Make You Mine [Complete]

Part - 14 [U&Z]

Unicode

"ဘုတ်​"

"ဟာ ကလေးလေး"

ထည်ဝါတစ်​ယောက်​နှင်းလုံးနဲ့ထုခံလိုက်​ရတာ​ကြောင့်​နှင်းများ​ဖွေးသွား​သော​ခေါင်းကိုအုပ်​ကိုင်​ကာ ကလေးလေးအား​ လှည့်ကြည့်ရင်းပြောမိတော့သည်။ဒါကိုပဲ သဘောတကျဖြစ်နေသည့် ကလေးလေးက နူတ်ခမ်းကိုလက်လေးနဲ့ပိတ်ကာ တခစ်ခစ်နဲ့ရယ်လေသည်။

နှင်း​ဘောလုံးလုပ်​မယ်​လို့​ ​မလိုက်ပို့ခင်ကတည်းကတတွတ်တွတ်ပူဆာနေသောသူမလေးက Snow Word ကိုရောက်တော့လည်း တက်ကြွကာ ကလေးရှုံးအောင်အဆော့ဆုံးကသူမလေးပဲဖြစ်နေပြန်သည်။နှစ်ယောက်ထဲရှိဖို့ စီစဥ်ထားသည့် နှင်းဖွေးဖွေးနဲ့ကွင်းပြင်ကျယ်ကြီးထဲမှာ စီစဥ်ပေးထားသည့် နှင်းတုတွေက ဖွေးဖွေးလွလွနဲ့တဖွေးဖွေးကျဆင်းနေ၏။

"ကလေးလေး တော်ပြီဆိုကွာ"

"အာ...ကိုကိုနော်"

ထည်ဝါပြောနေရင်းကို သူမလေးကမရပ်တာမို့ ထည်ဝါသူမလေးရှိရာကိုခပ်မြန်မြန်လေးလျှောက်သွားဖို့ပြင်လိုက်၏။ခြေလှမ်း လှမ်းလိုက်တာနဲ့ ခြေထောက်မြှုပ်သွားလောက်အောင်ခင်းထားသည့် နှင်းတွေကြောင့် ပြေးတာက သိပ်တော့ခရီးမပေါက်။ထည်ဝါပြေးလာတာမြင်တော့ သူမလေးက လက်ထဲမှာနှင်းတွေကိုင်ရင်း ပြေးပေါက်ပိတ်နေသည့်နယ် ထည်ဝါ့ကိုသာ ဇွတ်အော်တော့သည်။

"ကိုကိုမလာနဲ့နော်....၊အား...ကိုကိုလို့"

အော်လည်းအော် ပြေးလည်းပြေးနေသည့် ကောင်မလေးဘေး ရောက်သွားအောင် ခြေလှမ်းတွေကိုမြန်လိုက်ရင်း အနားရောက်သည်နှင့် ခါးကနေဆွဲပွေ့ကာ လှဲချလိုက်၏။ဆွဲလှဲလိုက်သည့်အရှိန်ကသိပ်မပြင်းသလို ခင်းပေးထားသည့်နှင်းတွေကထူနေတာကြောင့်ပါ အကျလည်းမနာပေ။စွဲမက်က ထည်ဝါ့ဆွဲပွေ့ကာလှဲလိုက်သည့်အရှိန်နှင့် ထည်ဝါ့ရင်ဘတ်လးပေါ်မေးတင်လျက်ဖြစ်နေ၏။

"ပြွတ်စ်"

‌လက်မောင်းကို ခေါင်းအောက်ခုကာ အေးအေးလူလူလှဲနေသည့် ထည်ဝါ့မှေးဖျားလေးက စွဲမက်ရဲ့အနမ်းပေးသည့်အသံသေးသေးလေးနဲ့အတူ နွေးဖျသွား၏။အနမ်းသူခိုးလုပ်သည့်သူမလေးကို ငုံ့မိုးကြည့်တော့ တစ်ခစ်ခစ်နဲ့ ကလေးလေးလိုရယ်ပြ၏။