တည်တံ့ရဲ့အသည်း[Completed]

Chapter.15🔞

Unicode

I have fallen in love with my spouse!

Chapter.15🔞

ညကနှစ်ယောက်သားအတော်လေးညဥ့်နက်ခဲ့တာမို့ မနက်ရောက်တော့တော်တော်နဲ့မထနိုင်ကြ။

အသည်းအိပ်ရာကနိုးနိုးချင်း ခေါင်းအုံးဘေးကဖုန်းကိုယူကြည့်လိုက်တော့ ဆယ်နာရီပင်ခွဲနေပါပြီ။

''ဟာ!...ဒီလောက်တောင်ရှိသွားပြီလား''

အသည်း သူမခါးလေးကိုဖက်ထားတဲ့ကိုကြီးလက်တွေကိုအသာဆွဲဖြုတ်တော့ ကိုကြီးကသူမကိုပိုတိုးလို့ဖက်လာပြီး...

''ငြိမ်ငြိမ်နေကွာ...အိပ်ရေးပျက်ထားတာကို''

ဟူ၍ သူမလည်ပင်းကြားထဲခေါင်းတိုးဝင်ကာပြောလာလေ၏။

မျက်လုံးကလည်းတစ်စက်မှမဖွင့်။

''ဆယ်နာရီခွဲနေပြီကိုကြီးရဲ့''

''ဘာဖြစ်လဲအဲဒီတော့...ဆက်အိပ်ဦး''

ကိုကြီးအတင်းဖက်ထားတာကို အသည်းလည်းမလှုပ်မယှက်ငြိမ်နေလိုက်သည်။
ကိုကြီးနဲ့အနီးကပ်ရှိနေတာကိုအသည်းကအရမ်းသဘောကျတာကိုး။

တိတ်တခိုးချစ်ခဲ့ရတဲ့သူကိုခင်ပွန်းအဖြစ်ပိုင်ဆိုင်ရတာဘယ်လောက်ထိကံကောင်းလိုက်လဲ။

ကိုကြီးကလည်းသူမအပေါ်မှာထင်သလောက်သွေးအေးမနေတော့ အတော်လေးလည်းကျေနပ်သလိုပျော်လည်းပျော်ရသည်။

''ကိုကြီး...ဘာလက်ဆောင်လိုချင်လဲဟင်...ကိုကြီးကအသည်းကိုလက်ဆောင်ပေးထားတော့ အသ​ည်းလည်းပြန်ပေးမယ်လေ''

''မလိုပါဘူး''

''လိုတာပေါ့ကိုကြီးရယ် အသည်းလည်းကိုကြီးကိုအမှတ်တရတစ်ခုခုပြန်ပေးချင်တယ်လေ''

''အဲလောက်ဆန္ဒရှိနေရင်လည်းအဆင်ပြေတာသာပေးတော့''

''အင်း''

''ကိုကြီး''

''ကိုကြီးတွေအရမ်းများနေပြီအသည်းရာ...ကိုယ်ညကအသည်းကိုဘယ်လောက်ထိပြုစုထားရလဲသိတယ်မလား...အရမ်းပင်ပန်းနေလို့ပါ...ကိုယ်အိပ်ပါရစေ ပြီးမှ​ပြောစရာရှိတာပြောတော့''

''ဟုတ်''

အသည်းဆီမှဘာအသံမှထွက်မလာတော့တာနဲ့ တည်တံ့လည်းပြန်ပြီးအိပ်ပျော်သွားတော့သည်။