Make You Mine [Complete]

Part _ 21 [U&Z]

Unicode

မန္တလေးကနေ ၉နာရီခွဲကထွက်လာတာပေမယ့်အိပ်ရေးမဝသေးပုံရသည့် ကလေးလးက ထည်ဝါကားမောင်းနေသည့်တစ်လျှောက်လုံး အိပ်ရင်းသာလိုက်ပါလာ၏။ခဲခရမ်းရောင်မတိုမရှည်ဆံနွယ်လေးတွေကြားမှာ နုနယ်သည့်မျက်နှာလေးက ကြည်ကြည်စင်စင်။ချစ်စဖွယ်ကောက်းလွန်းသည်ဆိုသည့် ဝေါဟာရနှင့်သတ်ဆိုင်သမျှဖြစ်တည်မှု့တိုင်ဟာ စွဲမက်ဖွယ်ဆိုသည့် အမျိုးသမီးငယ်လေး ကိုယ်ပေါ်မှာသာတည်ရှိနေသလိုပင်။

မနက်ဖြန် ကလေးလေးရဲ့မွေးနေ့ဖြစ်တာမို့ ဒီနေ့ကတည်းက တိမ်ပင်လယ်ကိုရောက်အောင် ခရီးစလိုက်တာဖြစ်သည်။အနည်းဆုံးတော့ မွေးနေ့မတိုင်ခင် ကလေးလေးအား ကောင်းမွန်ချိုမြိန်သည့်အမှတ်တရတွေသာပေးချင်ပါသည်။

ကားကိုလည်းအေးအေးဆေးဆေးသာမောင်းလာတာမို့ ပုံမှန်ထက်ပိုကြာမှ ‌ပြင်ဦးလွင်ကို‌ရောက်၏။လက်ကနာရီကိုကြည့်လိုက်တော့ နေ့လည်၁၁ထိုးတော့မည်ဖြစ်သည်။မနက်ကတည်းကအိပ်ရေးမဝ‌ပုံပေါ်တာကြောင့် အိပ်ပါစေဆိုပြီးလွှတ်ထားပေမယ့် အခုကနေ့လည်စာ စားချိန်ရောက်နေပြီမို့ ဆက်အိပ်ခိုင်းထားရင် အစာစားချိန်ပါလွန်ကာ ဗိုက်အောင့်သွားတော့မည်။ထို့ကြောင့် အဆိုးလေးကို နှိုးဖို့ပြင်လိုက်ရ၏။

"ကလေးလေး...."

"........."

"ဟိတ်...၊ထတော့ ကလေးလေး တစ်ခုခုစားရအောင်"

"အွန်...."

ပါးလေးကို ခပ်ဖွဖွလေး ဖျစ်ညှစ်လိုက်ရင်းနှိုးတော့ မျက်နှာလေးကချစ်စဖွယ်ရှုံ့မဲ့ကာ တအွန်းအွန်းနှင့် မျက်လုံးလေးတွေပွင့်လာ၏။

"ကိုကို"

ထည်ဝါ့ကိုတွေ့တော့ မျက်ဝန်းတွေကိုတစ်ဖန်ပြန်မှိတ်လိုက်တာ သူမရှေ့တည့်တည့်မှာရှိနေသည့် ထည်ဝါ့ရဲ့လည်တိုင်ကို ပျင်းတွဲတွဲလေးလှမ်းဖက်ကာပြန်မှေးပြန်သည်။

"ခဏနေမှ ပြန်အိပ်ချင်အိပ်....၊အခုတစ်ခုခုစားရအောင် ထဦး ကလေးလေးရဲ့"

ခေါင်း‌လုံးလုံးလေးအား ပွတ်သပ်၍ငုံ့နမ်းကာပြောတော့ ခေါင်းလေထောင်လာကာ မပွင့်တပွင့်မျက်လုံးလေးတွေကိုအားယူဖွင့်ကာ ခေါင်းငုံ့ပြ၏။ထည်ဝါ အသည်းယားလွန်းတာကြောင့် နဖူးလေးကို ဖိကပ်ငုံ့နမ်းလိုက်မိသည်။ထိုအခါ အဆိုးလေးက ချစ်စဖွယ်ရယ်ပြလာ၏။