Make You Mine [Complete]

Part - 17[U&Z]

Unicode

"ကိုက်ို"

ရင်းနှီး​နေ​သောအသံ​ကြောင့်​ ထည်ဝါတစ်​ယောက်​
စွဲမက်နှင့်​စကား​ပြောခြင်းကိုလက်​စသတ်​ပြီးတာနဲ့လှည့်​ကြည့်​မိ​လေသည်​။

"သွယ်"

မှန်​ပါသည်​။
သွယ်လေးပါ​ပေ။

"ဘယ်​လိုလဲ​အချစ်​က​လေးကလွမ်း​နေပြီတဲ့လား"

သွယ်လေးက​ဘေးမှခုံကိုဆွဲကာထိုင်​ရင်း ထည်ဝါ့အားစ​လေသည်​။သွယ်လေးသည် ထည်ဝါနှင့်အလယ်တန်းကတည်းကခင်လာသည့် သူငယ်ချင်းမလေးဖြစ်ကာ ဒီအနုပညာအသိုင်းအဝိုင်းထဲကို ထည်ဝါ့ထက်နှစ်များစွာစောပြီးရောက်လာတာကြာင့် စီနီယာလို့ပင်ခေါ်လို့ရသည်။

လျှို့ဝှက်​စွာ​နေကြသည်​ဆို​သော်​လဲ ပတ်​သတ်​ရာပတ်​သတ်​ကြောင်း ရင်းနှီးသည့်​မိတ်​ဆွေများက​တော့ သူနှင့်​စွဲမက်တို့အ​ကြောင်းကိုသိ​နေကြပါသည်​။အထူးသဖြင့် အနီးဆုံးသူငယ်ချင်းဖြစ်သည့် သွယ်လေးက အတွင်းသိအဆင်းသိ။ထို့​ကြောင့်​လဲ ထည်ဝါဖုန်း​ပြော​နေစဉ်​အ​နောက်​မှ "ကိုကို" ဟု​ခေါ်ကာစလိုက်​ခြင်း​ပေ။

"​အင်း...ဆိုပါတော့.....၊ ဘယ်​လိုတုန်းအလုပ်​ချိန်​ကြီး ဒီကို​ရောက်​လာရတဲ့အ​ကြောင်းအရင်း​လေး"

"ကိစ္စက​တော့ဒီလို့ ထည်ဝါရေ....၊နင်အခုရိုက်​နေတဲ့ဇာတ်​ကားရဲ့အဓိကမင်းသမီးကအဆင်​မ​ပြေဘူးဆို"

"အင်း ဟုတ်​တယ်​....၊ဒါပေမယ့် ဇာတ်လမ်းတွဲလည်းပြီးခါနီးပြီမို့လို့ ငါလည်းနည်းနည်းစိတ်လျော့ထားတာ....၊ခက်တာက ဒီဇာတ်လမ်းတွဲကို Season 2 အတွက်သူတို့ကစီစဥ်ပြီးသားဖြစ်နေသလို သူကလည်း ဆက်ပါနေတုန်း ဖြစ်နေတာ"

"အင်း ...၊ငါလည်းအဲ့တာပြောမလို့....၊အဲ့ဒီ မေခြူးရဲ့နေရာမှာ လူ​ပြောင်းဖို့အတွက်​ငါ့ကို နင်တို့ဒါရိုက်တာကြီးလာကမ်းလှမ်းထားတယ်​....၊ငါလည်း အလုပ်အားတာမဟုတ်ပေမယ့် နင်နဲ့ဇယားတစ်ချို့ရှိနေတာကို ငါသိထားလို့ လက်ခံလိုက်တာ....၊အဲ့တာဒီ​နေ့ နင်တို့ကို Metting လုပ်​မယ်​ထင်​တယ်​"

"ဒါဖြင့်​ငါရဲ့နောက်ထပ်တွဲဖက်က နင်ဖြစ်သွားမှာပေါ့....၊ဟုတ်လား သွယ်"