‏لا خلت عيـني مـن عيونـك‏ يـا حـبيب القلـب يالغالـي

40

الصبح فبيت اليده الكل ناش يالس يتريق
اليده : شخباركم
الكل : بخير الحمدلله
اليده : ها سهيل شو رأيك فالبيت
سهيل :  لا بيتج فنان ما شالله
اليده : هذا بيت الكل فديتك و بيتك انت بعد
ابتسم سهيل
منصور نش من علي الصفره : أكرمكم الله
اليده : هنيا و عافيا
منصور : اميه من تخلصين ابا ارمسج
عفرا : يلا يايتنك
سار منصور و يلس فصاله الثانيه و يت عفرا
عفرا : شو بغيت فديتك
منصور: ابا اتزوج
عفرا : مبروك ما بغيت منو بنت الحلال ولا تباني ادورلك عذوقي
منصور : لا البنت موجوده
عفرا : منو هاي بنت المحضوضه الي بتاخذك
منصور : هند
عفرا : منو هاي
منصور : هند عبدالله .....
عفرا : شو منو
منصور : هند
عفرا : طليقه خلوف
منصور : ليش فيها شي
عفرا : مخك شغال ولا
منصور : اميه البنت راحت مني اول مره والله ما تسير عني الحين
عفرا : انت تعرف شو بتسوي
منصور : ما همني ولا شي خ يستوي الي بيستوي با خذها يعني باخذها و إذا ما تبين تخطبينها حقي بسير روحي
عفرا : منصور تراني أمك ارمس عدل
منصور : أنتي مب فاهمتني
عفرا : فاهمتنك ياروح أمك بس فكر عندها ولد و عادي تستوي مشاكل بينك وبين خلوف
منصور : اميه حبيبتي انتي خلوف طز فيه و لدها على عيني وراسي والله بيكون شرات ولدي والله ما افرق بينه وبين عيالي
عفرا : منصور حبيبي والله صعب الشي الي يالس اتسويه تعرف البنت توها مطلقه بعد و أنا مب متزوج بيبلك وحده
منصور : آباها إذا ما خذيتها والله ما اتزوج من بعدها
عفرا : امري لله بجوف أبوك
منصور استاتس : صدق
عفرا : ما ودي اجوف منصور الثاني ابا منصور الي من زمان ما جفته توعدني اترد شرات قبل وأحسنا
منصور : و عد الله لا يحرمني منج
عفرا : امين
منصور : بس لازم باجر انسير و نخطبها لان ولد عمتها يباها
عفرا : يصير خير اول شي لازم اجوف أبوك و يدتك
منصور : حاولي عشاني
عفرا : ان شاءالله
نش منصور و باس راس أمه و طلع الحديقه و اتصل فهند و علي طول ردت عليه
الكول :
منصور بحماس : وافقت
هند مب فاهمه شي
منصور: بس باجر و بخطبج
هند نشت من على الفراش : احلف
منصور : والله
هند نزلت دموعها حست شي عود انزاح من على قلبها حست براحه ما حستها من زمان
منصور : يلا أنا بسير ارمس ابويه يلا مع السلامه
هند : مع السلامه
انثينتهم كانو مستانسين جنه حلم و تحقق ما كانو متوقعين كانو فاقدين الأمل
فالصاله بعد ما البنات سارو الغرفه و الشباب سارو الميلس الي برع تمو الأعمام و اليده و الحريم الكبار ييت عفرا و يلست
هزاع : شو يبا ولدج
عفرا : يبا يتزوج
اليده : هاي الساعه المباركه
لطيفه : منو تبين تخطبيله شي وحده فبالج
عفرا : و الله تبون الصدق الولد مققر
اليده : و منو هاي
عفرا : هند طليقه خليفه
هزاع : شو
عفرا : شو تسوي ولدك يباها
هزاع : خيشيل الفكره من باله نحن مب ناقصين مشاكل
عفرا : البنت من زمان فخاطره و خبرني بس خليفه سبقه و خذاها و الحين حس انها الفرصه
اليده : عفرا حبيبتي تعرفين انتي شو يالسه اتقولين
عفرا : هي عمتي و كل كلمه طالعه ما بترد مكانها
هزاع عصب : قلت ماشي سيري قولي لولدج يبا بندورله و حده ثانيه لا يبا ياخذ طليقه ولد عمه و شو عندها ولد بعد
عفرا : شو فيها المطلقه
حمد : هزاع يا خوي هد ما تنحل المشاكل جي
هزاع : تسمع الولد منو يبا ياخذ نحن ناقصين مشاكل
عفرا نشت من علي الكرسي و قالت بصوت عالي و متروس قهر : ما بخلي الماضي ينعاد يرد مكسور لان الي يحبها سارت لغيره ما بخليه مكسور ما ابا اجوف ولدي تايه يباها بياخذها انتو ما تعرفون ولدي شو مر فيه تعب تعب وايد حتى أنا ما قدر يشكيلي الي فقلبه (بدت دموعها تنزل ر هي تذكر كل الي استوا لودها )
كان قنبله و جريب بتنقع انتو كلكم لاهين فحياتكم و مزوجين الولد و البنت غصب عشان شغل و لاحد درا عند ولدي الي كان يجوف كل شي جدامه و اي فليل ينهار فحضني جنه ياهل منصور تعب اكثر عنكم تحمل و صبر و يوم حصل فرصه تبا تهدمه يا أبوه  ولدي بياخذها غصبنا عن الكل البنت ما فيها شي و قال ان الولد بيحطه فعينه ردت يلست و مسحت دموعها اتحاول تهدي نفسها
اليده : هدي ياحبيتي أنا ما عندي مشكله بس المشاكل ترا بتي حق منصور
عفرا: الولد عود و هو يقرر بنفسه يتحمل الي بيه
اليده : خلاص متى تبين نسير و نخطب
عفرا نشت و باست راس اليده : سامحيني إذا عليت صوتي عليج بس قلبي محروق علي ولدي
اليده : مسموحه يا حبيبتي تعالي ما قلتيلي متى
عفرا و هي أطالع هزاع : باجر
اليده : خلاص تم اليوم بتصلبها و هزاع اتصل فأبوها خبرهم ان نحن بني باجر عندهم
اضايج هزاع من عفرا : ان شاءالله
نزلو البنات من فوق علي الصريخ
مريم : شو مستوي اميه شو بلاج
عفرا : قولي مبروك
مريم : مبروك
عفرا: باجر بنخطب حق منصور و يلست اتيبب دشو الشباب علي الصوت
زايد : بلاكم منو اتزوج
اليده تضحك : لا بنسير باجر و بنخطب حق منصور
راشد : صدق
اليده : هي
راشد يسلم على منصور : مبروك ولد العممم
منصور الابتسامه شاقه ويها : الله يبارك فيك
يتت مها عند منصور : مبرووووك الحين احس انك كبرت
منصور يضحك : لا والله
يو الباجين و يلسو يباركوله
مريم : انزين منو بنت الحلال ما عرفناها
اليده : هند عبدالله
الكل تم صاخ عم الصمت كان الجواب غريب محد قدر يستوعب
اليده : عادي شو فيها لو ال
بنت أطلقت و اتزوجت مب عيب صح
عليا : صح كلام عمتي يلا صكرو حلوجكم عن يدشن الحشرات
راشد يهمس فأذن مها : عقبالنا
لفت عليه مها و خدودها احمرو
راشد : فديت الي اتحولت طماط
مها حست انها بتصيح من الحيا و شردت فوق و يلس يضحك عليها راشد يحب يحرجها
عاشه يتت عند راشد
عاشه : ها شكلها راضيه عليك صح
راشد يبتسم : يالله متى دوري
عاشه : وراك درب ايلس مكانك
عند ظبيه الي كانت فالغرفه و يالسه اترمس مايد
الكول
ظبيه : لا عادي
مايد : صدق عادي ما ترمسيني اسبوع
ظبيه : يعني ما ادري بس اتعودت عليك
مايد : يعني تحبيني
ظبيه :
مايد : يقولون السكوت علامة الرضى صح
ظبيه : خلاص ميود بسك
مايد : يا قلب ميود انتي
ظبيه : خلاص ما بسولف وياك
مايد : والله ما عندي غيرج سولفي ملان
ظبيه : سوري ريمو تتصل
مايد : هاي الحشره الي تخرب عليه كل شي
ظبيه تضحك : يلا باي و صكرت و ردت على ريم
الكول :
ريم : هلا بالقاطعه
ظبيه : اهلين
ريم : خلاص نسيتيني
ظبيه : لا والله بس تعرفين سفر و تعب و ما الحق حق ولا شي
ريم : انزين خلج من ها كله شخبار حبيب القلب
ظبيه ابتسمت : ماشي
ريم : يلا رمسي
ظبيه : احبه وايد احسه جي ما ادري يوم اسولف و ياه احس عمري فمكان ثاني فعالم جي حلو ما اعرف شعور متلخبط
ريم : قلتلج من قبل رمسيه عطيته فرصه جفتي
ظبيه : والله اموووت فيه ما ادري بلايه
ريم : اعترفتيله
ظبيه .طبعا لاء خبله انتي
ريم : عادي ترا ما فيها شي جريب بس و بيدق باب بيتكم و بياخذج
ظبيه : لا وين شكله مطول
ريم : ليش حني عليه خ يا خذج بعدين عادي عينه اتسير مني و مناك
ظبيه : هي والله انزين شو رايج انتي و حمدوه اتون بيت يدتي
ريم : اوك ما عندي مشكله
ظبيه : خلاص برمس حمده
ريم : مب لازم بس أنا و انتي
ظبيه : ليش يعني مافهت نحن ربيعات من زمان
ريم : حمده مب هي الي شرات قبل
ظبيه اتنرفزت شوي : كيف يعني
ريم : مستوي خقاقه و ما ترد بسرعه و دومها مشغوله 
ظبيه : بس هذا مب عذر  ان ما نرابعها
ريم : كيفج
ظبيه : يلا عيل بصكر
ريم : اوك
نزلت ظبيه تحت و سارت عند زايد الي كان متساند علي الايدار
ظبيه بهمس : زيود
زايد بنفس الهمس : نعم
ظبيه : ابا منك شي
زايد : امري
ظبيه : ابا الجهاز مال الربو نسيته فطياره
زايد : بس
ظبيه : وردو تقدر اتمر العياده اتيب ادويتي لاني فتره قاطعه عنهم
زايد : ليش قاطعه تستهبلين كم مره اقولج صحتج فوق كل شي
ظبيه : خلاص بعدين بنتفاهم
زايد : لا الحين
ظبيه : و الله الحين برد و با خذهم كلهم بعد
زايد : و الله إذا عررفت انج ما يالسه تا خذين بي لين بيتكم و بخبر امج
ظبيه : لا خلاص والله باخذ بس اترياني بي وياك
زايد : يلا بسرعه و خبري ابوج
ظبيه : ان شاءالله
ركبت ظبيه السياره
زايد: ليش ييتي بعد
ظبيه تحاول تلقط انفاسها: تعبت
زايد: ليش تركضين
ظبيه: عشان ما اتأخر عليك
زايد: و اتاخرتي
ظبيه ضحكت: انزين ماقدر اركض بسرعه
زايد ضحك
وصلوا الصيدليه
زايد: وصلنا
ظبيه: بسرعه بروح بيب الادويه و بي
زايد: انزين ليش بسرعه خذي راحتج عادي
ظبيه تمام و نزلت خذت الادويه
تم تلفون ظبيه يرن اكثر من مره و يطرش مسجات تلفون ظبيه كان مشبوك على السياره ف يبين رقم اللي يتصل زايد جاف الرقم حس انه يعرف الرقم مب غريب عليه الرقم حط الرقم ف تلفونه و طلع أسم (مايد ربيع بطي) أنصدم زايد ماعرف شو السالفه يت ظبيه وفتحت فونها جافت اتصالات من مايد سارت و كتبتله
المحادثة
ظبيه :انت غبي ليش متصل الحين لو زايد عرف ان انت
مايد : و زايد شو يخصه فيج
ظبيه : خلاص بعدين برمسك
مايد : ردي عليه
ظبيه صكرت التلفون و ما عبرته و رد يتصل كذا مره و زايد يالسه يجوف انها ماترد
زايد : ردي على التلفون
ظبيه بتوتر : لا ماشي هاي ربيعتي بتيلس اتسولف وانا مب فاضيه
زايد سكت ما قال شي كان يحس بغصه مب فاهم ولا شي شو علاقتها و يا مايد راسه كان يدور يبى يعرف
بعد هدوء
ظبيه: زايد
زايد: هلا
ظبيه: شورايك نمر على حميد دامنا جريب من بيتهم
زايد: وين بيتهم هاللفه ولا اللي جدام
ظبيه: هاي ثاني بيت على اليمين
زايد: انزين قوليلهم انج يايه
ظبيه: يعرفون قلتلهم
وصلو عند حميد و شلته ظبيه وردوا البيت و سارت ظبيه دشت و معاها حميد
ظبيه : سبرايز
اليده :فديت ولدي
ظبيه : حميدوه نش سير عند يدوه
حميد ربع عند اليده حضنها سارت ظبيه و جهزت الميلس حق ربيعاتها شوي و صلو و دخلتهم
يلسو يسولفون شوي و دشو البنات يلسو يسولفون و ياهم دشت سلامه
سلامه : اقولج بطوي يباج
ظبيه : ياربي
سلامه : يلا سيري خلني اسرق ربيعاتج شوي
ظهرت ظبيه سارت اتجوف بطي شو يبا
ظبيه : خير
بطي: حمده داخل
ظبيه : ما يخصك
بطي: ظبيوه بسج حركات يلا
ظبيه : هي
بطي حط ايده ع قلبه : قلبي
ظبيه : بسك حشرتني تبا روح اخطبها من ابوها
بطي : والله
ظبيه : سير يلا مب فاضيه
بطي : انزين ابا اجوفها
ظبيه : و اللهبزقرلك ابويه
بطي : خلاص مستويه ما تنبلعين
سار بطي و ردت دشت جافت حمده و سلامه يسولفون و ريم يالسه اتجوف فونها سارو يلسو فزاويه بعيده شوي عنهم
ريم :خبريني شو سويتي و يا الحبيب
ظبيه : ماشي
ريم : ادري انج عايشه قصة حب وياه
ظبيه : والله احبه ما ادري فيه شي ما جفته فحد غيره اموت فيه
ريم تضحك : الله يديم هالحب
ظبيه : امين
شوي يلسو يسولفون لين ما اذن المغرب و قررو البنات يردون البيت يت ظبيه و همست فأذن حمده
ظبيه : شي مفاجأة
حمده :شو
ظبيه : روحج بتسمعينها من ابوج
حمده استغربت:ليش يعني
ظبيه : يلا سيري وايد اتسولفين
عند مريم الي كانت ظاهره راده من بيت ربيعتها و هي صوب الاشاره واقفه تتريا الاشاره تنفتح و اول ما استوت الاشاره خضرا سمعت صوت عالي من برع جنه حد دعمها ما حركت السياره خافت و الناس يالسين يدقون هرن يبون يمرون و مريم واقفه خايفه اول مره يستويبها جي ما عرفت شو تسوي يلست أتفكر فوايد أشياء حتى ما نزلت من السياره شوي ياي عندها واحد ودق الجامه لفت مريم و قلبها يدق بسرعه نزلت الجامه
حميد : اهدي اهدي
مريم:
حميد : عادي ما استوا شي
مريم : شو استوا
حميد : راعي الطلبات دعمج من ورا
مريم : ليكون تعور
حميد : لا ما استوا شي لا تحاتين
مريم حست براحه: ريحتني
حميد : نزلي من السياره بسرعه
مريم نزلت بدون ما تسأل
حميد وين تلفونج
مريم عطته خذاه و صور الي استوا فالسياره من ورا و مريم و مبين عليها الخوف : شو اسوي الحين
حميد : رمسي اخوج و لا ابوج
مريم اتصلت سيده فمنصور
الكول :
مريم و صوتها يرجف : منصور
منصور : هلا مريوم
مريم : تعال عندي
منصور : انتي وين
مريم : سويت حادث
منصور يعرف ان مريم تتوتر يوم اتكون روحها : انزين لاتخافين الحين بي
مريم : منصور
منصور و هو راكب سيارته : ها حبيبتي
مريم : تعال بسرعه
منصور : يلا ياي و صكر
مريم بدت تتوتر زياده لان الشرطه يوو سار حميد و رمس الشرطي ورد عند مريم الي كان مبين عليها الخوف
حميد : مريم هدي ما في شي انتي مب غلطانه
مريم : وين منصور
حميد : الحين بي
شوي و صل منصور سار عند الشرطه خلص الموضوع و سار عند مريم و حميد
منصور : مريم
مريم : خفت والله كنت بموت وين سرت
منصور : ييت يلا تعالي وياي
مريم : شي ريال و قف عشان يساعدني و اشرت على مكانه
سار منصور و جاف حميد
منصور : هلا بو الشباب
حميد : اهلين الغالي
منصور : والله ما تقصر
حميد : اهم شي انتو بخير
منصور : الحمدلله
حميد : تامرني علي شي
منصور : لو ما عليك امر تروم اتيب سيارتها البيت
حميد : خلاص تمام
منصور : و سيارتك
حميد : لا أنا ياي و يا الربع
منصور فراله السويج : اندوك
حميد : يلا عيل
سارو ركبو السياره و طول الدرب حميد ما خاز عن بال مريم يلست تفكر فيه و قلبها فراشات