Make You Mine [Complete]

Part - 37 [U&Z]

အပိုင်း(၃၇)
Make You Mine
အရာအားလုံးကိုကျော်လွန်၍

"ကိုကို...၊တကယ်ပဲဒီလိုလုပ်မှဖြစ်မှာလား...၊စွဲမက် ကိုကို့ ကို တကယ်ပဲလက်လွတ်ရတော့မှာလား"

ထည်ဝါ့လက်ကိုလာရောက်ဆုပ်ကိုင်ရင်းမေးလာသည့် ကလေးငယ်ကြောင့် ထည်ဝါခပ်ဖွဖွပြုံးရင် ကလေးငယ်ရဲ့လက်ဖျားလေးတွေကို ခပ်ဖွဖွထပ်၍ထွေးဆုပ်လိုက်၏။

"ကလေးငယ်ရယ် ကိုကိုကရော ကလးငယ်ကိုတကယ်လက်လွတ်နိုင်လို့ထင်နေလို့လား...၊တစ်ချို့အရာတွေက ဖြစ်ချင်တာထက်ဖြစ်သင့်တာကိုဦးစားပေးရတယ်"

"အဲ့ဒီဖြစ်သင့်တာတွေက စွဲမက်တို့ကို တကယ်‌ပျော်ရွင်မှု့ကိုဖြစ်စေမှာလား ကိုကို...၊ဖြစ်သင့်တာတွေကိုရွေးချယ် တစ်ဘဝလုံးအသက်မဲ့သွားတဲ့လူတွေ ဒုနဲ့ဒေးပါကိုကိုရဲ့"

ဒီနေ့သတင်းစာရှင်းလင်းပွဲနေ့ဖြစ်တာကြောင့် သွားရန်ပြင်ဆင်နေခြင်းပေ။တန်ဖိုးကြီးအရာတိုင်းကလက်လွတ်ဖို့အမြဲခက်ကြသလို သူတို့နှစ်ယောက်အတွက်လည်း အခုထိ ဆွေးနွေးလို့အထမမြောက်နိုင်ဘဲဖြစ်နေလေသည်။

"ဘယ်လိုပဲဲဖြစ်ဖြစ် ကိုကိုပျော်ရွင်ဖို့တစ်ခုထဲအတွက်နဲ့တော့ ကလေးငယ်ရဲ့အောင်မြင်မှု့တွေကိုချမနင်းရက်ဘူး"

"ဘယ်လိုမဆို တစ်ခုလိုချင်ရင် တစ်ခုပေးဆပ်ရတာပါပဲကိုကို....၊ချစ်ခြင်းမေတ္တာမှာ ဘယ်သူကတော့ အနစ်နာခံရမယ် ဘယ်သူကတော့ပျော်ရွင်စေတော့ရယ်လို့မရှိပါဘူး...တကယ်နှောင်တွယ်ခဲ့တဲ့စစ်မှန်တဲ့ရင်ခုန်သံတွေက လက်ဖဝါးနဲ့လက်ချောင်းတွေလိုပဲ ဘယ်နေရာထိထိ နာရင်လည်းနာမှန်းသိကြပါတယ်"

"ဒါပေမယ့် လက်ချောင်းသွေးထွက်တိုင်း လက်ဖဝါးကသွေးမှမစိမ့်ဘဲ.."

"နာကျင်ရတာကတော့အတူတူပါပဲကိုကို"

စွဲမက်အဖြေကြောင့် ထည်ဝါ ဟက်ခနဲတစ်ချင်ပြုံးမိသည်။ပြီးနောက် စွဲမက် ‌ဆံပင်လေးတွေကို သူ့လက်တွေနဲ့ ခပ်ဖွဖွငပ်ပေးရင်း.....၊

"ကိုကို့ ကလေးလေးတောင် အရွယ်ရောက်လာပြီပဲ"

"ဟုတ်တယ် စွဲမက် အရွယ်ရောက်လာပြီ....၊ကိုကို့လက်ကိုရဲရဲဝင့်ဝင့်ဆုပ်ကိုင်ပြီး ဘဝအတွက်အရေးကြီးတဲ့ဆုံးဖြတ်ချက်တွေကို ချနိုင်တဲ့အထိအရွယ်ရောက်နေပြီ"