Make You Mine [Complete]

Part - 24 [U&Z]

အပိုင်း (၂၄)
Make You Mine (အရာအားလုံးကိုကျော်လွန်၍)

နှမ်းပန်းခင်းကိုဝင်ပြီး ခရီးပြန်ဆက်လာကတည်းက ကားမောင်းနေတဲ့တစ်လျှောက်လုံး ကိုကိုငြိမ်သက်နေသည်။တစ်လျှောက်လုံးပင်ပန်းလာတာကြောင့်လို့ပဲတွေးပြီးစွဲမက်လည်း ကိုကိုအားဘာမှမမေးဖြစ်ခဲ့။စွဲမက်ကိုယ်တိုင်လည်း သိပ်မဟန်ချင်တာမို့ မှေးစက်ရင်းသာလိုက်လာခဲ့တာဖြစ်သည်။နောက်တစ်ကြိမ်စွဲမက်နိုးလာတော့ မန္တလေးမြို့ထဲဝင်လာပြီဖြစ်သည်။

"ကိုကို မန္တလေးမှာနားဦးမှာလား"

"ကိုယ်မနားတော့ဘူး"

စွဲမက်ကိုမကြည့်ဘဲဖြေလာသည့်ကိုကို့အသံက အေးစက်စက်ဖြစ်နေသည်။

"ကိုကို အခုဝင်စရာရှိသေးလား"

"အင်း"

"ဘယ်သွားမှာလဲ"

"စွဲမက် ဟိုရောက်ရင်သိလိမ့်မယ်"

‌အခေါ်နည်းသည့် နာမည်ကိုတပ်ခေါ်လာတာကြောင့် စွဲမက်မကြည်မလင်ဖြစ်သွားသည်။ကိုကို့ပုံစံကတကယ်မူမမှန်ပါ။သို့သော် ဘာမှန်းလည်းမသိရ။သိပ်မကြာခင် ကိုကို လမ်းမကြီးအတိုင်းကနေ လမ်းထဲချိုးဝင်သွားတာမို့ စွဲမက်လန့်သွားရသည်။

"ကိုကို"

"........."

စွဲမက်အသံကအလန့်တကြား။သို့သော်  ကိုကိုကတော့ နူတ်ဆိတ်နေဆဲသာ။

"ကိုကို ဒါ စွဲမက် condo သွားတဲ့....."

ဒီလမ်းသည် စွဲမက်ရဲ့Condo ရှိရာသွားတဲ့လမ်းသေချာသည်။တစ်နည်းအားဖြင့် မန္တလေးမှာစွဲမက်လာနေတဲ့အခါ နေဖို့‌မာမီကိုယ်တိုက်စီစဥ်ပေစထားသည့် Condoဖြစ်သည်။ကိုကို့ ဘာလို့ ထိုနေရာကိုသွားဖို့ပြင်နေလဲ စွဲမက်နားမလည်နိုင်။မေးသမျှလည်း စကားပြန်မရတာကြောင့် စွဲမက်ငိုချင်လာရသည်။

သိပ်မကြာခင်မှာ ကိုကိုမောင်းလာသည့်ကားလေးသည် Condo ဝန်းထဲသို့တန်းတန်းမတ်မတ်ဝင်သွားလေသည်။

"စကားခဏပြောရအောင် စွဲမက်"

ဆိုလိုသည်က Condoရောက်မှ အေးအေးဆေးဆေး စကားပြောကြဖို့ပင်။ပြောပြီးတာနဲ့ ကိုကိုကကားပေါ်ကနေအရင်ဆင်းသွားလေသည်။စွဲမက်လည်း ပြီးမှနောက်ကနေခပ်မြန်မြန်လိုက်သွားရ၏။နှစ်ယောက်သား  အခန်းထဲရောက်လာတော့ စွဲမက် ကိုကို့ရှေ့ကဆိုဖာမှာဝင်ထိုင်လိိုက်သည်။