Make You Mine [Complete]

Part - 20[U&Z]

Unicode

"ရန်ကုန်ပဲတန်းပြန်မလား အကိုလေး"

"M group ကိုမောင်း"

နက်ခ်တိုင်ကို စိတ်မွန်းကြပ်သလို ဖြေလျော့လိုက်ရင်း ထည်ဝါပြန်ဖြေသည်။တစ်ချို့ကိစ္စတွေက တိုက်ရိုက်ဖြေရှင်းမှဖြစ်မည့်အရာတွေပင်။သိပ်မကြာခင် ထည်ဝါ့ကားလေးက M groupရဲ့ဝန်းထဲကို တစိုက်မတ်မတ်မောင်းဝင်သွားတာကြောင့် ထည်ဝါ အဝတ်အစားကို သပ်သပ်ရပ်ရပ်ဖြစ်အောင်ဆွဲဆန့်ပြုပြင်လိုက်၏။ဒေါသမငြိမ်သေးသည့် စိတ်ကိုတော့ အတော်လေးသတိထားနေရသည်။

ကားကို ကားပါးကင်မှာရပ်ခိုင်းပြီးတာနဲ့ ထည်ဝါ  ဒေါ်ခက်မမ ရုံးခန်းရှိရာဆီ ဦးတည်လိုက်၏။

"ဘယ်သူနဲ့တွေ့ချင်လို့လဲရှင်"

"M group ရဲ့ CEO ဒေါ်ခက်မမ....၊အောင်မြင်ထည်ဝါရောက်နေတယ်လို့ပြောလိုက်ပါ"

"ဟုတ်ကဲ့ ခဏစောင့်ပေးပါရှင့်"

ထည်ဝါကိုပြောပြီးတာနဲ့ ဝန်ထမ်းမလေးက ခဏလောက်အလုပ်ရှုပ်သွား၏။သိပ်မကြာလိုက် ဝန်ထမ်းမလေးက ထည်ဝါ့ရှေ့ကိုပြန်ရောက်လာပြီး.....၊

"ဥက္ကဌကြီးက မတွေ့ချင်ပါဘူးတဲ့ရှင်"

"တောက်!"

သပ်သပ်မဲ့ထည်ဝါကိုပညာပြလိုက်တာမို့ဒေါသကထောင်းခနဲ။စိတ်လွတ်လက်လွတ်နဲ့ ဝုန်းဒိုင်းကြဲကာဝင်သွားလို့ရပေမယ့် ထိုလုပ်ရပ်မျိုးကိုထည်ဝါလုပ်လိမ့်မည်မဟုတ်။

"ထပ်ပြန်ဆက်....၊ကိုယ်တိုင်ပြောချင်တယ်"

"ဒါပေမယ့်..."

ဝန်ထမ်းကောင်မလေးက ငြင်းချင်ပေမယ့် ထည်ဝါ့မျက်နှာကဒေါသရိပ်ကြောင့် ပါးစပ်လေးပိတ်သွားကာ ဖုန်းထပ်ဆက်ဖို့ပြင်လိုက်ရ၏။ခဏလောက်စောင့်ပြီးနောက် တစ်ဖက်ကဖုန်းလက်ခံလိုက်ပုံရကာ....၊

"ဥက္ကဌကြီးရှင့်....ဧည့်သည်က...အယ်!"

စကားပြောနေရုံရှိသေးသည် လက်ပြောင်းရောက်ရှိသွားတဲ့ဖုန်းကို အံ့သြစွာကြည့်ရင်း ဝန်ထမ်းမလေး ကြောင်အသွားရသည်။သို့သော်ဘာမှလည်းဆက်မပြောရဲဘဲ.....၊

"ဒေါ်ခက်မမ"

"မင်းကို တွေ့ဖို့မလိုဘူးလို့ပြောထားတယ်မလား"