‏لا خلت عيـني مـن عيونـك‏ يـا حـبيب القلـب يالغالـي

27

27

اذن المغرب و الكل راح يصلي إلا زايد تم فالغرفه عند ظبيه
زايد: انتي اي
ظبيه: ترى عندي اسم
زايد: المهم
ظبيه: ترى عندي اسم
زايد: ظبيه
ظبيه: نعم
زايد:الحمدلله على سلامتج
ظبيه: الله يسلمك شو يالس تكتب
زايد : شو يخصج ناشبه فالتلفون حتى
ظبيه : يلا زيود قول ادري انك يالس تكتب شعر
زايد : شو عرفج
ظبيه : أدري يلا قول ملانه ابا اسمع
زايد : انزين لا تصيحين بقولج شعر بس مب أنا الي كاتبنه
ظبيه : ما عليه قول اسمعك
زايد : يقولج الشاعر

احبك دخيل الله و لا اقدر على فرقاك
إذا كان لي عندك غلى لا تفارقني 

حبيبي و شوقي لا تصدق كلام و شاك
ترى قصدهم فرقى المحبين صدقني

أنا كل ما قالو علامه للغلا خلاك
تلفت إلا عبرة الشوق تخنقني

ظبيه و الابتسامه شاقه ويهها : حبيتتتت قول بعد دخيلك
زايد : مب جنه بسج
ظبيه : يلا آخر وحده عشان خاطري لو لي غلا عندك قول 
زايد ابتسم  : عيل سمعي هذا يقولج

تسألني يالغالي إذا كنت أنا أغليك
و جاوبك لعيون طيبة نواياك

والله احبك ياهوا القلب و أبغيك
و اموت دونك يا حياتي و احياك

مادمت عارف بأن محدن يساويك
زيد غلاي و خلني كل دنياك

و ابشر بقلبن غايته بس يرضيك
كل ما نبض زيد غلاتك و علاك

قلبك وطن ... و أنا مواطن بأراضيك
اخلص لك من اقصاه لين آخر اقصاه
و سلامتج
ظبيه كانت متنحه في ويه زايد تستانس يوم يقولها شعر دوم من هم صغار يتعلم من أبوه و ايي و يقولها و هي تستأنس ما تروم اتقاوم أشعاره صح مب هو كاتبنه بس كفايه انه يقولها تحس انها في كوكب ثاني

زايد: بروح اجوف متى بيرخصونج
راح و قالتله النيرس تقدر تطلع بعد مايخلص المغذي دش مره ثانيه الغرفه
زايد: تقدرين تطلعين بعد مايخلص المغذي
ظبيه:
زايد ياي صوبها: مابقى شي الحين بيخلص أنا بروح برع عشان تاخذين راحتج
ياي بيطلع بس وقفه صوت
ظبيه: لحظه
زايد لف
ظبيه: شكراً زايد
زايد: على
ظبيه: على كلشي صدق شكراً
زايد: ماسويت شي
ظبيه: زايد ماعرف كيف أشكرك كلمة شكراً شوي في حقك لولاك أنا كنت بموت لولاك ماعرف شو كان بيستويلي صدق صدق شكراً
زايد: أصلا انتي يوم غرفتي شربتي نص ماي المسبح شكلج كنتي عطشانه
ظبيه : اقولك أنا الغبيه الي ييت اشكرك يلا اذلف
زايد جاف المغذي: خليج قد كلمتج اوكي ترى المغذي خلص بروح ازقر النيرس
.
.
وصلوا المزرعه اللي كانو فيها راحت ظبيه فوق تبدل لبسها يت بتطلع من الغرفه فونها رن
الكول:
مايد: سمعت انج طلعتي من المستشفى
ظبيه: منو قالك
مايد: اسرار مهنه ماقدر اقول
ظبيه:
مايد: الحمدالله على سلامتج
ظبيه: الله يسلمك
مايد: منو ردج المزرعه بطي كان عندنا
ظبيه: اسرار ماقدر اقولها
مايد: يعني جي نظامج
ظبيه: قول منو قالك اني طلعت بقولك منو رداني المزرعه
مايد: ماقدر اقول
ظبيه: خلاص عيل أنا بعد ماقدر اقول
مايد: قولي قولي
ظبيه: مع السلامه
مايد: النيرس
ظبيه: اي نيرس
مايد: النيرس اللي شلت المغذي منج
ظبيه: لاوالله كيف تعرفها
مايد بحنيه: تغارين
ظبيه: يع منو قال مجرد سؤال انت أصلا جايف ويهك
مايد : ماشي احلا مني ادري دوم امي اتقولي الف حرمه تتمناك
ظبيه : أمك اتسكتك بكم كلمه عسبت ما تزن على راسها
مايد : هي وبعد يلا شو
ظبيه : شو
مايد : انزين انتي منو ردج ما خبرتيني
ظبيه : رديت و يا زايد
مايد : لوع جبدنا هالزايد
ظبيه : ليش ان شاءالله
مايد : اي شي استوا زايد و زايد ما تلوع جبدج منه
ظبيه : لا مسكين مول مب مقصر دومه طيب ويايه و تعرف شو بعد
مايد : شو
ظبيه : قالي شعر اليوم كان وايد حلو
مايد : لا بعد لو زقرتيني كنت بيبلكم المليج
ظبيه : بلاك ما فيها شي شو فيك جلبت
مايد : ما جلبت ولا شي ها الصدق المهم يلا مع السلامه و صكر
ظبيه ترمس عمرها : هذا بلاه أنا الغبيه الي عطيته ويهه و الله
شوي و ريم تتصل فيها