‏لا خلت عيـني مـن عيونـك‏ يـا حـبيب القلـب يالغالـي

13

مايد : اباج
ظبيه : استح على ويهك
مايد بحنيه : عصب عليج
ظبيه : ما يخصك
مايد : تعورتي؟
ظبيه بأندفاع : ما يخصك!!
و صكرت
ظبيه : خيبه يلوع الجبد
بندت فونها و يت بترقد بس وصلها مسج من
زايد: شحالج ظبيه عساج بخير
ظبيه: الحمدالله بخير بغيت شي؟
زايد: لا بس حبيت اتطمن عليج سمعت من بطي انكم اتضاربتو
ظبيه: مافينا شي وهالشي مب يديد علي أنا و بطي دايماً نتضارب و نرجع ماعليك انته نحن اخوان و متفاهمين لاتحاتي
زايد حس انها ماتبا ترمسه: اسف ماكان ودي أتدخل بس صوت صياحج كان وايد عالي من جي رمستج عشان اتطمن بس
ظبيه: مشكور..
زايد: يلا عيل اخليج أنا مع السلامه
ظبيه: مع السلامه
و طبعاً كلنا نعرف انها مابترقد راحت تجوف مسلسلها شوي اتصلت فيها ريم
الكول:
ريم : الو
ظبيه : يعني كيف مانرتاح كل شوي حد ياي
ريم : خيبه كليتيني بقشوري
ظبيه : انزين شو تبين
ريم : كنت ابا اسولف وياج شوي
ظبيه :
ريم : ليش ظهرتي من الكوفي
ظبيه : هذا بطي ملوع جبدي
ريم : ليش
ظبيه : اونه ريايل و ما دري شو، ما علينا منه انتي شو تبين لاني ابا اروح ارقد
ريم : أنا الغلطانه الي اتصلت فيج سيري ارقدي يالديايه
ظبيه : خلاص ريمو لا تزعلين روحي والله مب بالعه حد
ريم : ليش
ظبيه : هذا مايد حاشرني ملوع جبدي غصب يباني ارمسه
ريم : انزين عطيه فرصه
ظبيه : انتي غبيه تراه ربيع اخويه و أنا ما ابا افتح باب حق هالمجال
ريم : ظبيوه عطيه فرصه جوفي شو يبا منج تراج مب خسرانه إذا ما عيبج عطيه بلوك
ظبيه : اخاف
ريم : كيفج أنا قلتلج
ظبيه : خلاص راسي بينقع ببند باي
ريم : فكري فكلامي و صكرت
ظبيه يودت راسها: اففففففف راسي بينقع القاها من مايد و لا من زايد و لا من ريممم شو اسوي، بخبر حمدوه
الكول :
ظبيه : حمدووه
حمده : عيونها
ظبيه : راسي بينقع ساعديني
حمده : افا بينقع و أنا بنت ابوي من شو
ظبيه : مايد يبا يرمسني ........... و كملت السالفه
حمده : ظبيوه لا تسمعين كلام ريم اكبر غلط يتسوينه
ظبيه :. انزين ها حاشرني
حمده : الغلط منج لانج رمستيه
ظبيه : والله بس كنت ابا اردله السماعه
حمده : شو مسوي
ظبيه : والله بصيح ما اعرف شو اسوي
حميد : خبري بطي
ظبيه : انتي مينونه تبيني اموت
حمده : ما أحيد بطي جي أحيد انه يتفاهم مب شرات خليفه
ظبيه : بس فالنهايه هذا ربيعه تخيلي انتي ربيعه يبا يرمس اخته و الله صعبه
حمده : اسمعي سالفة انج اترمسينه انسيها لو سويتها أنا بي بزغدج، و ريم لا تسمعين كلامها هاي ما تفكر شو بيستوي بعدين