‏لا خلت عيـني مـن عيونـك‏ يـا حـبيب القلـب يالغالـي

36

كل واحد راح الجتسكي ماله و ربكوا وصلوا نص البحر و كانو مسرعين وايد كل واحد ابعد عن الثاني عند مها و راشد

مها بصوت متقطع: ر ا ش د د
راشد : ها
مها: راشد اوقف
راشد وقف: مها فيج شي
مها: ظبيه ظبيه
راشد: شوفيها ظبيه
مها: ظبيه وينننننن
راشد: ورا
مها: راشد بموتتتتت ماقدرررر
راشد خاف: انزين امسكيني عدل
مها اتساندت عليه زياده وراشد سرع لين عند ظبيه وبطي اللي كانو يمشون بطيء عشان ظبيه تصور
بطي: رشود يالهرم شوي شوي
راشد بخوف: ظبيه ظبيه
ظبيه: نعم
مها: ظبيه برجع ماقدر
ظبيه فهمت: انزين رجعي عشان اقدر اعطيج الدوا
راشد: لحظه لحظه شو دوا
ظبيه: راشد مب وكتك
مها تمت ترجع فالبحر
بطي: بسمالله شو فيها
راشد: ظبيه شو فيها خبريني
ظبيه جافت مها عشان تتكلم
مها: اهدى مب شي مهم
راشد بعصبيه : انزين شو فيج جي ترجعين
ظبيه: راشد لاتصارخ عليها و عطت مها الدوا عشان تاخذه
مها: راشد خلاص بعدين بفهمك كلشي يلا نكمل
راشد بصراخ : مابتحرك إلا يوم تقولين شو سالفتج
ظبيه: راشد رمسها عدل عشان ما تتصفع
راشد: جب انتي مايخصج
بطي: انت اي رمسها عدل
مها: خلاص خلاص خلاص أنا بقول شو السالفه جافت ظبيه بطي وراشد مابيتكملون أنا اعرف
ظبيه: كيفج الشي راجعلج
راشد: يلا ارمسي
مها: انزين الله يسلمكم أنا اذا كنت فالبحر اتعب و إذا دخلت فيه اتعب اكثر و عادي يغمى علي و حتى من الأماكن الضيجه و محد اكتشف اللي فيني إلا ظبيه و اصرت الي نروح المستشفى و الدكتوره قالت مافي حل إلا اني يوم جي احس اخذ الدوا و هاي الحبه اتخفف اللوعه والتعب
راشد: من متى هالكلام؟
ظبيه: من كان عمرها 16
بطي: ليش ماقلتي حق حد
مها: ماكنت ابا اخوفهم علي
راشد: منو كان يعرف غير ظبيه
مها: يدي و امي
بطي: انزين يلا خلاص بعدين بنتفاهم فالموضوع يلا كلكم روحوا
راشد: نحن بنرد
ظبيه: لا لا ليش
راشد: مها ماتقدر
مها: على كيفك خلاص اقدر خذت الدوا خلاص اقدر ماعليك
ظبيه: راشد ماعليك لاتحاتي دامها خذت الدوا كلشي تمام ماعليك إذا مره ثانيه تعبت ردو بس خلاص الحين ماعليها خوف مسكينه فخاطرها تستأنس خلها
راشد: انزين يلا يودي الحديده عدل
مها :
و حركو و كل واحد سار
عند زايد و سلامه كان مسرع
سلامه و هي اتصارخ : بسسس اتسبحت بالماي خف السرعه
زايد : ضحك و يسرع اكثر
وراهم كانو بطي و ظبيه
ظبيه : طع زيود المينون جتل البنت
بطي ابتسم بخبث : ها تبين شراتهم
ظبيه : لا لا مشكور
و يفجه بطي ريس و يطوف زايد و منصور من قوت السرعه و ظبيه زاختنه بأقوى ما عندها خايفه اطير
زايد يأشر حق بطي انه يخف السرعه جافه بطي و خف و صلوكلهم عند بعض
منصور : يلا سباق
بطي : جدامه الفريق الخسران بيعزمنا سمعتو
راشد : انتو تتسابقون أنا ما ابا
زايد : من متى رشود ما يدش فالتحديات ما عرفتك و لا جت سكي ما عرفتك
راشد : لا البنت روحها لايعه جبدها
مها تهامس راشد : لا عادي والله متعوده ترا قلتلك خذيت الحبه
راشد عطاها طاف
بطي : بسك فلم هني رشود يلا بلاك اتقولك ما بلاها شي
راشد : يلا انزين
مريم : واحد اثنين ثلاثه
و كلهم يطيرون من قوت السرعه و البنات يالسات يناعرن
راشد : مها زخي عدل
مها : زاخه والله
و ينقز راشد من علي موجه عوده و بالقو ينزل علي الموج و من قوت الارتفاع مها على طول حست عمرها بطيح و تلوي على راشد من ورا و تمسكت فيه بقوه حس فيها راشد بس ما حب يحرجها
و يفجه ريييس و يكمل و يا الشباب
تمو يتسابقون لين ما وصلو عند المكان لي كانت نقطة النهايه و صلو و مها بعدها لاويه علي راشد من ورا كانت أتحس روحها دايخه
راشد حرك جسمه عسبت أتحس انتبهت مها و على طول نشت نزل راشد و نزلت مها و كانو اول ناس يوصلون و عقبها و صلو الياجين و آخر ناس كانو بطي و ظبيه
منصور : ها العزيمه شكلها عليكم
بطي : للأسف كله من الحماره الي ويايه (يقلدها) بطوي اخاف خفف السرعه
ظبيه : انزين شو اسوي اخاف
بطي : ليش رازه ويهج هالعود عيل يوم انج تخافين ها مها تخاف و استحملت عشان الفوز
راشد يجوف مها : خلاص هاي فتيمي كل مره ما ابا سلامه
سلامه : لا الي يقول الحين كل مره تباني
مريم تساسر منصور : اقولك ايبولنا فود
منصور : رشود سيري ايب فود حق البنات
خلصو و ردو عند الأهل و راحو تغدو و خلصو و ركبو الباص و كانو هلكانين و كل واحد خذاله زاويه ورقد على طول
و عاشه اشتغلت تصوير و يلست أتصور واحد واحد اتقول ذكري و كانت اشكالهم فضيعه و تضحك
اليده : لو كل يوم جي يتمون بنكون بخير
الكل ضحك
و صلو الفندق عسبت يريحون لانهم كانو تعبانين
في شرات الفندق فغرفة سهيل كان يالس و ياربعه كان سرحان
سالم : اقولك سهيل
سهيل :
سالم بصوت عالي : سهيلو
سهيل : هلا امر
سالم : وين رحت
خالد : شكله عاشق الريال
سهيل : بسكم حشرتوني
سالم : انزين خبرنا شو فيك
سهيل : والله شو اقولك شو من جمال عليها شو من حشمه و أخلاق مزيونه والله انها ما تتطوف
خالد : الله الله بس خبرني منو هاي و الحين ارمس الوالده اتسير تخطبها
سهيل : وين ياريال وايد استعيلت شكلك
سالم : نحن ما صدقنا لقيتلك وحده
خالد : ليكون اجنبيه و الله الوالده بتنحرنا
سهيل ضحك : لا وين مواطنه شكلهم ياين هي واهلها سياحه هني
سالم: ماشالله مابقى شي ماعرفته
سهيل: ترى ماعرف شي عنها إلا انه اسمها مابقول سر و مب وايد عوده يبين عليها اول سنه جامعه ثاني سنه جي و مب وايد طويله و عندها اخو توأم يشبهها و ماتحب تاكل الصبح وايد و
خالد: بس بس بس كلشي قلت عن البنت ماشاءالله وتقول ماعرف عنها شي
سالم: ولا اونه شو مابقول اسمها سر
خالد: مردنا بنعرف يالغبي
سهيل: اي اي شو غبي
سالم: مايستوي تقوله غبي خلاص الريال بيتزوج خلاص
سهيل: على كيفك اونه بيتزوج خلاص تبى تفتك مني قول
سالم: شخصنتها سهيلو
سهيل: اسكتو خلوني افكر على راحتي