الريتانين " متراس الدرزياء "

_ الغُـرزة 47 || جروح بهيئة بشر

﷽

روايـة : الريتانين " مِتـْـراسِ الدَّرْزِيُّــاء "
الڪاتبـه : تاليـن

• لا تنسوون التصويت بنجمة والتعليق بين
الفقرات " ڪونتيساتي " ... 🤎🪶
• متابعة حساب الواتباد باليوزࢪ tallen9n
• حساب الأنستا tallen.n_
• مُعࢪف قناة التلي 9_taffi

▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪
" إيثـار "

واڪفة شايلة دانـة وعيوني على هَيبـت اللي طايح بالڪا؏ وهو والميت ڪبالي صوت العياط والبچي
واللطم عالراس والصدر من حُريـة ودينـا اللي انرعبوا من الموقف الصار والوضع بالصالة يرعب ڪُل هاي الاصوات والمناظر تتردد بداخلي وتخزنت براسي

ڪعدت عالقنفة عيوني بعد ما تنشال عن هَيبـتجمدت نظراتي علي نزلت دانـة من ايدي عالقنفة مددتها ومن بعدها ما دريت شصار بية سڪت گلبي ومتت وراه لو شنو الصار ما اعرف

شهڪت گلبي منتفض من صدري وبالغ حنجرتي
مي بارد انرش علية فتحت عيوني اتنفس بخنگة
اتلفت بالصالة عيوني جاحظة باوعت لـ شاهيندا ڪاعدة يمي بيدها ڪلاص المي ودموعها تتجارى لونها مخطوف حجيت صوتي يرجف
_ وينة ؟ وين هَيبـت ؟
شاهيندا ::- شالو للمستشفى
_ مااات مااات مووو ؟
شاهيندا ::- ما اعرررف

تبچي مرعوبة ما تعرف المن تلتفت الي لو لـ دانة المذبوبة عالقنفة يمها وطگت بچي انذعرت من
الاصوات الصارت حتى دموعها طلعن من ڪثر البچي واني اباو؏ حوالية باستوحاش وخوف
دينـا ترررجف وتبچي لامة رجليها لصدرها وضامة وجهها بيهن عمة ڪاعدة عالقنفة وهادئة بس تباو؏ علينا ولو دمعة من عينها ما نزلت

ڪمت طلعت لغرفتي امشي واترنح بمشيتي بعدم توازن فتت للغرفة ريحته هبت علية اتلڪتني وهيضت مواجعي تمددت بالفراش وتغطيت متڪورة احس داخل جسمي فااارغ ڪأنه روحي انتزعت مني وبقيت بس جسد متلفلفة بالغطة ارتعش وابجي بسڪوت منظرة من وڪع وعيونه ضلن مفتوحات طبع بمخيلتي ما ديروح من ڪبالي وڪلامة الڪاله من تعارڪنا بعده يتردد براسي

ما جنت لا واعية ولا فاقدة حالتي ممفهومة ولا
شعوري ينوصف بس ڪان شعور بشع وموحش
ورا شوية اندك الباب وفاتت شاهيندا شايلة دانـة
شاهيندا ::- ما دتسڪت وياية وبچيت جثير خايفة يصيرلها شي

نزلتها يمي عالفراش مددتهت وهي تمسح بدمعة من عيونها تنزل عشرة طلعت واني ضميت دانـة بحضني ارضعها خدودها ناڪعات دمو؏ وتشهك مسحت وجهها بايدية ابچي وامشي ابهامي على حواجبها اتلمسهن بنعومة ملمسهن يا ريت شفته ڪبل لا ياخذونه حضنته وبسته وصالحته شلون اخذوا وراح يندفن وهو زعلان
علية ومقهور مني

لو ما زعلته ما جان حجى هالحجي وصار مثل ما ڪال والموت اجاه واخذه من ورا نطق لسانة واني ما حنيت وفضيت الزعل الا جان هسة هو وياية بالغرفة حاضني وديتغزل بية وبنتنا بينا وابوها يمها مو راح وترڪنا