بعد الغدا الكل تيمع يلسو يسولفون و ياكلون سويتات و يتقهون
اليده : رشود منو كان فالميلس اليوم
راشد : ميود ربيع بطي و ربع الوالد و يدي
اليده : منو ها بعد
ظبيه اذنها كانت وياهم
راشد و حلجه متروس اكل : الله يسلمج يدوه هذا ولد خالو وديمه قبل كم يوم راد من بريطانيه
عليا (ام زايد ) : رشود لا ترمس و حلجك متروس اكل
راشد : نزين
عليا : رشود نش هيس واحد يوم بتختنق جنك ياهل ما يعرف ياكل
اليده : هي و ديمه من زمان عنها عفرو اتحيدين وديمه
عفرا : هي والله حرمه و نعم فيها توني اعرف ان عندها ولد
اليده : ظبيوه ليكون الولد كان يدس وياج
ظبيه : لا ما احيد اني سمعت هالإسم فكلاساتي
دشو بطي و خليفه
وكانت الصاله متروسه من كثرهم اليده بنات نشو خله اخوانكم يلسون
مريم : حلو يروغونا عسب هايل
اليده : يلا بسرعه و ظبيوه تعالي يلسي حذالي
مها : هي قولي انا ما احبكم و بس احب ظبيه
اليده : لا والله احبكم كلكم بس والله ان هالبنت من زمان ما جفتها
ظبيه سارت يلست عند يدتها : ما عليج منهم يغارون مني خليهم
لطيفه : امي بسج يالسه ادلعينها بعدين بستوي خقاقه
اليده : يالله كلكم حاطين دوبكم بدوب بنتي شو تبونبها هدوها
بطي : ظبيوه يدي يباج فالميلس
ظبيه بأبتسامه : والله
بطي : والله
نشت ظبيه سارت الميلس
اليده : صدق ما تستحي ها و انا مسوتلها مكان عندي و هزبتكم عشانها هدتني و سارت عند الشيبه
مريم : يوم قنالج هاي ناكرت معروف
اليده : اسكتي انتي ام لسان
فالميلس :
ظبيه. : منو الي يباني
اليد : شي حد غيري يعني
ظبيه : لاء و سارت يلت عنده
اليد : ظبيوه حبيبتي
ظبيه : هلا
اليد : انتي من يتي مب طبيعيه بلاج
ظبيه : ما فيه شي
اليد : بتقصين عليه
ظبيه : ما اقدر ادس عنك شي
اليد : رمسي
ظبيه و الدمعه فعينها : طلع فيه ربو نشت لوت علي يدها
اليد : بس هذا الي مضايجنج
ظبيه : انت متخيل طول عمري بكون تعبانه
اليد : ياحبيبتي اذا الله يحبج بيبتليج ها انا فيه نص امراض الدنيا و الحمدالله ما فيه الا العافيه اكل و امشي و عايش حياتي لا تخلين ها الشي يأثر عليج
ظبيه و دموعها تنزل : تعبت وايد وايد يوم كنت برع خفت اموت من كثر التعب
اليد : بسم الله عليج فيه ولا فيج شو هالرمسه بعد
ظبيه : يدي لا تقول جي اخاف عليك
اليد : و انتي عادي اتقولينها
ظبيه :
اليد : اسمعي حبيبتي لا تزعلين عشان مرض تقدرين تسيطرين عليه
ظبيه هزت راسها بعنى هي : ان شاءالله
اليد : خذي الموضوع تحدي يانتي يا هو و طبعا انتي فوزي و خليج دوم محافضه علي ادويتج و الله معاج دوم و انا موجود متى ما بغيتي
ظبيه : مشكور يديه
اليد : بس مشكور ماشي بوسه
نشت ظبيه و باسته علي خدوده
اليد : فديت بنتي الحلوه يلا اجوف ابتسمي ياحلات الابتسامه علي هالويه الحلو
ظبيه : احبك وايد
شوي و يدش زايد
زايد : ما شاءالله ظبيوه هني
اليد : هي يايه عند يدها
شوي و يرن تلفون اليد : هذو بو حامد ما بغى يتصل يلا عيل انتبهي علي نفسج
ظبيه : ان شاءالله و سار اليد
زايد :بلاج ظبيوه
ظبيه : ما في شي
زايد : بتقصين علي زيود
ظبيه : والله زيود ما فيه شي
زايد جافها بدون اقتناع : نزين غسلي ويهج المحمر
ظبيه : ان شاءالله
سارت ظبيه عند الحريم فالصاله و يلست علي الكرسي و بالها مشغول في مايد و الامراض الي مره و حده دشو حياتها كانت هي معاهم بس تفكيرها فمكان ثاني تماماً ركز بطي و سار عندها و حط ايده على جتفها على طول فزت ظبيه و لف عليه
بطي : هلا حبيبتي
ظبيه بأبتسامه صغيره علي ويها : اهلين
بطي : بلاج جي مستويه انقري بيرد
ظبيه :ما فيه شي
بطي : بس و يهج يقول ان فيج واايد اشيا كاتمتنها داخل قلبج
ظبيه : يالسه افكر بعد الدراسه اشتغل ولاء
بطي : ليش اتعبين عمرج
ظبيه : ما دري احس بمل فالبيت
بطي : يوم بتملين عقب فكري تشتغلين
ظبيه : بعد صح
بطي : يلا عيل انا بسير ربيعي يترياني برع
ظبيه كانت متحرقصه تبا تعرف لو هو مايد او لاء : نزين يلا مع السلامه
أنت تقرأ
لا خلت عيـني مـن عيونـك يـا حـبيب القلـب يالغالـي
Romanceهل بعد اللقى صدفه ؟ وترد كل المشاعرالجديمه اللي تملكتها له ؟
