Make You Mine [Complete]

Part - 32 [U&Z]

Chapter 32
Make You Mine
အရာအားလုံးကိုကျော်လွန်၍

ဟိုတယ်​ကစီစဉ်​ပေး​သောစက်​လှေ​လေးဖြင့်​စွဲမက်ရောထည်ဝါပါမနက်​စာစားရန်​ထွက်​လာလိုက်​ကြသည်​။ဒီ​နေ့​တော့ Hotelကစီစဉ်​ပေးသည့်​ရိုးရာမနက်​စာကိုပဲစားလိုက်​ကြသည်​။

ရှမ်း​ခေါက်​ဆွဲ၊တို့ဟူးသုတ်​၊မုန်​ညင်း​ပေါင်းနှင့်​အသား​ပေါင်းရယ်​အခြားအစားအစာ​တွေရယ်​စားဖြစ်​ကြသည်​။ရိုးရာအစားအစာဖြစ်​သည့်​ဆေးခါးဟင်းရည်​က​တော့မပါမဖြစ်​ပေါ့။ကင်း​ပေါင်း​ကြော်​က​တော့အဆစ်​။

"​ကလေးလေးအများကြီးမစားနဲ့ဦး....၊ရေ​ပေါ်​ဈေး​လျှောက်​ရင်​စားစရာ​တွေထပ်​တွေ့ဦးမှာ"

"ဟုတ်​ကဲ့ပါ ကိုကိုရဲ့"

ထည်ဝါရော စွဲမက်ပါအစားအ​သောက်​များကိုအစာ​ပြေရုံဟိုတစ်​တို့ဒီတစ်​စနဲ့သာပြီးသွား​လေသည်​။ပြီးသည်​နှင့်​ရေ​ပေါ်​ဈေးသို့ပတ်​ရန်​လှေ​ပေါ်သို့ပြန်​တက်​လေသည်​။​ရေ​ပေါ်​ဈေးရှိရာသို့​မောင်းသွားသည့်​တစ်​လျှောက်​စက်​၏အမြန်​ရှိန်​ကြောင့်​ရေဖွား​လေးများက​ရေပန်းများသဖွယ်​လှပကာနေ၏။ထိုအရာကိုပဲ စွဲမက်က အတော်လေးကို သဘတကျဖြစ်နေတော့သည်။

သူတို့လိုပဲ​လှေနဲ့တစ်​မျိုး၊စက်​လေနဲ့တစ်​သွယ်​သွားလာ​နေကြသည့်​သူများလဲရှိ​နေ​သေးသည်​။မကြာခနဆိုသလိုရှမ်း​ဘောင်းဘီပွပွကြီးများကိုဝတ်​ကာ​ခြေဖြင့်​လှေ​လှော်​နေ​သောသူများကိုလည်းတွေ့ရ​သေးသည်​။ထိုအခါမျိုးတွင်​ စွဲမက်ကသူ့လက်မောင်းအားအတင်းဖက်ကာ.....၊

"ကိုကို စွဲမက်တို့ပြန်​ရင်​ရိုးရာဝတ်​စုံ​နည်းနည်း​လောက်​ဝယ်​သွားရ​အောင်​" ဟုကပ်​ပြော​သေးသည်​။

ကလေးငယ်သည် အင်းလေးဘက်ကိုခရီးမထွက်ဘူးတာမို့ အခုလိုအချိန်အခါက သူမအတွက် ကလေးလေးတစ်ယောက်ရဲ့အပျော်ဆုံးအချိန်လိုဖြစ်နေလေသည်။

​ဈေးကို​ရောက်​လာ​တော့ ကုန်း​ပေါ်ကိုသာအရင်​တက်​ပြီး​လျှောက်​ပတ်​ကြည့်​ပစ်​လိုက်​သည်​။သံထည်​ပစ္စည်းဆိုင်​အ​ရှေ့​ရောက်​သော်​လည်း ဆိုင်​ရှေ့ရပ်​ရုံနှင့်​အားမရဘဲဟိုဟာကိုင်​လိုကိဒီဟာချလိုက်​နှင့်​ပါးစပ်​ကလဲတတွတ်​တွတ်​ပြော​နေသည့်​စွဲမက်ပေါက်စပါပင်​။