Make You Mine [Complete]

Part - 36 [U&Z]

အပိုင်း(၃၆)
Make You Mine
အရာအားလုံးကိုကျော်လွန်၍

"ဒီကိစ္စကသာမန်အခြေအနေဆိုအေးအေးဆေးဆေး အမှန်တရားကိုဝန်ခံပြီးချပြလိုက်ရင်တောင် မင်းတို့အတွက်အခွင့်အလမ်းပိုများလာမှာအမှန်ပဲ....၊ဒါပေမယ့် အခုက အန်တီမမက Actor တွေနဲ့စာချုပ်အသစ်တွေကို အသက်သွင်းပြီး Actor ကြားက Rs caseတွေကိုပြင်းပြင်းထန်ထန်ကန့်သတ်နေတာပဲ"

ကိုဦး က​ပြော​တော့ ထည်ဝါရောစွဲမက်ပါ
မည်​သို့မျှ​တုန့်​ပြန်​ခြင်းမပြု​ပေ။ကိုဦးက စွဲမက်ရဲ့ဝမ်းကွဲအကိုဖြစ်သလို S Entertainment ရဲ့ CEOလည်းဖြစ်သည်။တကယ်​တော့ ကလေးငယ်ရောသူပါ ဦးပိန်​တံတား​ပေါ်တွင်​နေရသည့်ရက်က ခရီးစဥ်၏နောက်​ဆုံးရက်​ဖြစ်​ခဲ့သည်​။ထိုညနေက ကလေးငယ်ကိုရောသူ့ကိုပါ မန်နေဂျာကနေတစ်ဆင့်တောင်မဟုတ်ဘဲ ကိုဦးကိုယ်တိုင်ကချက်​ခြင်းပြန်​လာခဲ့ရန်​ခေါ်ခဲ့သည်​။ပြဿနာက​တော့ သူတို့နှစ်​ယောက်​မြန်​မာနိုင်​ငံတွင်​ကြည်​နူး​နေကြသည့်​ပုံများက အကုန်​ပြန့်​ပြီးသတင်း​တွေကလုံးဝကိုဖုံးမရဖြစ်​ခဲ့သည်​။

နာမည်​ကြီးActorတစ်​ယောက်​ဟာ စောင့်​ကြည့်​နေသည့်​မျက်​လုံးများက များစွာရှိ​နေသည်​မို့ ဘာလုပ်လုပ်သတိရှိရသည်။ နှစ်​ယောက်​သားလည်းအစီအစဉ်​မရှိဘဲလုပ်​ဖြစ်​သွားသည့်​ခရီးစဉ်​ဖြစ်​သည့်​အပြင်​အခု​လောက်​ထိပြဿနာကြီးသွားလိမ့်​မယ်​လို့လည်းမထင်​ခဲ့​ပေ။ထိုအရာအားလုံးထက် ပိုပြီး ထည်ဝါတို့မထင်ထားသည့် ဒေါ်ခက်မမက Entertainment ရဲ့အကြီးဆုံးရှယ်ယာရှင်ဖြစ်နေခြင်းပေ။တကယ်တော့ စွဲမက်အလေးမထားခဲ့တာလည်းပါသည်။အကို့ရဲ့စီးပွားရေးဖြစ်နေသည့်အပြင် စွဲမက်ကိုယ်တိုင်ပါ ပါဝင်လာရသည့်အခြေအနေတစ်ခုမှာ မေမေကဘေးထွက်နေမှာမဟုတ်ဘူးဆိုတာကိုအရင်ကတည်းက တွေးထားခဲ့သင့်သည်။

အခု​တော့အရာအားလုံးဟာ​နောက်​ပြန်​ဆုတ်​ဖို့​နောက်​ကျခဲ့ရသည်​။သို့​သော်​အဲ့ဒီအချိန်​ပြန်​ရခဲ့ပါလျှင်​ဒီခရီးစဉ်​ကိုသူတို့စခဲ့မည်​ပဲထင်​သည်​။အောင်​မြင်​မှု့​တွေပိုင်​ဆိုင်​ခဲ့ရကတည်းက လွတ်​လပ်​ခွင့်​နဲ့​ပျော်​ရွင့်​မှု့​တွေကိုတဖြည်းဖြည်ဆုံးရှုံးခဲ့ရသည်​။ပကာသနမရှိ အ​ယောင်​ဆောင်​မပါသည့်​ရိုးရှင်းစွာဖြတ်​သန်းခဲ့ရသည့်​ထို​လေးရက်​ဟာ သူ့ဘဝတွင်​နောက်​ထပ်​မရနိုင်​တော့သည့်​အချိန်​တွေပင်​ဖြစ်​သည်​။​
​
"သတင်းစားရှင်းလင်းပွဲလုပ်​ရမယ်​!"