Make You Mine [Complete]

Part -35 [U&Z]

အပိုင်း (၃၅)
Make You Mine
အရာအားလုံးကိုကျော်လွန်၍

"မန္တလေးမဟာမြတ်မုနိမြတ်စွာဘုရားကြီး"

ထည်ဝါနဲ့စွဲမက်တို့အခုရောက်နေသည့်နေရာက တန်ခိုးကြီးသည်ဟုထင်ရှားသည့် မဟာမြတ်မုနိမြတ်စွာဘုရားကြီး။

"ဒီမဟာမြတ်မုနိဆင်းတုတော်ကြီးရဲ့မူလပိုင်ဆိုင်သူက စန္ဒသူရိယဘုရင်မင်းမြတ်ပဲ...နောက်ပိုင်းမှာဘုရင်တွေအဆက်ဆက်ပြောင်းလာခဲ့ပြီး ၁၇၈၄ ခုနှစ်မှာ ဘိုးတော်ဘုရားမင်းကြီးကရခိုင်ပြည်ကိုသိမ်းပိုက်တော်မူပြီးတဲ့နောက်မှာ မဟာမြတ်မုနိဘုရားရုပ်ပွားတော်မြတ်ကြီးကိုလည်း မန္တလေးကိုပင့်ဆောင်လာခဲ့တယ်လေ"

"အော်..."

စွဲမက်က ဘုရားကြီးအားလှည့်ပတ်ဖူးမျှော်ရင်း ဘုရားကြီးရဲ့သမိုင်းအကြောင်းကိုလည်း သေချာရှင်းပြပေးလေသည်။

မဟာမြတ်မုနိမြတ်စွာဘုရားကြီးသည် အလွန်တရာသပ္ပာယ်လှပါသည်ပြီးပြည်တွင်းပြည်ပဘုရားဖူး အမြောက်အများကိုဆွဲဆောင်နိုင်သည့် နေရာတစ်ခုလည်းဖြစ်နေသေးသည်။ ထည်ဝါရောစွဲမက်ပါ မဟာမြတ်မုနိမြတ်စွာဘုရားကြမှာ ဘုရားဝတ်ပြုပြီးတာနဲ့ ထည်ဝါကရွှေသကႅန်းကပ်လှူခြင်းကိုပြုလုပ်သည်။ပြီးတာနဲ့ ဘုရားဝန်းထဲတွင်လေ့လာကြည့်ကြသည်။စွဲမက်ကလည်း ထည်ဝါကိုသမိုင်းကြောင်းတွေကိုရှင်းပြလေသည်။

မိသားစုပြဿနာတစ်ချို့ကြောင့်သာ နိုင်ငံခြားမှာကြီးပြင်းလာခဲ့ရသော်လည်း မန္တလေးသူစစ်စစ်ဖြစ်တဲ့စွဲမက်ကတော့ မန္တလေးမြို့ရဲ့အထင်ကရနေရာတွေရဲ့သမိုင်းကြောင်းမျက်စိမှတ်ပြီးတောင် ထမင်းစားရေသောက်ပြောနိုင်တာဟာ အံ့သြစရာတော့မဟုတ်ပါ။ 

"ကိုကို ဒီဘက်ကိုလာ...၊ဒီဘက်မှာကြေးပြတိုက်ရှိတယ်"

စွဲမက်ခေါ်သမျှနေရာတို့ကို ထည်ဝါက ခေါင်းလေးညိမ့်ရင်းသာလိုက်လာခဲ့မိသည်။ အဆောက်အဦးအတွင်းသို့ရောက်တော့၇ပေကျော်၈ပေနီးနီးရှိတဲ့ ကြေးရုပ်ထုတွေနဲ့ ကြေးနဲ့ပြုလုပ်ထားတဲ့ ဆင်ရုပ် ခြသေႅ့ရုပ်တေကို သူ့နေရာနှင့်သူစီချထားသည်။