ဗီလိန်အ​မြှောက်စာ ဇာဂ့်အထီးအဖြစ်သို့ကူးပြောင်းပြီးနောက် (ဘာသာပြန်)

အပိုင်း (၈၁)

အပိုင်း(၈၁) - Eggs (3) 

လု့ မိသားစုအိမ်၏ ဂိတ်အပြင်ဘက်တွင်...

တန်ဖိုးကြီးသည့် ကားတစ်စီးသည် ခြံစည်းရိုးအပြင်ဘက်တွင် ရပ်၍ထားသည် ။ ထိုကားသည် အားကောင်းမောင်းသန် ဇာဂ့်အမ များစွာကို ဝင်ဆံ့သည့်အထိပင် ကြီးမားလေသည် ။

ကားသည် " ဇာဂ့်အထီး ကာကွယ်ရေးအဖွဲ့အစည်း၏ ရုံးသုံးယာဥ် " ဟူသော အစိမ်းရောင်တံဆိပ်တပ်ဆင်၍ထားလေသည် ။

တင်းကြပ်စွာ ပိတ်ထားသော ကားတံခါးများအတွင်းတွင် ကောင်းမွန်စွာ ဝတ်ဆင်ထားကြသော ဇာဂ့်အမများသည် အဖွဲ့လိုက် ကျယ်ဝန်းသော ခုံများတွင်ထိုင်နေကြပြီး တစ်ယောက်ချင်းစီတိုင့းသည် နားကြပ်များ ဝတ်ဆင်ထားပြီး စတီဗင်၏ ပတ်ပတ်လည်မှ အသံများ နှင့် လှုပ်ရှားမှုများကို နားထောင်ကြည့်နေကြသည် ။

အကယ်၍ စတီဗင်သည်သာ အနည်းငယ်မျှ ထိခိုက်သွားသည်ဆိုလျှင်ပင် သူတို့အတွက် ပြီးသွားပေလိမ့်မည် ။

အာရုံစူးစိုက်နေသည့် ဇာဂ့်အမများသည် မကြာမကြာ ဖန်သားပြင်အား စိုက်ကြည့်နေကြသည် ။ ဖန်သားပြင်များသည် စောင့်ကြည့်ရေးကင်မရာများဖြင့် ချိတ်ဆက်ထားပြီး ကား၏ ပတ်ပတ်လည်ဧရိယာတွင် ညွှန်ကြား၍နေသည် ။

သူတို့သည် အေးတိအေးစက်မျက်နှာဖြင့် ဇာဂ့်အမတစ်ယောက်သည် အစေခံဝတ်စုံ ဝတ်ဆင်ထားပြီး သူတို့၏ကားအနားသို့ ကပ်လာသည်ကို တွေ့လိုက်ရသည် ။

ခပ်မတ်မတ် ကိုယ်ဟန်ဖြင့် လမ်းလျှောက်လာပြီး လက်များကိုအနောက်တွင်ထားကာ ခေါင်းကိုလည်း ပတ်ပတ်လည်ကိုကြည့်ရှူခြင်းမရှိဘဲ အပြစ်ကင်းသော အစေခံပုံပေါ်၍ နေသည် ။

" တဆိတ်လောက် ခွင့်ပြုပါ "

အစေခံသည် ကားထဲမှာ ရှိသည့် ဇာဂ့်အမအား စောင့်ကြည့်ရေးကင်မရာများမှတဆင့် စကားပြောလိုက်သည် ။

" ဒီနေရာမှာ ဘာလုပ်နေတာလဲ ၊ အောက်ကို ဆင်းသင့်ပါတယ် "

ကားပေါ်က ဇာဂ့်အမများသည် အကြည့်ချင်းဖလှယ်လိုက်ကြပြီး အလိုလို ရယ်မိသွားကြသည် ။