တည်တံ့ရဲ့အသည်း[Completed]

Chapter.18

Unicode

I have fallen in love with my spouse!

Chapter.18

မိုးဇေ သူ့တိုက်ခန်းကိုပြန်ရောက်လာတော့ တိုက်ခန်းရှေ့မှာတည်တံ့ရဲ့ကားကိုတွေ့လိုက်ရတာကြောင့် သူ့မျက်လုံးတွေကသွေးအေးသွားရလေ၏။

သူလည်းကားပေါ်ကဆင်းလိုက်ပြီး တည်တံ့ရဲ့ကားဆီကိုသွားလိုက်တော့ တည်တံ့ကလည်းကားပေါ်ကနေဆင်းလာလေသည်။

''မင်းဘယ်သွားနေတာလဲ...ငါစောင့်နေတာကြာလှပြီ''

''အမေတို့ဆီသွားနေတာ မင်းဘာကိစ္စရှိလို့လဲ''

''ငါမင်းနဲ့အေးဆေးစကားပြောချင်လို့''

''ရတယ်လေ...လိုက်ခဲ့''

ပြောပြီးတာနဲ့မိုးဇေကတိုက်ခန်းပေါ်တက်သွား၍ တည်တံ့ကလည်းသူ့နောက်ကနေလိုက်လာခဲ့လိုက်လေသည်။

သူတို့တိုက်ခန်းထဲရောက်တော့မိုးဇေက...

''ထိုင်လေ...ဘာသောက်မလဲ''

''မလိုပါဘူး...ငါအခုမင်းကိုမေးစရာရှိလို့''

''မေးလေ''

''ငါနဲ့အသည်းရဲ့ကိစ္စကိုမင်းသိမှာပါ...ငါရှင်းရှင်းပဲမေးမယ်...ငါတို့ကြားကပဋိပက္ခက မင်းပယောဂမပါဘူးမလား''

''မင်းတို့ကိစ္စကငါနဲ့အနေသာကြီးပါတည်တံ့ရာ...ငါနဲ့ဘာဆိုင်လို့ငါ့ကိုအဲလိုလာမေးနေတာလဲ''

''အဲ့ကိစ္စကအသည်းကိုပြန်တွေ့ရင်ရှင်းရှင်းလင်းလင်းသိရမှာပဲ...အကယ်၍များ မင်းပယောဂပါနေရင်တော့...မင်းမလွယ်ဘူးနော်''

''အဟင်း...တည်တံ့ရာ မင်းဘာတွေသောကနေတာလဲ...မင်းပဲအသည်းကိုကွာရှင်းချင်နေတာမလား ဒါကမင်းဖြစ်ချင်သလိုပဲလေ...မင်းပျော်နေရမှာ''

''မဟုတ်ဘူး...ငါသေရင်တောင်မှအသည်းကိုကွာရှင်းမပေးနိုင်ဘူး...အသည်းကငါ့ရဲ့ထာဝရဇနီး​ဖြစ်နေမှာ...အသည်းကငါ့အသည်း...ငါကသူ့ရဲ့တစ်ဦးတည်းမူပိုင်ရှင်ပဲ''

သူပြောပြီးသည်နှင့်နေရာကနေထရပ်လိုက်၏။

''မင်းထပ်ပြီးမှတ်ထားလိုက်ဦး...အသည်းကို ငါ့ဆီကနေဘယ်သူမှဆွဲထုတ်လို့မရဘူး...အသည်းကိုယ်တိုင်တောင်မှပဲ''