Make You Mine [Complete]

Part _ 31[U&Z]

Chapter 31
Make You Mine
အရာအားလုံးကိုကျော်လွန်၍

"ကိုကို"

စွဲမက် သူ့ကို​ခေါ်လိုက်​သောအသံ​ကြောင့်​အ​နောက်​လှည့်​ကြည့်​လိုက်​ရာ​ကျောပိုးအိတ်လေးတစ်​လုံးထဲကိုသာလွယ်​ထားတဲ့သူရဲ့ ကလေးလေးကို​တွေ့လိုက်​ရသည်​။မျက်​နှာတစ်​ခုလုံးထဲမျက်​လုံး​လေးတစ်​ခုသာ​ဖော်​ထားပုံက တစ်​မျိုးချစ်​စရာ​ကောင်း​နေ​သေးသည်​။

"ကိုကို​...."

​ပြေးလာခဲ့ပုံ​ပေါ်သည့်​ကလေးလေးကအနည်းငယ်​မောသံ​လေးနှင့်​သူ့ကို​ခေါ်​လေသည်​။

"ကလေးလေးရာ​ဖြေး​ဖြေးလာလဲရတာကိုအခု​တော့​မော​နေပြီ"

"ကိုကိုထားခဲ့မှာစိုးလို့"

အဖျားခတ်တိုးဝင်သွားသည့်အသံလေးက သူမအမှန်တကယ်ပင်စိုးရိမ်နေကြောင်းသက်သေပင်။ရိပ်သာဖွင့်ပွဲပြီးကတည်းက ရန်ကုန်တန်းမပြန်သေးဘဲ တောင်ကြီးကိုဆက်တက်ဖို့ပြင်နေတဲ့ ထည်ဝါ့နောက်ကို ထိုကလေး‌ တိတ်ခိုးလိုက်လာလေသည်။ထည်ဝါ ထိုကိစ္စကိုသိပြီးနောက်ပိုင်း အခုတစ်ခေါက်ခရီးကိုပါ ဒီကလေးကိုခေါ်ဖို့ဆုံးဖြတ်ခဲ့လိုက်သည်။

အချိန်​က​နေ့လည်​တစ်​နာရီ​တောင်​ရှိပြီမို့ ဟိုတယ်​တွင်​ပဲသူတို့​နေ့လည်​စာ စားခဲ့ကြသည်​။စား​သောက်​ပြီးသည်​နှင့်​မမမယ်ရီစီစဉ်​ပေး​သောကားနှင့်ခရီးတစ်​ခုသွားရန်​စီစဉ်​သည်​။မသွားခင်​ မမမယ်ရီကိုအကူအညီ​တောင်းကာ မြန်​မာဝတ်​စုံအနည်းငယ်​ပါဝယ်​ခိုင်းထားလိုက်​သည်​။

​ကားနှင့်​ကသိပ်​မကြာ​တဲ့အချိန်မှာ သတ်မှတ်နေရာရောက်ပြီး ခရီးနောက်တစ်​ဖြတ်​ ကားဖြင့်​ထပ်​သွားတော့ မနက်​လေးနာရီအချိန်​တွင်​ညောင်​ရွေကို​ရောက်​လေသည်​။​ညောင်​ရွှေက​နေမှ ဟိုတယ်​ကလွှတ်​လိုက်​သော စက်​လှေငယ်​လေး​ကြောင့်​ထည်ဝါရောစွဲမက်ပါ အင်း​လေးမှ ဟိုတယ်​သို့​ရောက်​လေသည်​။

မိုးလင်းခါနီးအချိန်​မို့​ဈေး​ရောင်းရန်​လှေဖြင့်​ထွက်​လာသူများလည်းရှိသည်​။​ရောင်​နီပျိုးလာသည်​နှင့်​ပတ်​ဝန်းကျင်​မှ​ကျေးငှက်​သံများနှင့်​လူသံများကပိုကာကျယ်​လောင်​လာသည်​။