Make You Mine [Complete]

Part - 29 [Uni&Zaw]

အပိုင်း (၂၉)
Make You Mine
အရာအားလုံးကိုကျော်လွန်၍

ထည်ဝါရဲ့ဦးစီးမှု့အောက်မှာပင် လင်းရောင်ခြည် ဘိုးဘွားရိပ်သာကြီးသည် တစ်လအတွင်းမှာပင်လက်စသတ်နိုင်ခဲ့သည်။ဆောက်လုပ်မှု့တွေက လက်စသတ်ပြီးပြီမို့ မနက်ဖြန် ဖွင့်ပွဲအနေနဲ့ ဆွမ်းကပ်ကို အဆောက်အဦးသစ်မှာပဲလုပ်မည်ဖြစ်သည်။ထို့ကြောင့် မနက်ဖြန်အတွက်လိုအပ်သည်များကို လက်ထောက်တစ်ယောက်လွှတ်ပြီး အကုန်ပြည့်စုံအောင်စီစဥ်ခိုင်းထားရသည်။ထည်ဝါကတော့ အိမ်မှာလက်စသတ်ဖို့ကျန်နေသည့်အလုပ်တွေကိုလုပ်ရဦးမည်ဖြစ်သည်။

"Ring....Ring...."

ဖုန်းသံကြောင့်ထည်ဝါ ကြည့်လိုက်တော့ အရှုပ်ထုတ်ကလေးဖြစ်နေသည်။

"အင်း"

"ကိုကို စွဲမက်ပါ"

"အင်း ပြော"

"ကိုကို စွဲမက်ဆီလာပေးလို့ရလားဟင် စွဲမက်နေသိပ်မကောင်းလို့"

အသံခပ်တိုးတိုးလေးကြောင့် ထည်ဝါမျက်ခုံးတို့တွန့်ချိုးသွားမိသည်။အချိန်ကိုကြည့်လိုက်တော့ ညနေအတော်စောင်းနေပြီဖြစ်ကာ သူမလေးဆီရောက်မဲ့အချိန်က မိုးချုပ်သွားလိမ့်မည်။ထို့ကြောင့် ပတ်ဝန်းကျင်အနေအထားတွေကိုထည့်တွက်ကာ ထည်ဝါမသွားဖို့ဆုံးဖြတ်လိုက်၏။

"ကိုယ်လာလို့မရဘူး စွဲမက်ဖွယ်...၊အိမ်မှာ ဘယ်သူရှိလဲ"

ထည်ဝါမေးလိုက်တော့ တစ်ဖက်ကအသံလေးတိတ်သွားသည်။အတော်နဲ့ ဘာမှပြန်မပြောလာတာကြောင့် ထည်ဝါထပ်ခေါ်လိုက်မိသည်။

"Hello စွဲမက်ဖွယ် ကိုယ်ပြောတာကြားလား"

"ဟုတ်....‌၊စွဲမက်အဆင်ပြေပါတယ် ကိုကိုမလာနိုင်ရင်လည်းထားလိုက်ပါတော့"

ထည်ဝါ စိတ်ထဲအလိုမကျဖြစ်သွားသည်က သိသိသာသာ။သို့သော်လည်း ဘာမှဆက်မမေးဖြစ်တော့ဘဲ....၊

"ဟုတ်ပြီ ဒါဆို ကိုယ်ဖုန်းပြီနော်"

"ဟုတ်"

ဖုန်းချပြီးသွားသည့်တိုင် ထည်ဝါ ထိုဖုန်းကိုပြန်ကြည့်ရင်း စိတ်ထဲမှာ ဘာကိုအလိုမကျမှန်းမသိ။ထိုကလေးမလေးသည် အခုနောက်ပိုင်းခေါင်းမာလာတတ်ကာ သူလိုချင်တာမရမချင်းတဇွတ်ထိုးလုပ်တတ်သည်။သို့သော် ဒီတစ်ခါတော့ အများကြီးမပြောရဘဲလက်လျော့သွားတာကြောင့် ထည်ဝါအသားမကျဖြစ်နေသည်လား။ဒါလည်းကောင်းသည်မလား သူအများကြီးရှောင်စရာမလို၊စိတ်ရှုပ်စရာမလိုတော့ဘူးလေ။သို့သော် စိတ်ကသိကအောက်ဖြစ်ခြင်းက ဘယ်လိုမှဖျောက်မရတာကြောင့် မခေါ်ဖြစ်တာကြာပြီဖြစ်သည့် ဖုန်းနံပါတ်ကိုတစ်ချက်နှိပ်လိုက်တော့ သိပ်မကြာခင်ဖုန်းလာကိုင်လေသည်။