Make You Mine [Complete]

Part - 25 [U&Z]

အပိုင်း(၂၅)
Make You Mine(အရာအားလုံးကိုကျော်လွန်၍)

ထည်ဝါရန်ကုန်ပြန်ရောက်ပြီး တစ်ပတ်ဆက်တိုက်အထိ စွဲမက်သူ့အားလာရှာသည်ဟုသိရသည်။ထည်ဝါထွက်လည်း မတွေ့သလို၊အတွေ့လည်းမခံခဲ့ပါ။သိပ်မကြာခင်မှာလည်း နိုင်ငံခြားထွက်ဖို့အတွက် ထည်ဝါစီစဥ်ထားသည်။မဟုတ်ရင် သူတနည်းမဟုတ်တနည်းနဲ့ ကလေးလေးအနားမှာ ဆက်လက်ကပ်တွယ်နေဦးမည်ဖြစ်သည်။ 

"ထည်ဝါ နင်ဘယ်လိုဖြစ်ရတာလဲ"

"ငါ အခုလိုမှမလုပ်ရင် ဒေါ်ခက်မမရဲ့လက်နက်တွေက စွဲမက်ဖွယ်အပေါ်ရောက်သွားလိမ့်မယ်"

"ဒေါ်ခက်မမက သူ့သမီးအပေါ်အဲ့လောက်ကြီးလုပ်ရက်ပါ့မလားဟယ်"

"နင်ထင်ထားတာထပ်တောင် ဒေါ်ခက်မမကအတ္တကြီးသေးတယ်...၊ငါ့ကြောင့်နဲ့ စွဲမက်ဖွယ်ရဲ့ဘဝတက်လမ်းတွေကိုမရိုက်ချိုးနိုင်ဘူး"

"အဲ့လိုဆိုရင်တောင် ဟိုကလေးက ဘာမှမသိဘဲ နင်တို့နှစ်ယောက်ရဲ့ကြားမှာမြေစာပင်ဖြစ်နေခဲ့တာလေ....၊နှစ်ယောက်သား တိုင်ပင်ပြီးတော့ ဖြေရှင်းကြည့်ဖို့နင်မတွေးဘူးလား"

"ငါသာ စွဲမက်ကို ဒီလိုဒီအကြောင်းလို့ပြောခဲ့ရင် ဒေါ်ခက်မမနဲ့သူနဲ့ကြားမှာ မကျေမလည်တွေဖြစ်သွားမှာ....၊ငါက သားမိနှစ်ယောက်ကို ရန်တိုက်ပေးသလိုဖြစ်ပြီး စွဲမက်လည်း ဘယ်လိုနေမလဲ"

"အခုရော အဲ့ကလေးကပျော်နေမယ်လို့နင်ထင်နေလို့လား အောင်မြင်ထည်ဝါ....၊နင်က ဒေါ်ခက်မမကိုအတ္တကြီးတယ်ပြောနေပေမယ့် နင်ကိုယ်တိုင်လည်းတစ်ကိုယ်ကောင်းဆန်တာပဲ....၊တစ်ဖက်ရဲ့ခံစားချက်ကို နင်မတွေးခဲ့ဖူးဘူးမလား"

သွယ်လေး ပြောသည်ကလည်းမှန်တာမို့ ထည်ဝါအသံတိတ်နေမိသည်။သို့ပေမယ့် သူနောင်တရနေတာတော့မဟုတ်ပါ။ထပ်ခါထပ်ခါရွေးချယ်ခွင့်ရနေရင်တောင် ဒီပြဿနာကို ဒီနည်းလမ်းနဲ့သာ ထည်ဝါဖြေရှင်းမည်သာ။နာကျင်တာချင်းအတူတူတောင် ကလေးလေးသူ့ကိုမုန်းတဲ့အချက်လေးပိုတိုးသွားရင် နာကျင်မှု့သက်သာလိမ့်မည်။ထည်ဝါ့အတွက်တော့ အမှန်တရားတွေ၊နာကျင်မှု့တွေပွေ့ပိုက်ရင်း ရှင်သန်ရမယ်ဆိုလည်း သူမကိုကာကွယ်ပေးနိုင်ခဲ့လို့နောင်တရှိလာမည်မဟုတ်။