بعد ماخلص الفلم ردوا بيوتهم
عند ظبيه اللي توها كانت مخلصه سباحه انسدحت على الشبريه و جافت ريم مرمستنها ف سناب اتصلت فيها
ظبيه بصوت تعبان: هلا ريمو
ريم: اهلينن بلاه صوتج تعبان
ظبيه: ماشي والله بس لايعه جبدي
ريم: هيييي انزين شورايج نروح السينما
ظبيه: على طاري السينما تخيلي منو جفت اليوم
ريم: منو بعد
ظبيه: لحظة لحظه بدخل حمدوه
ريم: يلا
حمده: هاييييييييي
ظبيه: هايات
ريم : يلا انزين كملي جفتي منو
ظبيه : جفت مايد اللي في الطياره
حمده بستغراب : منو هذا بعد
ظبيه : واحد كان يالس عندي فالطياره و كملت السالفه
ريم : لا مستحيل هذا كيف جي يسوي مينون
ظبيه : مادري اقولج دخلتي بالقو خله يحمد ربه ان ما زقرتله بطي
حمده : انزين شو يبا منج
ظبيه : مادري خوفني المهم ما علينا منه على طاري بطي، تخيلو امس اقوله ودني كوفي يقولي ماقدر انزين أنا اخته يعني ودني
حمده: انزين بعدين منو وداج جفتج مصوره
ظبيه: زيود وداني
حمده: خلاص عيل شرايكم باجر نحن الثلاثه نروح ويا بعض
ظبيه: خلاص تم
ريم: تممممممم
.
.
.
اليوم اللي بعده العصر ظهرت ظبيه من البيت وهي لابسه عباتها و ركبت سيارة حمده
ظبيه: هلا والله
حمده: اهلينننن
ظبيه: ها ريمو وين
حمده: الحين بنمرها
ظبيه: انزين بشبك
وصلوا عند ريم
ريم: السلام عليكم
حمده: عليكم السلام
ريم: اخت ظبيه مابتسلمين
ظبيه: ويت ادور اغنيه حلوه
حمده: طع هاي
ريم: ترى السلام عليه اجر
ظبيه: ياربي وعليكم السلام
وصلوا الكوفي و نزلوا
ظبيه: انزين وحده تروح تحجز طاوله و وحده اتي وياي عشان اطلب
حمده: خلاص أنا بحجز طاوله وانتوا روحو اطلبو ابا سبانش
ريم: تمام
في نفس المكان بس فالجهة الثانية بطي وربعه قاعدين يشربون كوفي و يسولفون
.
.
حميد: المهم بطي ياي ميود و صفعني ومن الصدمه تميت اضحك وياه و شوي و ياي يدي و يضربنا (حميد استوعب انه بطي مب منتبه له)
حميد: بطي يالخايس أرمسك أنا
بطي كان سرحان و يتأمل حمده ومب حاس ف عمره جاف وحده يعرفها عدل يت يلست عند حمده
.
.
طاولة البنات
ظبيه: افففف لذيذذذذذذذذ
حمده: وين مالي
ريم يت: يودي
بطي من جاف ظبيه عصب
حميد: بطييييييي
بطي بانفعال: خيررررررر
مايد: شوفيك سرحان
بطي: اصبر شوي ميود
دش سناب كتب حق ظبيه: اطلعي من الكوفي بسرعه!!!!
فتحت ظبيه المسج و هي مصدومه انه كيف هو ف نفس الكوفي لفت جافته على الطاوله و معصب و عنده مايد يت عينها ف عين مايد و شلتها بسرعه
كتبت له: بطي ياخي يالسه ويا البنات
بطي: والله يا ظبيه إذا الحين ماطلعتي بتندمين!!
ظبيه: انزين شوفيك بس عشر دقايق تراني قايله حق امايه
بطي: انتي تبيني افشلج جدام ربيعاتج ولا كيف؟
ظبيه: اويه بطي يعني قاعده اقولك عشر دقايق بس من زمان ماجفتهم
بطي : اقولج ظهري بسرعه
ظبيه : اوههووووو منك مابا اوكي امايه قالت عادي
بطي: ظبيه ماحب اعيد رمستي اكثر من مره
بند فونه و لف عليهم: مع السلامه
حميد: وين وين توك وصلت
بطي: مشغول ياريال بيننا بعدين
مايد من جاف ظبيه عرف انه بطي عصب عليها و رايح عندها
عند ظبيه لفت على طاولة بطي وربعه و جافت انه بطي نش من مكانه خافت و بسرعه قامت من مكانها
ظبيه: بنات أنا بروح
ريم: وين وين
ظبيه وهي متوتره: بروح بروح
حمده: وانتي كيف بتردين انشاءالله
ظبيه: برد مع بطي وراحت
طلعت برع جافت بطي واقف
بطي يود ايدها بقوه: يوم اقولج اظهري تظهرين فاهمه!
ظبيه: بطي ودر ايدي
بطي: روحي السياره بسرعه
ظبيه ودموعها قاعده تنزل: بطيي تراك تعورني
أنت تقرأ
لا خلت عيـني مـن عيونـك يـا حـبيب القلـب يالغالـي
Romanceهل بعد اللقى صدفه ؟ وترد كل المشاعرالجديمه اللي تملكتها له ؟
