Make You Mine [Complete]

Part - 28 [U&Z]

Unicode

အပိုင်း (၂၈)

"လိုချင်တဲ့သတ်မှတ်ရက်အတွင်းမှာပဲ ပြီးသွားမှာပါ အကို"

"ဒါဆို မင်းကိုဘဲအားကိုးမယ်နော် မင်းညီ...၊လိုအပ်တဲ့ငွေက အကို့လက်ထောက်ဆီကနေ ပြောလိုက်...၊သူစီစစ်ပြီးထုတ်ပေးလိမ့်မယ်"

"ဟုတ်ကဲ့ပါ အကို စိတ်ချပါ"

လိုအပ်တဲ့အကြောင်းအရာတွေကိုဆွေးနွေးပြီးတာနဲ့ ထည်ဝါပြန်ဖို့ပြင်ရသည်။ဒီနေ့ သူရန်ကုန်ကိုပြန်မှာဖြစ်သည်။ဒါ့အပြင် အရေးကြီးသည့်ကိစ္စတစ်ခုကြောင့် သူ Entကိုသွားရမည်ဖြစ်သည်။

"ဒါဆို အကိုသွားပြီ မင်းညီ"

ထည်ဝါ မင်းညီကိုနူတ်ဆက်ပြီးတာနဲ့ ရန်ကုန်ကိုပဲတန်းပြီးဆက်ထွက်လာခဲ့လိုက်သည်။ကိုဦးကနောက်ရက်မှတွေ့လည်းအဆင်ပြေတယ်ပြောပေမယ့် အရေးကြီးကိစ္စမို့ စောင့်မနေစေချင်ပေ။ပြောရရင် သူက CEO ကိုယ်က Actor မို့ လေးစားမှု့နဲ့အလုပ်လုပ်တာအကောင်းဆုံးဖြစ်သည်။ထည်ဝါမြန်မာပြည်‌ပြန်ရောက်ကတည်းက ကိုဦးနဲ့ကလည်းသိပ်ပြီးသေချာမတွေ့ဖြစ်သေးတာမို့ ဒီတစ်ခေါက်တော့ အလုပ်အကြောင်းလည်းဆွေးနွေးရင်း၊အေးအေးဆေးဆေးလည်းစကားပြောရင်းပဲ ကုန်ဆုံးရလိမ့်မည်။

လမ်းအခြေအနေအရ ထည်ဝါ ညနေ‌ခါနီးမှသာ ရန်ကုန်သို့ရောက်သည်။ထို့သော် အနားမရဘဲ ညခင်းမှာ ကိုဦးဆီသွားရသည်။ကိုဦးကလည်း ထည်ဝါလာမည်ဆိုတာကြောင့် အားရဝမ်းသာကိုကြိုရှာသည်။

"အခုမှပဲ ငါတို့ညီကိုတွေလည်း သေသေချာချာပြန်ဆုံရတော့တယ်"

"ဟုတ်တာပေါ့ ကိုဦး"

နှစ်ယောက်သားတွေ့လိုက်တာနဲ့ အပြုံးကြည်ကြည်တွေက ဟန်ဆောင်မှု့ကင်းကင်းပင် ရွင်ရွင်ပြပြ ပွင့်လန်းလာသည်။ကိုဦးဆိုတာ Entရဲ့ CEO ဆိုပေမယ့် ထည်ဝါအတွက်တော့ အကိုလို၊မိသားစုလို ခင်မင်ရင်းနှီးရသည့် လူတစ်ယောက်ပင်။ထည်ဝါ့အတွက် ဒီလမ်းကြောင်းမှာ ကောင်းမွန်စွာနဲ့အထိအခိုက်အနည်းဆုံးရပ်တည်နိုင်ခြင်းမှာလည်း ကိုဦးရဲ့ကာကွယ်ပေးမှု့တွေများစွာပါဝင်နေသည်။

"လာထိုင် ထည်ဝါ"

ထည်ဝါ ကိုဦးညွှန်ပြသည့် ခုံမှာပဲ ဝင်ထိုင်လိုက်သည်။