တည်တံ့ရဲ့အသည်း[Completed]

Chapter.26

Unicode

I have fallen in love with my spouse!

Chapter.26

''အသည်း...အိမ်ထဲမှာပဲမနေပါနဲ့ အပြင်လေးဘာလေးထွက်ပါလား...အိမ်ထဲမှာပဲနေတော့စိတ်ရောလူရောညှိုးနွမ်းနေမှာပေါ့''

''ဟင့်အင်း''

သူမကထိုတစ်ခွန်းသာပြောပြီးဘာမှဆက်မပြော။

''သမီး...မောင်မိုးဇေပြောတာလည်းသဘာဝကျပါတယ် သမီးအခုလိုအိမ်တွင်းပုန်းမနေဘဲနဲ့အပြင်လေးဘာလေးထွက်သင့်တယ်''

''အသည်းကဟိုကောင်လာရှုပ်မှာကြောက်နေတာလား...အစ်ကိုတစ်ယောက်လုံးပါနေတာပဲအသည်းရာ...ဘာမှမကြောက်ပါနဲ့''

''မကြောက်ပါဘူး...ဟုတ်ပြီလေ သွားတာပေါ့ အသည်းလည်းကိုမိုးဇေကိုမေးစရာတွေရှိတယ်...အခုအဝတ်အစားသွားလဲလိုက်ဦးမယ် ခဏစောင့်''

ပြောပြီးအသည်းကနေရာကနေထကာအိမ်ပေါ်သို့တက်သွား၏။

ခဏကြာတော့သူမကအဝတ်အစားလဲကာ အောက်ထပ်ကိုပြန်ဆင်းလာပြီး မိုးဇေနဲ့အတူအိမ်ကနေထွက်လာခဲ့လိုက်လေသည်။

''အသည်းဘယ်သွားချင်လဲ''

''စကားအေးဆေးပြောလို့ရမယ့်ဆိုင်တစ်ဆိုင်ကိုသွားပေးပါလား''

''ok''

မိုးဇေကသူ့ကားကိုကော်ဖီဆိုင်တစ်ဆိုင်ထံသို့ဦးတည်မောင်းလာခဲ့လိုက်​သည်။

သူတို့ဆိုင်ကိုရောက်သည်နှင့်မိုးဇေ​က...

''အသည်းဘာသောက်မလဲ''

''ဟင့်အင်း...အသည်းအခုမေးချင်တာရှိလို့''

''မေးလေ''

''အဲဒီနေ့က ကိုကြီးရှိနေတဲ့နေရာကို ကိုမိုးဇေဘယ်လိုသိလဲ''

''အစ်ကိုအစကတည်းကပြောထားတယ်လေ...သူကမူမမှန်နေဘူးလို့ အဲဒါကြောင့်သူဘာတွေလုပ်နေလဲဆိုတာကိုအစ်ကိုအမြဲမျက်ချည်မပြတ်စောင့်ကြည့်နေတာ''

''ဘာအတွက်လဲ...သူမူမှန်တာမမှန်တာက အစ်ကိုအချိန်ပြည့်စောင့်ကြည့်နေရလောက်တဲ့အထိအရေးပါနေလို့လား''

''ပါတာပေါ့...အစ်ကိုကအသည်းအတွက်လုပ်ပေးတာ''

''ဘယ်လို...အသည်းအတွက်...နေပါဦး တစ်ချိန်လုံးအစ်ကိုတို့အုပ်စုကအသည်းကိုအမြဲလှောင်ပြောင်ပြီးအနိုင်ကျင့်ခဲ့ကြတာမဟုတ်ဘူးလား...ဘာလို့အခုမှအသည်းအတွက်လို့ခေါင်းစဥ်တပ်ရတာလဲ''