راح عبدالله رجع لنوره في الغرفه وراحت ريماس رجعت تكمل شغلها وهي رايحه للطوارئ قررت تمر على صقر تشوف شلونك ووش مسوي راحت جهة مكتبه وهناك لقت شخص غريب جالس على مكتبه.
ريماس: Sorry to bother you but do you know where saqr is?
« اسف للازعاج لكن انت تعرف وين صقر؟ »
.......: Oh no I am new and they put me in this office today.
« اوه لا انا جديد ودوبهم حطوني على ذا المكتب اليوم »
ريماس: Thanks.
« شكرًا »
........: You're welcome.
« عفوًا »
خرجت ريماس مكتبه باستغراب ويوم جت بتخرج قابلت صديق صقر عند الباب.
ريماس: Dimitri it's good to see you, I'm looking for saqr have you seen him?
« ديميتري كويس اني شفتك، انت شفت صقر جالسه ادور له؟ »
ديميتري: do you really not know what happened to saqr?
« انتي صدق ما تدرين وش صار لصقر؟ »
ريماس بتعجب: No!
« لا »
ديميتري: He's in intensive care now.
« هو في العنايه المركزة الحين »
تركته ريماس وراها ومشت بخوف وبخطى متسارعة رايحه للعنايه وهناك دخلت على صقر وهو ممتد على السرير ويتنفس بصعوبة.
ريماس بدموع: صقر وش جابك هنا؟ دوبنا امس مع بعض! وش صار فيك؟ ليش ما كلمتني؟
صقر وهو بصعوبه يتكلم: ما كنت ابغاك تقلقين الي فيك كافيك.
ريماس: صقر تكفى لازم اكلم امك اقول لها بالحاله الي انت فيها، صقر لازم اهلك يعرفون!
صقر: وش الفايده اقول لهم الحين؟ تبينهم يجلسون يتعذبون وهم يشوفوني اموت شوي شوي؟
ريماس: بس يا صقر..
قاطعها صقر: ريماس اسمعي كلامي، انا اليوم الصباح ارسلت طلب الطلاق للسفارت ووثقت ورقة الطلاق وتم الامر، انتي خلاص لك حريه التصرف بعد اليوم، معادك مجبوره ترتبطين برجال مريض وتجلسين تدارينه وتهتمين فيه.
ريماس: صقر انت عمرك ما كنت ثقيل علي، بالعكس حتى وقت مرضك كنت معي في كل شي وتساعدني، لولا الله ثم انت كان مدري ايش ممكن يصير لي مع ذولي التوأم في الغربه.
ابتسم صقر والالم باين على وجهه: تكفين يا ريماس ابغا اشوف العيال قبل اموت.
ريماس بدموع وشهقاتها تغلب كلامها: صقر لا تقول كذا عسى عمرك طويل ان شاء الله.
صقر: ريماس روحي جيبيهم لي ابغا اشوفهم تكفين.
ريماس: ابشر.
طلعت من عنده ريماس ودموعها على خدها وراحت بسرعه لروضة العبال وخرجتهم وجابتهم للمستشفى وجت معاهم ودخلتهم عند صقر الي كان جالس ينتضرهم على سريره الابيض.
جسار: بابا انت وعدتني انك معاد بتتعب مره ثانيه ليش الحين فيك ابره.
صقر بصوته التعبان: انا مو تعبان هذا فيتامين.
سالم: طيب خذ الفيتامين من الشمس مو لازم ابره.
لف صقر بوهقه لريماس ينتظره تنقذه.
ريماس: يا عيال لا تزعجون ابوكم انا جبتكم علشان تسلمون عليه مو تزعجونه.
سمو: طيب بابا ابغا اجلس في حضنك شلني.
ناظر صقر ليماس علشان تشيلها له لانه تمكن المرض منه لدرجة ان قوته معادها مثل اول.
قربت ريماس وشالت سمو وحطتها في حضن صقر وبعدها فزوا جسار وسالم مدوا يدينهم لها وشالتهم ورفعتهم كلهم عند صقر الي جلس يضمهم ويبوسهم ويشم ريحتهم ودمعته على خده ونفس الشي لريماس الي انهارت ومقدرت تمسك نفسها وطلعت برا.
سمو: بابا ليش تبكي؟
صقر: انا مو جالس ابكي بس عيوني فيها حساسية.
كان صقر يسولف معهم شوي ويقاطع السالفه بحضن جماعي يحضنهم فيه الين دخلت عليهم ريماس بعد ما هدت ووقفت بكي.
ريماس: صقر لازم اطلعهم الحين قبل يشوفهم احد.
صقر: ايه خذيهم، استودعتكم الله.
جت ريماس قربت منهم ونزلتهم من على السرير وطلعتهم برا ودمعتها على خدها وماهي قادره توقف.
سمو: ماما!
ريماس: عيون ماما.
سمو: ماما ليش تبكين؟
ريماس: مو جالسه ابكي حياتي جالسه اضحك، تعرفين انا اذا ضحكت تنزل دموعي.
سكتوا العيال وهم عارفين انه فيه شي مو طبيعي قتعد يتغير من حولهم لكن ماهم قادرين يحددون وشهو.
مر اليوم بهدوء غير مسبوق والكل كان هادي واليوم كان يملاه جو غريب.
أنت تقرأ
ضميت حبك وصنته داخل رواقي في خيمة بالغلا والحب مبنية
Romanceقصة حب كانت شبه مستحيله بين عيال عم ما كانوا يتوقعون ابدًا انهم بيكونون من نصيب بعض
