31
نشت ظبيه و سارت عند خليفه و يلست تضربه على صدره وتصارخ بقهر : كل منك انت انت السبب يدي راح مني كله منك انت يالحقير ليش جي سويت ليش
ياي بطي و سحب ظبيه
بطي العبره خانقتنه : ظبيه بسج بس ارحمي عمرج شوي
ظبيه : كله من الحقير كله منك الله لا يوفقك لا دنيا ولا اخره يالخايس
بطي حضنها وهي فحضنه يالسه تصيح حست روحها مخنوقه من الخبر
كل واحد دموعه تنزل و بس صوت صياح ظبيه الي كان عالي
هالوقت كانت اليده يالسه تحت في حديقه المستشفى روحها لين ما ياي عندها راشد يلس حذالها و هو ساكت ودموعه تنزل لا إراديا
اليده و هي تتنهد : راح وليفي
راشد ساكت و دموعه بس الي يالسه تنزل
اليده : ما عليه ياولدي هاي سنة الحياه
راشد مارام يستحمل و حضن يدته حس عمره ياهل محتاي حنان دافي بدال ما يواسي يدته هي الي واسته و تم فحضنها يصيح من خاطره
عند بطي وظبيه
بطي: ظبيه حبيبتي لاتسوين ف عمرج جي يدج راح للي ارحم مني ومنج يدي ارتاح الحين لازم تستانسين له، قدر يرتاح من الأمراض اللي فيه
ظبيه: بطي ماقدر ماقدر ماقدر وصاحت حضنها بطي لانه ماقدر يقول شي زايد كان يجوفها و قلبه يعوره عليها
زايد: بطي رد على التلفون
بطي لف على ظبيه: بروح وبي واتريني بوصلج البيت
ظبيه: مابا ابا اروح المقبره
بطي: ظبيه حبيبتي مايستوي انتي حرمه و هناك كله ريايل مايستوي حبيبتي انتي
ظبيه: انزين ابا اجوفه اخر مره
زايد: تعالي بوديج عنده فالثلاجه( ثلاجة الأموات)
راح بطي يجوف تلفونه ليش هالكثر يرن و منو يتصل اول مافتح تلفونه رن و كان حميد
الكول:
حميد: بطوي انت وينك اتصل فيك ماترد نبا حد يلعب ويانا بتي
بطي و خانقتنه العبره : حميد
حميد حس انه فيه شي: هلا
بطي: حميد ماقدر مأقدر توقعت اني بقدر بس والله ماقدر
حميد طلع من الميلس: بطي فيك شي
بطي: مب أنا حميد مب أنا
حميد: بطي قولي الأهل فيهم شي بطي لاتخوفني عليك جي
بطي: يدي حميد يدي
حميد: شوفيه يدك
بطي: مات و دموعه بدت تنزل
حميد: لاحول ولا قوة الا بالله
بطي صاح
حميد: اسمع بطي هذا قضاء ربك ونحن مانقدر نعترض عليه صح ولا لا
بطي: صح بس
حميد: لابس ولا شي بطي انت قوي و تقدر على كل ها انت جربت اخس من هالشي
بطي: انزين أنا مجرب اختي مب مجربه ويدي كان اجرب واحد لها كيف بتقدر تتخطى حميد قولي كيف
حميد: ماعليك بطي اختك بتقدر
بطي: غامضتني حميد ماقدر اسويلها شي أنا اخوها اللي معاها فكل شي ماقدر اسوي شي
حميد: بطي انت تقدر تقدر على كلشي ماقلت لي متى الدفن
بطي: بعد صلاة المغرب
حميد: اي مقبره
بطي: مقبرة...
حميد: تمام
فميلس الريايل
لف حميد على مايد : نش ميود بنسير
مايد : وين
حميد : بطي يده توفى و بنسير انعزيه و نوقف وياه الريال تعبان
مايد على طول اتذكر ظبيه : خلاص ما عليه سير بسيارتك و أنا بي بسيارتي
حميد : خلاص تمام
مر الوقت بسرعه و كل دقيقه كانت أصعب عن الي قبلها كل واحد حالته حاله
فبيت اليده فاصاله بدو الحريم ايون الخبر أتنشر، طول هالوقت و اليده و لا دمعه نزلت منها جربت هالشعور و ادركت ان الدموع ما بتفيد بشي هي الي كانت أتواسي بدال ما يواسونها
عند ظبيه كانت يالسه فالغرفة و تصيح بحرقة رن فونها
الكول :
مايد : ظبيه
ظبيه صوت صياحها بس الي ينسمع
مايد : بسج ياروحي
ظبيه : راح أغلى ناسي
مايد : الله يرحمه ويغفرله ادعيله ما بيفيد الصياح صدقيني
ظبيه :
مايد : يلا أنا بسير الحين الميلس الصياح مامنه فايده صلي و ادعيله أوعديني بتوقفين صياح
ظبيه يالسه تصيح
مايد : بسج يا روحي انتي الله يخليج لا تعورين قلبي عليج و صكر
يلست اتصيح ظبيه بحرقه نشت مسحت دموعها و لبست شيلتها و نزلت تحت عند الحريم سارت يلست عند يدتها و حطت رأسها على جتف يدتها و دموعها تنزل
اليده : بسج حبيبتي
ظبيه ما كانت اترد بس صياحها كل شوي يعلا تمو على هالحال لين العشا
البيت استوا هدوء كل واحد راح غرفه يتم فيها دش بطي الصاله و كانت الصاله بارده يلس على الكرسي و جاف تلفون ظبيه يرن طنشه و تم يرن فوق الثلاث مرات شل التلفون
الكول :
حمده : ظبيوه حبيبتي وينج ما تردين عليه و الله خفت عليج كنت بيج اليوم بس سيارتي اختربت مادري شو فيها
بطي بصوت يرجف : ظبيه مب هني
حمده : بطي
بطي :
حمده : فيك شي
بطي: اسمعي يدي اتوفى اليوم خلج ويا ظبيه تعبانه وايد لا تهدينها
حمده : ادري و من عرفت الخبر ما ردت عليه
بطي: دخيلج لاتهدينها روحها ضايعه الأهل كلهم ضايعين
حمده : وانت اول واحد ضايع بينهم
بطي بدت دموعه تنزل
حمده بحنيه : هاي سنة الحياه يا بطي إذا ما سار اليوم كان بيسير باجر ادري انك مدرك لكلشي بس صعب وايد صعب انك تفارق أحبابك بس انت تروم تحمل شوي عشان خاطرهم لا تضعف جدام اي شخص مهما كان موقفك و يلا لازم ارمس اختك يلا مع السلامه و صكرت
بطي حس انه مخنوق ظهر من البيت و سار عند ربعه
فغرفة اليده كانت يالسه على الشبريه و تقرا قران شوي و دشت ظبيه كانت تعبانه من الصياح
اليده : توا ما نورت الغرفه
ابتسمت ظبيه بدون ما ترد
اليده : تعالي حبيبيتي ليش واقفه عند الباب
دشت ظبيه و سارت انسدحت على ريل يدتها تمت اليده تمسح على راسها
اليده : ليش ياحبيبتي
ظبيه عيونها متروسه دموع ينزلون ورا بعض
اليده : تعرفين يوم دشيت عنده الغرفه شو قال لي قالي ظبيه امانه بين ايدج ما ابا اعرف ان دموعها نزلت لو عرف ان دموعج نزلت و عشانه شو بيقول عني بيقول مهمله بيقول هاي الامانه الي عطيتج جي استوا فيها
ظبيه بصوت بزور ينسمع : بس هو الي هد الامانه
اليده : ياروحي انتي لازم تعرفين ان ربج هو الي ياخذ ويعطي ما يستوي نتعب عمرنا و نهلك عمرنا عشان قضاء ربج ليش أنا ما صحت ولا دمعه نزلت ليش تعرفين أنا مأمنه بربي اعرف انه خذاه يبا يريحه من التعب الي هو فيه تعرفين ما كان يروم يرقد من العوار الي فيه كان جدامج يمثل انه قوي و يوم انكون روحنا يتعب وايد وايد أنا احمد ربي مليون مره انه خذاه و لا خلاه يتم ويتعب و الحمدلله على كل شي يلا شكلها عايبتنج اليلسه هني
نشت ظبيه و يلست على الشبريه
اليده : ها شكلج بترقدين عندي
ظبيه بصوت خفيف : لا بسير ارقد فوق
اليده : برايج يلا عيل صكري الليت وراج
ظبيه : ان شاءالله
ظهرت من الغرفه و هي مرتاحه جافت البيت حسته غريب مب نفسه بيت يدها قبل
أنت تقرأ
لا خلت عيـني مـن عيونـك يـا حـبيب القلـب يالغالـي
Romanceهل بعد اللقى صدفه ؟ وترد كل المشاعرالجديمه اللي تملكتها له ؟
