلاص ارقدي عندي
ظبيه : اخوج اهبل والله بيسير و بيتضارب و ياه
عاشه : خليه يكسر عضامه شوي
سار راشد و خذا زايد و صلو البيت و كان زايد ينزف من خشمه
عليا بخوف : زيود بلاك فديتك
زايد : ما فيه شي
عليا : منو جي مسوي فيك
زايد : اميه ما فيه شي أنا بخير نش من مكانه عسب يصعد فوق ظهرو عاشه و ظبيه من الغرفه و جافته ظبيه و عيونها تنزل دموع صعد فوق و يلس على الغنفه الي فوق
عاشه : ايبلك ثلج
زايد : ما يحتاي
عاشه : لا يحتاي و نزلت اتيب ثلج
تمت ظبيه تتطالعه و عيونها دموع
زايد بصوت خفيف : تعالي
سارت عنده ظبيه : اسفه والله ما كان قصدي
زايد يلس يتأملها سكت ما قال شي
ظبيه : خبرني و ين تعورت
زايد : انتي عورتي قلبي كيف جي تسوين
ظبيه : وألله أنا غلطانه ادري اني غلط بس انت ليش جي تسوي فعمرك
زايد : عشانج
ظبيه : أنا بعد الي سويته ما استاهل شي
زايد : حبيبتي ظبيه كلنا نغلط صح
هزت راسها
زايد : يلا امسحي دموعج يالسه تخوفيني ترا
ظبيه ابتسمت و شلت الكلينكس و مسحت دموعها
صعد راشد و جاف ظبيه
راشد : هلا والله ليش يايه بيتنا
ظبيه : جب
راشد : افا اتصيحين عشان هالجاموس والله ما يستاهل
يت عاشه و حطت الثلج على خشمه
راشد : والله يوم أنا طحت من الدراجه و تكسرت محد سوالي هالفلم الهندي و لا يت وحده صاحت عليه
عاشه : مسكينه مهوي كانت خايفه عليك هي الوحيده الي ما سكتت حتى صاحت اكثر عن ماما
راشد : خلاص برمس الوالده تخطبلي مهوي فديتها مفتكرتني
نش زايد و دش غرفته و نزلت ظبيه
عاشه : وين وين
ظبيه : بسير بيتنا باجر الجمعه
راشد : اطمنت على الحب خلاص شو تبا منج
ظبيه : رشود إذا ما سكتت والله بضربك
راشد : خلاص ها سكتت
سارت ظبيه بيتهم و انسدحت على شبريتها يلست تفكر
ظبيه ترمس عمرها : معقوله زايد الي بيعوضني عن الكل هو الي يدي يقصده معقوله ليش أنا ما حسيت دومه الوحيد الي يكون واقف ويايه هو الي فكل مشكله يطلعني منها أنا الغبيه سرت عند الشخص الغلط الكل جايف حبه لي إلا أنا الحماره ليش ليش يا ظبيه حتى وانا مسويه هالمصيبه هو الوحيد الي ساعدني
أنت تقرأ
لا خلت عيـني مـن عيونـك يـا حـبيب القلـب يالغالـي
Romanceهل بعد اللقى صدفه ؟ وترد كل المشاعرالجديمه اللي تملكتها له ؟
