جافت ظبيه كلمة الله يحفظج استانست مع انه مب اول مره حد يقولها هالكلام
عند حمده اللي كانت مخلصه شاور و منسدحه على الشبريه انعاد الحوار اللي دار بينها وين بطي
بطي: شحالج حمده
حمده: بخير الحمدالله و من صوبك
بطي: بخير دامج بخير فديتج
ابتسمت ابتسامه عريضه ولوت على الدبوب
يوم الجمعه الظهر التيمع ف بيت يدتهم
نشت بطلتنا خذت شور سريع صلت الظهر طلعت لها مخور وردي و حطت ميكب و لبست عباتها و نزلت تحت
ظبيه: هلا والله بأحلى ام و ابو فالدنيا
حمد: ها يلا جاهزه
ظبيه: ابويه يعني رد علي
حمد : اهلين اهلين يلا اركبي السياره
ظبيه: متى بتيبلي سياره
حمد : حبيبتي انتي توج راده ريحي شوي
ظبيه :انزين أنا ريحت ابا سياره ابا اظهر و ارد مب كل شوي اتصل في بطي اي يوديني
حمد : انزين هدي بويه كليتيني عنبوه بيبلج من عيوني
ظبيه : ياخي احبكككك
حمد : تراني ابوج مب اخوج
ظبيه : شو اسوي يوم اسولف وياك احس عمري مرتاحه
حمد : يلا نزلي وايد اتسولفين
ظبيه : لا تنسى السياره
حمد : دشي بسرعه الريايل واقفين هني
ظبيه : انزين عادي اقول شي
حمد : و الله بشخطج بخيزرانه محنايه دشي بسرعه
ظبيه : اوك ريلاكس و ربعت داخل الصاله فتحت الباب بلقو و دعمت زايد الي كان زاخ فنيان قهوه فأيده
ظبيه و هي تلقط انفاسها : سوري والله
زايد : حصل خير
ظبيه : احترقت
زايد : لا بس ليش جي داشه
ظبيه : ابويه كان بيضربني
زايد : الله رحمج يلا عيل أنا بسير عن الريايل
ظبيه : دقيقه كيف جي بتسير و الكندورة خاست خلك هني الحين بي
زايد : بطولين
ظبيه : لا دقيقه الحين بي ومشت بسرعه
زايد ابتسم : انزين شوي شوي اتحولتي باتمان
ظبيه : جبببب
زايد : سيري بسرعه الريايل يتريوني
ظبيه : انزين دقيقه سارت و هي تمشي بسرعه و مرت جدام الصاله الي يالسين فيها الحريم
اليده : ظيبوه تعالي وين سايره
ظبيه : دقيقه الحين يايه
اليده : انهبلت البنت تربع جي
سارت ظبيه عقت عباتها و لبست شيلت بيت و نزلت بسرعه
اليده : ظبيوه بلاج يالسه تربعين جي
ظبيه : امايه دقيقه الحين بيج
لطيفه : خليها الحين بتي انزين انرد شو قلتي وين عواش مسافره
سارت ظبيه عند زايد الي كان واقف
ظبيه : افصخ الكندوره
زايد مستغرب : شو
ظبيه : افصخ الكندوره بسرعه بسرعه مب الريايل يتريونك
زايد : هي
ظبيه : يلا عيل بسرعه
فصخ زايد الكندوره و عطاها و تم بالفانيله و الوزار سارت صوب المغسله و زايد يمشي وراها شلت الكندوره و حطتها صوب المغسله و يابت الصابون و يلست تفرك الكندوره و زايد واقف يتأملها
ظبيه : تعال بسرعه ارفع الشيله
زايد : ها
ظبيه : زيود بسرعه شيلتي بطييح
زايد ابتسم على الدلع : سار ورا ظهرها و كان شوي قريب منها شل الطرف الي طايح و لفاه علي راسها و كان شكلها يضحك و ما قدر يزخ ضحكته و ضحك
ظبيه : شو بلاك يالس تضحك
زايد وهو زاخ الضحكه : لا لا و لاشي يلا بسرعه
راشد ياي يغسل ايده
راشد : زيود يالهرم وين كندورتك
زايد لف : والله شي وحده خيستني
ظبيه : هاي يزاتي يالسه اغسل كندورتك
راشد : ظبيوه انتي بعد هني لا حلوه القعده الرومنسيه
ظبيه طشرت الماي عويها
راشد : مينونه و الله زيود يلا أنا متوهق ابوك كل جمعه ايب ريايل الفريج و نحن الي ندبل يلا تعبت وانا اقهويهم
ظبيه : و ين خلوف و بطي خيعاونونك
راشد : الله يسلمج انسه ظبيه اخوانج شاردين عقو الشغل عليه و شردو
ظبيه رفعت الكندوره :و جي اكون خلصت بس باجي شي
زايد : شو بعد
ظبيه : تعال وراي
زايد يالس يتأفأف
ظبيه : بسك
أنت تقرأ
لا خلت عيـني مـن عيونـك يـا حـبيب القلـب يالغالـي
Romanceهل بعد اللقى صدفه ؟ وترد كل المشاعرالجديمه اللي تملكتها له ؟
