Make You Mine [Complete]

Final [U&Z]

ဇာတ်သိမ်းပိုင်း
Make You Mine
အရာအားလုံးကိုကျော်လွန်၍

"အချစ်ကိုရဲရဲဝင့်ဝင့်ဖွင့်ထုတ်ပြခဲ့တဲ့ ကလေးတွေဆိုတော့ လက်ခုတ်များတီးပေးရမလား"

"မာမီ"

အစည်းအဝေးခန်းမှာ စောင့်ကြိုနေသည့်ဒေါ်ခက်မမကြောင့် ထည်‌ဝါရော၊စွဲမက်ပါအံအားသင့်သွားမိသည်။တစ်ဆက်ထဲမှာပဲ စွဲမက်ကထည်ဝါ့လက်မောင်းကို ခပ်တင်းဖက်တွယ်လာတော့သည်။ထိုအခါ ထည်ဝါက စွဲမက်လက်တွေကိုဖြုတ်ချရင်း သူ့လက်ဖဝါးထဲ တစ်ဖန်ထည့်ကာ တင်းတင်းကြပ်ကြပ်ကိုထွေးဆုပ်ထားလိုက်၏။ထို့နောက် စွဲမက်ကို စိတ်မပူနဲ့ဆိုသည့်အကြည့်ဖြင့်ကြည့်ရင်း ခပ်ဖွဖွပြုံးပြမိသည်။

"အဟင်း....ထိုင်ကြပါဦး"

"ဒီတစ်ကြိမ်တော့ အန်တီရဲ့ဘယ်လိုလက်နက်မျိုးကိုမှကျွန်တော်အရှုံးပေးမှာမဟုတ်သလို ကလေးကိုလည်း အန်တီလက်ထဲကိုနောက်တစ်ကြိမ်ထပ်မထားခဲ့တော့ပါဘူး....၊ဖြစ်သွားတဲ့ကိစ္စက စာချုပ်ကိုဖောက်ဖျက်သလိုဖြစ်သွားတဲ့အတွက် စာချုပ်ပါအတိုင်းထိုက်သင့်တဲ့လျော်ကြေးငွေကိုကျွန်တော့်ဘက်ကပေးမှာပါ....၊အဲ့တာအပြင်မှ အန်တီ့ရဲ့စိတ်ကျေနပ်မှု့အတွက် ဒီနယ်ပယ်အားလုံးမှာ ကျွန်တော့်ကိုပိတ်ပင်မယ်ဆိုရင်တောင် ကျွန်တော်ဘာမှ‌စောဒကတက်မှာမဟုတ်ပါဘူး"

"ကိုကို"

ထည်ဝါ့စကားအဆုံးမှာ စွဲမက်ကခပ်တိုးတိုးခေါ်တော့ ထည်ဝါက စွဲမက်ကို တစ်ချက်ပြုံးပြကာ....၊

"ကလေးသာ ကိုယ့်လက်ကို ဒီလိုအမြဲဆွဲထားပေး အောင်မြင်မှု့တွေရော၊နာမည်ကျော်ကြားမှု့တွေရော ကိုယ်ဘာမှမမက်ဘူး"

"အဟင်း....အဲ့လောက်ထိအလောတကြီးပြောစရာမလိုပါဘူး အောင်မြင်ထည်ဝါ...၊စွဲမက်ဆိုတာလည်း အန်တီ့သမီးပါပဲ....၊အဲ့တာထက် စကားတွေအကြာကြီးပြောရမှာဆိုတော့ ထိုင်ပါဦး မင်းအတွက်လက်ဆောင်တစ်ခုလည်းရှိနေသေးတော့"

ဒေါ်ခက်မမ စကားကြောင့် ထည်ဝါနဲ့စွဲမက် တစ်ယောက်ကိုတစ်ယောက်ကြည့်ကာ ခဏလောက်ကြာမှ ထိုင်ခုံတွေမှာဝင်ထိုင်လေသည်။ထည်ဝါတို့ ထိုင်လိုက်တယ်ဆိုရင်ပဲ ဒေါ်ခက်မမက ဖိုင်တစ်ဖိုင်ကို ထည်ဝ့်ဆီကမ်းပေးလေသည်။ဒေါ်ခက်မမ ကမ်းပေးလာသည့် ဖိုင်ကို ထည်ဝါဖွင့်ကြည့်လိုက်တော့ စာချုပ်တစ်ခုဖြစ်နေကာ ထိုစာချုပ်သည်လည်း......၊