Make You Mine [Complete]

Part - 18[U&Z]

Unicode

"ကိုကို"

အိပ်ယာကနိုးနိုးချင်းတစ်စုံတစ်ယောက်က ပွေ့ဖက်ထားသလို တင်းတင်းကြပ်ကြပ်ခံစားချက်ကြောင့် မျက်ဝန်းတွေဖွင့်ကြည့်လိုက်တော့ ချစ်ရသည့်အမျိုးသားဖြစ်နေ၏။မနေ့ကအထိတောင်ကြီးမှာရှိနေတာကို ဒီမနက်ချက်ချင်းရန်ကုန်ကိုရောက်လာသည့်အပြင် စွဲမက်ကိုထွေးဖက်ကာအိပ်စက်နေတာကြောင့် အံ့သြရပါသည်။

နှစ်နှစ်ခြိုက်ခြိုက်အိပ်ပျော်နေသည့် ကိုကိုပုံစံက ပင်ပန်းနေပုံပေါ်သည်။ထို့ကြောင့် စွဲမက် လှုပ်လှုပ်ရွရွမလုပ်ဘဲ အိပ်ပျော်နေသည့် ကိုကို့ ကိုသာအေးအေးဆေးဆေးဆက်အိပ်နိုင်ရန် ရင်ခွင်ထဲမှာ ငြိမ်ငြိမ်သက်သက်လေးသာနေမိသည်။ထင်းနေသည့်မျက်ခုံးတန်းတွေအောက်က ညှို့အားပြင်းသည့်မျက်ဝန်းတို့က ‌အခုအချိန်မှာတော့မှေးမှိတ်ကာ ဂန္တဝင်ဆန်ဆန်ရှိနေပြန်သည်။တည်တင်းသည့်မျက်နှာသည် အရှိန်အဝါထင်းထင်းရှိတာမို့ ကိုကို့ရဲ့ချောမောမှု့က အရှိန်ပိုပြင်း၏။

မချွန်မလုံးနှာထိပ်လေးနှင့် ရယ်လိုက်တာနဲ့ သိသိသာသာကြည့်ကောင်းသည့် ကိုကိုဟာ စွဲမက်အတွက်တော့ ကောင်းခြင်းအဖြာဖြာနဲ့ပြည့်စုံသည့် အဖိုးတန်ရတနာကဲ့သို့ပင်။

ကိုကို့ ကိုစွဲမက်ချစ်လိုက်ရတာလေ။

"ကြည့်လို့ဝရဲ့လား"

"ဟင်!"

အားရပါးရကြီးကိုကြည့်ကာအကဲဖြတ်နေတုန်း ရုတ်တရပ်ထွက်လာသည့် ကိုကို့အသံကြောင့် စွဲမက်ကိုယ်လေးတုန်သွားတော့ ကိုကိုကရယ်သည်။ထို့အပြင် စွဲမက်ခါးပေါ်က ကိုကို့လက်တွေက ပိုကာတင်းကြပ်သွား၏။

"ကိုကိုနိုးပြီလား"

"ရင်ခွင်ထဲက ပေါက်စလေးက နိုးနေတော့ ကိုကိုကပါနိုးရတာပေါ့"

"ဘယ်တုန်းကရောက်လာလဲ"

"မနက်ခင်းက....၊ဖြစ်ချင်တော့ ကလေလေးကအိပ်နေတယ်လေ....၊ကိုယ်လည်း တစ်ညလုံးကားမောင်းလာရတာဆိုတော့ နည်းနည်းပင်ပန်းနေတာနဲ့ဝင်လှဲလိုက်တာ...၊အနွေးလုံးလေးကိုရင်ခွင်ထဲထည့်ထားလို့ထင်တယ် တန်းအိပ်ပျော်သွားတာပဲ"