اليوم اللي بعده كان يوم الجمعه الكل موجود ف بيت اليده بعد الغدا
منصور : امايه متى بتروحين تخطبيلي
عفرا: حبيبي مايروحون الحين بنروح بعد صلاة المغرب
منصور : وايد باجي لين المغرب
سلامه: اخوكم مينون
مها: اونه باقي وايد جنه ياهل
سلامه ضحكت
مها: انزين منو بيروح
سلامه: المفروض امج وماعرف منو بعد
مها: مريوم منو بيروح النظره الشرعيه
مريم سرحانه ف فنيان القهوه
مها صارخت : مريوووممممممم
مريم خافت: بسمالله الرحمن الرحيم مينونه انتي
مها: عشان تسمعيني
مريم بأنفعال : مب زين والله خوفتيني لو انصبّت عليه القهوه الحين اف
مها ببرود: ماكان قصدي
مريم: شو تبين الحين
مها: منو بيروح النظره الشرعيه
مريم: تستهبلين انتي
مها: لا
سعيد: منو هاييل الي مسوين حشره ماحيد عندنا يهال فالبيت
ظبيه: عندنا يهال عمي مريم و مها
سعيد: مريوم انتي الحين العوده اللي مالج حس جي تصارخين
مريم: عمي هاي مها تصارخ فأذني و تقطع افكاري
مها: عشان يوم ارمسج تردين عليه
سعيد: مايجوز ترويع المسلم يامها
كملت مها سوالف ويا سلامه و مريم كملت تفكير كانت تفكر شو تسوي فحياتها ماعندها شي و الشغل اونلاين تبى شي تسويه تتسلى فيه
هزاع نش و طلع برع انتبهتله مها و نشت طلعت برع عند ابوها حسته مب على بعضه اليوم فيه شي
هزاع: هلا بأحلى بنت فالدنيا هلا ببنتي الصغيره
مها: ابويه وحضنته
هزاع: بسمالله شو نازل عليج من متى جي تحبيني
مها: ابويه اشتقتلك من زمان ماقعدنا أنا وانت ويا بعض
هزاع: انزين الحين أنا وانتي ويا بعض يلا شو عندج خبريني
مها: ابويه بسالك سؤال جاوب بصراحه
هزاع: يلا اسألي
مها: انت راضي على زواج منصور
هزاع: هيه راضي
مها: ابويه قلنا بصراحه
هزاع: راضي عن الزواج
مها: لا ابويه انت مب راضي يبين عليك
هزاع: تصدقين محد حس غيرج
مها ابتسمت: انت أبويه أنا قطعه منك كيف ما بعرف شو فيك
هزاع زخ خدودها : انتي اصلاً بنت ابوج
مها: انزين ابويه لاتغير الموضوع ليش مب راضي عن زواج منصور يعني الحرمه مب عايبتنك ولا ماضي الحرمه
هزاع: قبل كم سنه يوم ياي منصور يبى يخطب هند أنا كنت اول داعم له وكنت احاول قد ما اقدر عشان اخليه ياخذها هذا ولدي طبيعي اباه ياخذ اللي يباها والبنت مافيها شي ماشاءالله عليها كامله مب ناقصنها شي بس الله ماكتب و خذاها ولد عمج
مها: انزين و الحين انت ليش مب راضي
هزاع: أنا عادي عندي ولدي ياخذ مطلقه فالنهايه هو بيعيش وياها مب أنا، أنا عادي عندي ياخذها هي وولدها أنا راضي بس المشكله انه طليقها ولد عمج هاللي أنا مب راضي عليه بتستوي مشاكل وايد بينه و بين خليفه
مها: لا ابويه انشاءالله مابتستوي هالمشاكل لان خليفه زين منا نجوفه طول وقته عند مرته وهو من الأساس ماكان يبى هند ابوه رشحها له وهو وافق عشان الشغل لا اكثر ولا اقل ابويه كانت هند اتي عند ظبية تقولها خليفه شو يسوي ابويه كان ينازعها وهي مب مسويه شي صراحه أنا اجوف انه خليفه مايستاهل هند ولا هند تستاهل خليفه والله
هزاع : فديت بنتي الي تغير نفسيتي
ابتسمت مها : والله اني ابحكككك
هزاع : و أنا أموت فيج يلا أنا بسير
مها :فحفض الرحمن طلع هزاع ويت مها تبا ادش و لا اي راشد و ير أيدها لفت مها
راشد : هلا بالحلوه
مها : رشود والله مالي خلقق
راشد : انزين شو اسوي لو الي هني يا اشر على قلبه يحب
مها بعبط : يحب منو
راشد : وحده حماره
مها : ليكون رديت حق العفريته شيخوه
راشد يبا يلعوزها : سامحتها
مها فجت عيونها : شو
راشد يضحك
مها يرت أيدها : خلها تنفعك
راشد : تعالي اللعوزج والله
مها : تعرف اني ما احب غشمرتك الثجيله
راشد بعده يضحك
مها : بسك رشود حشرتني
راشد : والله احب العوزج
مها : يلا خوز ابا ادش
راشد : انزين توني ييت ابا اسولف وياج
مها : سير عند شيخه
راشد : اوك يلا ساير
مها : والله بخبر عليك أبوك
راشد : مشكله الي يزعلون بعد و دش
بعد صلاة المغرب تجهزوا الحريم و مها و مريم معاهم رايحين يخطبون هند حق منصور
عفرا وهي تبخر منصور : احلا معرس فديت ولدي
منصور يبوس راس أمه : و انتي احلا ام والله
راشد يالس على الغنفه و يجوفهم: اميه متى دوري
عليا : حبيبي انت استريح
راشد : اول ما اتوضف بتخطبولي
عليا : يصير خير
مريم نزلت و يا مها و كل و حده احلا عن الثانيه كانو لابسين عبيهم و ريحة العطر و البخور تارسه الصاله
مريم : يلا نحن جاهزين
راشد ما شل عينه عن مها
مها : يلا أنا بسير اودي الأغراض فالسياره و رادتلكم
اليده : رشود نش و شل الأغراض بسرعه
راشد : من عيوني
اليده : سير عسب ما انقع عيونك
سار راشد عند مها الي كانت يالسه تدخل الأغراض فالسياره
راشد : شو ها كله
مها لفت عليه: شو تبا
راشد : شو مسويه فعمرج
مها : شو
راشد : يخربيتج شو هالجمال
مها استحت بس مابينت: رشود يوز عن سوالفك مب فاضيه والله
راشد : يالله ما روم متى بي اليوم الي باخذج فيه
مها : رشود بس خوز
راشد : شو اسوي فيج خبريني
مها كانت مستحيه بس حاولت ماتبين: جربت تحصل طراق ولا لا ودخلت الأغراض و دشت داخل
دش وراها راشد و هو حاط ايده على قلبه : اميه قلبي يعورني
عليا : بسم الله بلاك
راشد : جفت شي
عليا : شو جفت
راشد : جفت حرمتي
بطي : ليكون جفت لاكشمي (خدامتهم) دومها تقول بزوج بنتي رشود
راشد : جب انت جب
حمد : يلا نحن سايرين حاسبو على عماركم و يوزو عن حركات اليهال مب ناقصين نحن و البنات هني
بطي : ان شاءالله
ظهرو راحو بيت هند الي كانو فالبيت زايد و بطي و راشد و سهيل و سلامه و ظبيه و عواش كانت راقده
فالصاله الشباب يالسين يسولفون نزلو البنات و يلسو يسولفون وياهم و ظبيه يالسه على التلفون تسولف و زايد ما شل عينه من عليها حس بضيجه يبا يطلعها بس يحس انه مكتوم نش من مكانه
بطي : على وين يالغالي
زايد : سلاموه وين عواش
سلامه : اضن راقده فوق بس على ما اعتقد انها نشت قبل شوي
سار زايد عند عواش كانت وا عيه و يالسه اتجوف تلفونها دق الباب
عواش : تعال
دش زايد و كان مبين عليه التعب
عاشه ما استغربت من هالشي لانه دايما اي عندها يوم يكون مضايج : هلا بالحبيب
زايد وهو يتنهد : اهلين
عاشه : بلاك يالعاشق
زايد : سؤال
عاشه : شو
زايد : لو اكتشفتي ان الي تحبينه يرمس غيرج شو بتسوين
عاشه : بتأكد انه ما يحبني
زايد و الكلمه غصب تظهر منه : ظبيه ترمس مايد ربيع بطي
عاشه و هي مصدومه : شو
زايد :
عاشه : كيف عرفت و من متى
زايد : مادري راسي يعورني احسه بينقع
عاشه : انزين متى عرفت
زايد : قبل كم يوم
عاشه ما قدرت اتقول شي لان الشي وايد عود
زايد : ساعديني شو اسوي راسي يعورني ما اروم افكر فشي غير هالسالفه احس اني بنقع في اي وقت
أنت تقرأ
لا خلت عيـني مـن عيونـك يـا حـبيب القلـب يالغالـي
Romanceهل بعد اللقى صدفه ؟ وترد كل المشاعرالجديمه اللي تملكتها له ؟
