Make You Mine [Complete]

Part - 12[Uni&Zaw]

Unicode

ခပ်လျောလျောကျသွားသည့်အင်္ကျီလက်ကြိုးအောက်မှာပေါ်လာသည့် ပခုံးသားဖြူဖြူလေးက မီးရောင်အောက်မှာသွေးဆူဖွယ်ကောင်းစွာထွက်ပေါ်လာ၏။ထည်ဝါ သူမလေးခါးမှာဖက်ထားသည့် လက်တို့ပိုတင်းကျပ်လိုက်မိကာ နူတ်ခမ်းတို့အား ပခုံးသားဖြူဖြူလေးပေါ်အပ်လိုက်သည်။တတိတိစုပ်နမ်းနေခြင်းကို အားမရဖြစ်လာသည့်နှယ်ထည်ဝါ ထိုပခုံးသားလေးကို ဖိကိုက်လိုက်မိတော့သည်။

"အ့"

"ပြွတ်စ်"

"ကိုကို"

"ဟွန်း!"

စွဲမက်ခပ်တိုးတိုးခေါ်လိုက်တော့ ကိုကိုက ရယ်ကာ စွဲမက်နဖူးလေးကို အသံမြည်အောင်တစ်ချက်ခပ်ဖွဖွနမ်း၏။ပြီးတာနဲ့ စွဲမက်ကိုယ်လေးကို ရင်ခွင်ထဲ ထည့်ကာ တစ်ဖက်ကိုစောင်းလှည့်ချလိုက်သည်။ရုတ်တရပ် ပြောင်းသွားသည့် အခြေအနေ‌ကြီးကြောင့်စွဲမက်ကြောင်အသွားရ၏။

"ကိုကို"

"အိပ်ရအောင် ကလေးလေး"

ရင်ခွင်ထဲ ပိုရောက်အောင် ကျောပေါ်ကလက်တွေကိုတင်းခနဲ ဖျစ်လိုက်ရင်းကိုကို ကဆိုသည်။

"ကိုကို မဟုတ်...."

"စောလွန်းသေးတယ်...."

".........."

ကိုကို့ စကားကြောင့် စွဲမက်နူတ်ခမ်းလေးကိုဖိကိုက်လိုက်မိသည်။ထိုအခါ ကိုကိုက စွဲမက်မျက်နှာလေးကို အုပ်မိုးကြည့်လာရင်း......၊

"ကိုကို မင်းရဲ့အရာရာကို အပိုင်သိမ်းမဲ့နေ့က ဒီအချိန်တော့မဟုတ်သေးဘူး.....၊ကိုကိုတို့နှစ်ယောက်လုံးမှာ အနာဂတ်အတွက်လုပ်ရမဲ့လုပ်ငန်းဆောင်တာတွေအများကြီးပဲ....၊ဒါတွေကို အပြည့်အဝ လုပ်ဆောင်နိုင်ဖို့ ကိုယ်တို့ရဲ့ခြေလှမ်းတွေကို ထိန်းချုပ်နိုင်မှရမယ်"

"........."

"အခုလိုပြောနေတာ ကိုကို ကလေးလေးကိုမချစ်လို့မဟုတ်ဘူးနော်....၊ယောကျ်ားသားဖြစ်တဲ့ ကိုယ်မှာလည်း တောက်လောင်တတ်တဲ့ တဏှာစိတ်ရှိတာပဲ.....အထူးသဖြင့် ကိုယ်ချစ်ရတဲ့မိန်းကလေးနဲ့ ဒီလိုရှိနေတဲ့အချိန်ဟာ ထိန်းသိမ်းရအခက်ဆုံးပဲ....၊ဒါမဲ့ ကိုကိုစိတ်အလိုလိုက်လို့ဖြစ်လာမဲ့အရာတွေကြောင့် ကိုယ်နဲ့ကလေးလေးရဲ့အနာဂတ်မှာ အချိန်မတန်ဘဲ ပွန်းပဲ့သွားမှာမလိုလားရုံပဲ"