ဗီလိန်အ​မြှောက်စာ ဇာဂ့်အထီးအဖြစ်သို့ကူးပြောင်းပြီးနောက် (ဘာသာပြန်)

အပိုင်း (၇၈.၂)

အပိုင်း ၇၈.၂

( အခန်းထဲတွင်..)

လင်းသည် အိပ်ရာအစွန်းတွင် နေပြီး ထို့နောက် နောက်ပြန်လဲကျသွားသည် ။

သူသည် နူးညံ့သော အိပ်ရာကြီးထဲတွင် အတော်နစ်မြုပ်သွားပြီး လု့မော့ရနံ့များဖြင့် လုံးဝလွှမ်းခြုံသွားလေသည် ။ သူ့နှာခေါင်းထဲတွင် ထိုရနံ့များဖြင့် ပြည့်နေလေသည် ။

သူသည် စောင်ကို ဖြေးညှင်းစွာ ဆွဲယူလိုက်ပြီး သူ့ကိုယ်သူ ပေါင်မုန့်လိပ်များကဲ့သို့ ရစ်ပတ်လိုက်ပြီး တောက်ပသည့် မျက်လုံးတစုံသာ မြင်ရတော့လေသည် ။

လု့မော့၏ အထိအတွေ့ ခံစားချက်မှာ သူ့၏ လည်ပင်းပေါ်တွင် စွဲကျန်နေပုံရလေပြီး သူ့နားထဲတွင်လည်း လု့မော့၏ အသံမှာ ပဲ့တင်ထပ်နေလေသည် ။

လု့မော့က ထွေးပွေ့ထားသလိုပင် ခံစားရလေသည် ။

" အာ့ "

လင်းသည် သူ့လက်ချောင်းကို မထိန်းနိုင်ပဲ ကိုက်လိုက်မိပြီး သူ့မျက်နှာမှာ တဖြည်းဖြည်း ရဲလာကာ သူ့မျက်လုံးလေးများမှာလည်း ပို၍ ဝင်းလဲ့လာလေသည် ။

သို့ပေမယ့် သူ့အခြားလက်တဖက်မှာ စောင်အောက်ထဲတွင် ဖွက်ထားပြီး ဖြည်းဖြည်းချင်းလှုပ်ရှားနေလေသည် ။ 

အလွန် ရှက်စရာကောင်းသည် ။

အလွန် အမြင်မတော်လှပေ ။

လု့မော့ ထွက်သွားသွားချင်းတွင်ပင် ပြီးခဲ့သည့်ရက်များအတွင်း လင်း၏ နှလုံးသားထဲတွင် စွဲမြဲကျန်ရစ်ခဲ့သော ခံစားချက်မှာ နောက်ဆုံး ထွက်ပေါ်လာခဲ့ပြီး သူ့ကို မငြိမ်မသက်ဖြစ်နေစေသည် ။

သူသည် ဒါကို စိတ်ညစ်စရာဟု တွေးခဲ့ပြီး မစ္စတာလိုင်ယင်အတွက် စိုးရိမ်လာကာ စစ်စခန်းဆီသို့ ပြန်သွားလိုစိတ်များဖြစ်လာခဲ့သည် ။

သို့ပေမဲ့ နောက်ဆုံးတွင် သူက ဒါက လုံးဝကွဲပြားသည့် ခံစားချက်များဖြစ်သည်ကို သဘောပေါက်လာသည် ။

သူလိုချင်တာ..သူလိုချင်တာ လု့မော့ သူ့ကိုဖက်ထားဖို့ ၊သူ လိုချင်တာ..လု့မော့ သူ့ကို အနမ်းပေးဖို့၊ သူ လိုချင်တာ..လု့မော့ သူ့အထဲ ဝင်လာဖို့..