بطي : جعلها دوم هالضحكه
اليد : امين وياكم
بطي : شحالك يدي
اليد : والله بخير
بطي : الحمدلله يلا عيل نحن بنترخص بنسير لازم نزهب اغراض باجر
اليد : هي والله بتستوي الساعه عشر و أنا لين الحين مب راقد كله من اختك لوتيه
بطي : مب منها من سوالفها
ظبيه ضحكت
اليد : فديت هالضحكه
ظبيه : تفداك
بطي : بتمون جي لين باجر ما بنخلص يلا مع السلامه
اليده : في حفض الرحمن
سارت ظبيه تلبس عبايتها و طلعت مع بطي
زايد : يلا عيل أميه أنا بعد بترخص
اليده : فحفض الرحمن
ظهرت ظبيه و بطي كان وقاف يترياها جدام السياره
بطي لف عليها : ظبيوه مب جنه بسج صياح
ظبيه : انت سمعت امايه شو قالت
بطي بحنيه : ظبيه امايه اتقول نحن لازم ننسيه الألم
ظبيه : انزين أنا أخاف اخسره
بطي : لا تخافين يدي قوي من زمان و هو متحمل
ظبيه : انت روحك قلت من زمان يمكن خلاص تعب ما يروم
بطي يلوي عليها: ظبيه حبيبتي بسج مب زين هالصياح الي ماله داعي
كان زايد ظاهر من البيت و جاف ظبيه اتصيح و هي فحضن بطي سار صوبهم
زايد : انتي بعدج اتصيحين
ظبيه : ما يخصك
بطي : ظبيه عيب
زايد : ظبيه ليش الصياح ترا يدي موجود عندنا بعده وغير جي تراه قوي لا يغرج يدي شيبه بس يقدر يتحمل
ظبيه : انتو ما تفهمون اخاف اخسره
زايد : لا ان شاءالله ما فيه إلا العافيه انتي ادعيله هو ما يبا منج شي ادعيله
ظبيه : ان شاءالله
بطي: خلاص يعني انرد البيت
ظبيه تهز رأسها
زايد : بطي حط ظبيه في عينك تراها غاليه
بطي : لا توصي حريص
ابتسمت ظبيه في ويهه زايد
زايد : وانتي بسج صياح سمعتي
ظبيه : ان شاءالله
زايد : يلا عيل فحفض الرحمن
حرك بطي و راح البيت الكل رد بيته عسب يزهبون ملابسهم حق المزرعه
في غرفة ظبيه كانت منسدحه و تفكر في يدها خايفه تخسره هو الوحيد الي عنده اسرارها هو الوحيد الي يواسيها اتخاف تخسر اغلا ناسها لين ما غفت و هي حتى مب مبدله لبسها
اليوم الثاني عند باب غرفة ظبيه يالس حميد و يصيح
حميد و هو يصيح : عموووه افتحي الباب
ظبيه ربعت و فتحت الباب حميد طاح فحضنها
ظبيه : حبيب عموه انت خبرني بلاك
حميد : بابا ناثعني
ظبيه : عادي حبيبي هذا أبوك شو سويت انت
حميد : ما اعرف
ظبيه : خلاص تعال ساعدني تعرف اليوم وين بنسير
حميد : وين
ظبيه : بنسير مزرعه عوده و بنجوف يدوه شما و يدي عبيد و زيوود
طبعا حميد متعلق ف زايد وايد لانه يعامله معامله حلوه
حميد و هو يمسح دموعه : صدق ثيود بيكون موجود
ظبيه : هي حبيبي
حميد : ابا ارمسه
ظبيه : بتروح هناك رمسه
حميد : لا ابا الحين
ظبيه : انزين لا تيلس اتحن
شلت ظبيه تلفونها و اتصلت على زايد
اجوفكم اسبوع الياي و البارتات اليايه بتكو اكثر اكشن يلا بااااي
أنت تقرأ
لا خلت عيـني مـن عيونـك يـا حـبيب القلـب يالغالـي
Romanceهل بعد اللقى صدفه ؟ وترد كل المشاعرالجديمه اللي تملكتها له ؟
