Make You Mine [Complete]

Part _ 23[U&Z]

Unicode

တိမ်ပင်လယ်ကို‌ရောက်ရင် သေချာပေါက် မနက်ခင်းရဲ့တိမ်ပင်လယ်ထွက်ပေါ်ပုံကိုကြည့်သင့်သည်။ဒါမှ တိမ်ပင်လယ်လာရကျိုးနပ်မည်။

မွေးနေ့ရှင်လေးစိတ်တိုင်းကျ မနက်ခင်းရဲ့နေထွက်ချိန်နဲ့ တိမ်ပင်လယ်ရဲ့ထွက်ပေါ်မှု့ကိုအဖော်ပြုကာကြည့်ပေးခဲ့သည်။နေအတော်အသင့်မြှင့်လာသည်အထိ အချမ်းဓာတ်မပြေသေးတာမို့ ရင်ငွေ့နဲ့သာမွေးနေ့ရှင်လေးအားနွေးစေရင်း မနက်စာစားချိန်ပါမက နေ့လည်စာကိုပါ ပျော်လွန်သွားခဲ့၏။

"ကလေးလေး နေ့လည်စာ စားကြရအောင်....၊မနက်ခင်းကလည်း ဘာမှမစားထားဘူးမလား"

"စွဲမက် ဗိုက်သိပ်မဆာသေးလို့ကိုကို"

"ကလေးလည်းမဟုတ်ဘဲ ဂျီမကျရဘူးလေ ကလေးလေး....၊ဗိုက်ကဆာမှ အစားစာရမှာ မှမဟုတ်တာ...၊အခုအချိန်ကျော်နေပြီ"

"ကိုကိုကလည်း....အွန့်"

"ပြွတ်စ်"

ဂျီကျချင်သည့် နူတ်ခမ်းလုံးလုံးလးအား ထည်ဝါ‌ငုံ့ထွေးလိုက်တော့အသံလေးတိတ်ကာ ထည်ဝါလည်ပင်းကို သူမလက်သေးသေးလေးတွေနဲ့လာဖက်သည်။ဒါ့အပြင်အလိုက်သင့်တုန့်ပြန်လာသည့် အနမ်းနုနုတို့ကပြင်းပြင်းပြပြ။

"ဆိုးလိုက်တဲ့ အဆိုးလေး"

နမ်းနေခြင်းကိုအဆုံးသတ်ကာ လက်‌ညိုးခေါက်လေးနဲ့အဆိုးလေးရဲ့နှာထိတ်လုံးလုံးလေးကို ထိတော့ တခစ်ခစ်ရယ်ရင်း ထည်ဝါ့ရင်ခွင်ထဲကိုတိုးဝင်လာ၏။

"ရာသီဥတုကဘယ်လိုပြောင်းပြောင်း ကိုကို့ရင်ခွင်ကြီးရှိနေလို့ကတော့ စွဲမက်ကဘယ်မှာဖြစ်ဖြစ်နေနိုင်တယ်"

"ဘာဖြစ်လို့လဲ ပြောပါအုန်း"

"ကိုကို့ရင်ခွင်ကြီးက စွဲမက်အတွက်နွေးစေအေးစေတဲ့ရင်ခွင်ကျယ်ကြီးမို့လေ"

"အဟား....၊ဒီအတတ်ကလေးကွာ"

စွဲမက်စကားကို ကိုကိုကသဘောကျသလိုခေါင်းမော့ကာ ရယ်သည်။ခပ်မော့မော့အနေအထားမှာ အနည်းငယ်လှုပ်ခတ်သွားသည့် ကိုကိုလည်စလုတ်လေးက မျက်စိပဒါသဖြစ်လွန်းနေ၏။စွဲမက် စိတ်အလိုလိုက်မိသွားကာ ကိုကို လည်စလုတ်လေးကို ငုံ့ထွေးလိုက်သည်။