شلت تلفونها و اول ما فتحته رن التلفون
الكول :
ظبيه بصوت مبحوح و تعب : الو
مايد : سلامات
ظبيه : منو
مايد : جي اتخوفيني عليج
ظبيه :
مايد : طمنيني عنج انتي بخير
ظبيه :
مايد : طلبتج ظبيه لاتعورين قلبي والله اني احبج موت والله ما اروم على فراقج
ظبيه : مايد ما اروم ارمسك
مايد : ليش محد عندج عادي
ظبيه :
مايد : كيف غرقتي
ظبيه : تزحلقت
مايد : حاسبي المره اليايه
ظبيه كانت خايفه و هي يالسه اترمسه كان فيها خوف و رجفه بس كانت أتحس انها مرتاحه و ان الاهتمام من شخص غريب كان غير كانت أتحس بشعور غريب ما فهمته كانت تبا اتبند بس في شي يمنعها انها اتبند
مايد : ليش جي صاخه رمسي عادي
ظبيه : كيف عرفت اني نشيت
مايد : سر
ظبيه : مايد خبرني كيف
مايد : ما حلا اسمي الا على لسانج
ظبيه : إذا بتم اتسولف جي ببند فويهك
مايد : ما نروم على العصبيه السموحه
ظبيه : انزين قولي كيف
مايد : قتلج سرررر
ظبيه : اوك برأيك يلا باي وبندت في ويهها
رد اتصل فيها مايد بس طنشته لانها كانت تعبانه و تبا ترقد تم يتصل لين ما خلاص رأسها عورها شلت التلفون وردت
الكول :
مايد : ليش ما تردين عليه
ظبيه : تعبانه ابا ارقد
مايد : سلامات
ظبيه : الله يسلمك يلا مع السلامه و صكرت
مايد : خيبه ما تعطينا ويه
دشو حميد و بطي الميلس
حميد : هلا بالعاشق الولهان منو ما عطتك ويه
مايد : خيبه داشين فالسالفه
حميد : هي لازم صوتك واصل اخر الفريج
مايد : بطي بلاه ويهك جي
بطي : والله ماشي
مايد : قول عادي نحن معاك
بطي: شوي الأهل تعبانين
مايد: سلامات
بطي : الله يسلمك يلا عيل ييت اسلم و برد
حميد : اقعد ياريال توك ياي
بطي : ما عليه المره اليايه
ظهر بطي من الميلس و هو فيه ضيجه تعبان يفكر في ظبيه اخته ركب السياره و أتساند على الكرسي تنهد و حرك السياره سار عند اخته سار المستشفى هو يعرف ان ما بيدخلونه بس يبا يطمن عليها و صل المستشفى
بطي : السلام عليكم
النيرس : و عليكم السلام
بطي: ظبيه حمد عبيد نشت
النيرس : هي نشت قبل شوي و ردت ترتاح
بطي حس انه مرتاح : انزين ليش ما حد اتصل و لا خبرنا
النيرس : هي نحن اتصلنا
بطي : خلاص ما عليه انزين اروم ادش عندها
النيرس : طبعا ما في مشكله
بطي : مشكوره
حس بطي انه يبا يطير من الوناسه حس انه مرتاح شي و انزاح عن قلبه دش و هو يمشي بخطوات هاديه عسب ما تنش ياب كرسي و يلس حذال الشبريه زخ أيدها و باسها حست ظبيه بوجوده فجت عينها و جافت بطي و ابتسمت
ظبيه : بطي
بطي : عيونه
ظبيه نشت عسب أتعدل يلستها
بطي : ليش اتعبين عمرج ارتاحي
ظبيه : متي ييت
بطي : توني واصل
ظبيه : وين امي
بطي : محد يدري انج واعيه
ظبيه:
بطي : شو فيج خبريني
ظبيه: تعبانه
بطي : ارتاحي أنا بتم عندج
ظبيه : لا سير ريح أنا برمس وحده من ربيعاتي اتي عندي
بطي: لا وين نص الليل و اتي روحها بعد ليش ماتبيني
ظبيه : لا والله اباك بس مبين عليك انك تعبان
بطي : مب تعبان ولا شي
ظبيه : انزين شو استوا البارحه خبرني
بطي : والله ماشي غرقتي و شربتي نص المسبح
ظبيه : لا والله صدق
بطي : نحن كنا فالميلس و على صوت الحريم العالي طلعنا من الميلس و أنا يالس اجوف الكل امي يالسه اتصارخ و تصيح و البنات كل وحده فاجه حلجها و دموعهم تنزل و حريم اعاماج يالسين يهدون بعض
ظبيه : منو ساعدني
بطي : والله من بعد الله ثم زايد جان انتي ميته الحين
ما جفتيه الريال يالس مكانه ما تحرك يوم شلوج اتقولين جاف الموت جدامه والله لو لا خوفي عليج جان سرت عنده
ظبيه ما رامت اتقول شي حست قلبها يالس يدق بسرعه
بطي : يلا الحين ريحي
انسدحت ظبيه و سيده طاحت ورقدت حست انها مب راقده من زمان كان تلفونها يرن بشكل متكرر و هي مب حاسه فعمرها نش بطي و شل التلفون جاف الاسم قلب احمر هد الفون ورد يرن خاف اتنش و تتعب ورد
الكول :
حمده و هي اتصيح : وينج بالحيوانه خوفتيني عليج و تصيح
بطي بخوف : ما فيها شي
حمده : وينها وين ظبيه منو انت ابا اظبيه
بطي : هدي يابنت آلناس أنا بطي اخوها
حمده استوعبت و سكتت
بطي بحنيه : ادري انج خايفه عليها هي الحين الحمدلله نشت و ردت ترتاح
حمده :وينها الحين
بطي : هدي الحين انتي
حمده : وينها ابا اي عندها الحين
بطي : يابنت الناس هدي وين بتين الحين الساعه هنتين
حمده : عادي بسرعه هي فأي مستشفى
بطي : مستشفى........
و صكرت
اتمنى عيبتكم البارات و اجوفكم اسبوع الياي مع السلامه
أنت تقرأ
لا خلت عيـني مـن عيونـك يـا حـبيب القلـب يالغالـي
Romanceهل بعد اللقى صدفه ؟ وترد كل المشاعرالجديمه اللي تملكتها له ؟
