ဝမ်ကျစ်ချူး သံသယမျက်လုံးဖြင့် ကြည့်လာ၏။
"သူအဲ့ထိပ် အရေပြားဖြတ်ပြီးတာ မကြာသေးတာလား?"
[စနစ်: ကိုးဆယ့်ကိုးရာခိုင်နှုန်း သေချာတယ်]
"ဘာလို့ အဲ့လောက်သေချာနေတာလဲ။ မင်းဖြတ်ဖူးလို့လား?"
[စနစ်: နောက်ဆုံး Host က ဖြတ်ဖူးတာ]
မင်းရဲ့ နောက်ဆုံး Host က အတော်ရက်စက်တာပဲ!
သူ မယုံမည်စိုး၍ နတ်သူငယ်လေးက ထပ်ရှင်းပြ၏။
[စနစ်: မဟုတ်ရင် လမ်းကို အဲ့လိုဘယ်သူလျှောက်မှာလဲ။ မဟုတ်မှ သူ့ဦးနှောက် မဖွံ့ဖြိုးတာများလား]
အနောက်က ထင်မြင်ချက်က တစ်ဖက်သူအပေါ် ရိုင်းရာကျသဖြင့် လူ့ယဉ်ကျေးလေး ဝမ်ကျစ်ချူး အရှေ့ထင်မြင်ချက်ကိုသာ မျက်စိမှိတ်ယုံလိုက်ပြီး လမ်းလျှောက်ရ အတော်ခက်ခဲနေမှာပဲဟု တစ်ဖက်သူအပေါ် သနား ကရုဏာသက် လိုက်သည်။
ထိုအချိန် ရုံးခန်းထဲမှ ရှေးရိုးစွဲဆရာလီကို အကြောင်းမရှိသွား သတိရမိသေး၏။ ထို့နောက် နံပါတ် ၆ ကျောင်းမှ ကျောင်းကားကို ပြန်လှည့်ကြည့်ရင်း အရင်ပြိုင်ပွဲမှ ပထမဆုရှင် ပါမပါကို သိချင်စိတ်ဖြစ်မိသွား၏။ ချင်ကျားရှု ဒုတိယရသည့်အဖြစ်ကြောင့် ဒေါသထွက်နေဆဲ ဆရာလီ ထိုကျောင်းသားကို မြင်ခဲ့ရလျှင်မည်သို့နေမည်နည်း။
မနက်ခင်းကိုယ်ပိုင် စာကြည့်ချိန် စတော့မည် ဖြစ်သဖြင့် ဝမ်ကျစ်ချူးအတန်းဆီသာ အမြန်သွားလိုက်သည်။
....
ရှန်ကျွင်းက နံပါတ် ၁ အလယ်တန်းကျောင်း ပတ်ဝန်းကျင်ကို လေ့လာနေသည်။ အဆင့် ၁ ကျောင်းဆိုသည့် ဂုဏ်နှင့်ညီစွာပင် အတော်ကောင်းသည့် သင်ကြားရေးပုံစံစနစ်များရှိပြီး ကျောင်းက အပိုဖြည့်စွက် ပြင်ဆင်မှုများနှင့် အတော်ကျယ်ပြီး အတော်ကြီး ကျယ်သည့်ကျောင်း၊ ခမ်းနားသည့်ကျောင်းဟု ဆိုထိုက်ပေသည်။
သို့သော် ရှန်ကျွင်း ဟိုဟိုဒီဒီ ကြည့်ရင်း အပြစ်တင်စကား ဆိုလိုက်၏။ "ပုံစံကလည်း မထူးခြားပါဘူး၊ ငါတို့...."
YOU ARE READING
ဗီလိန်ဗျူဟာ
Romanceရှက်ကြောက်တတ်တဲ့ ဝမ်ကျစ်ချူး လုပ်ခဲ့တဲ့ ဘဝမှာ အမိုက်ဆုံးအရာကတော့ လမ်းဖြတ်ကူးနေတဲ့ မူလတန်းကျောင်းသားလေးနှစ်ယောက်ကို ရူးရူးမိုက်မိုက် စွန့်စားကယ်တင်လိုက်ခြင်းပဲ ဖြစ်တယ်။ သူ့ဘဝတွင် ပထမဆုံးအကြိမ်အဖြစ် သူ၏ ရဲစွမ်းသတ္တိကို ပြသဖို့ရန် အောင်မြင်စွာ ကြိုးစာ...
