ضميت حبك وصنته داخل رواقي في خيمة بالغلا والحب مبنية

البارت 21

خلصت عملية بنت عبدالله وخرجوها لقسم الإفاقه وخرجوا بعدها ريماس وودوها لغرفة الإفاقه الي جنب نوره.

وفي ذا الوقت كان صقر ينتظرها برا لان كلير خرجت من غرفة العمليات وقالت له وهو اخذ العيال الاولاد معه وراح لها بسرعه وهو مستغرب وش السبب الي خلاها تسوي كذا وهو جالس ينتظر برا لانهم رفضوا يدخلونه لانه يتدرب في قسم ثاني شاف قدامه رجال منهار وجالس يدعي ويبكي قام عنده وبدى يهديه بالانقليزي ويطمنه لكن الرجال التفت للتوائم الي كانوا يسولفون عربي.
عبدالله: انت عربي؟
صقر: الله الله.
عبدالله: تشتغل هنا؟
صقر: اي والله بس مو في ذا القسم حتى انا زوجتي داخل لكن ما دخلوني عليها.
عبدالله: سلامتها.
صقر: الله يسلمك من كل باس.
عبدالله: الله يسعدك تكفى بنتي صغيره اخاف اذا صحت وما لقتني عندها تخاف طلبتك كلم اي احد على الاقل تشوفني من ورا قزازه.
صقر: وش عندها بنتك؟ علشان اقول لك اذا تقدر تدخل عليها ولا لا.
عبدالله: سرطان الدم.
صقر: ما تقدر تدخل عليها اجل علشان مناعتها.
جسار بعفويه: عن بنته سرطان؟ زي الي عندك يا بابا.
عبدالله: ما تشوف باس يا حبيبي.
صقر: ولا اياك.
عبدالله: شكلك متعافي منه ولا انه ماقد اخذت كيماوي لانه باقي شعرك موجود ما شاء الله.
صقر: سلموم خذ اخوانك وروحوا العبوا هناك.
لف صقر على عبدالله وكمل: لا والله كنت اخذ بس خلاص معاد ينفع لا كيماوي ولا استئصال بعيش العمر الي ربي كانبه لي.
عبدالله: لا تيأس من اعجاز الله ترا ربي قادر على شفائك انت لا تفقد الامل.
صقر: ونعم بالله