Make You Mine [Complete]

Part _ 22 [Uni&Zaw]

Unicode

ထည်ဝါရေချိုးပြီး ပြန်ထွက်လာတော့ ကလေးလေးက Villa ထဲမှာမရှိတာကြောင့် အဝတ်အစားမြန်မြန်လဲကာ Villaအပြင်ထွက်လိုက်၏။Villaအပြင်‌ကမြင်ကွင်းကြောင့် ထည်ဝါ ကိုယ့်နဖူးကိုယ်ရိုက်ပစ်ချင်သွား၏။Villaရှေ့က ကြိမ်ခုံလေးမှာ မွေးပွစောင်လေး လွှားခြုံကာ နှစ်နှစ်ခြိုက်ခြိုက်အိပ်ပျော်နေသည့် သူ့ကလေးငယ်ပါပင်။

ထည်ဝါလက်ကနာရီကိုတစ်ချက်ပင့်ကြည့်လိုက်တော့၁၁နာရီကိုအတော်ကျော်နေပြီဖြစ်ကာ ၁၂ပင်ထိုးခါနီးနေပြီဖြစ်သည်။ပုံမှန်အရ ၁၂နာရီဆို နောက်တစ်နေ့ကူးပြီမို့ ကလေးလေးရဲ့မွေးနေ့ကိုရောက်ပြီဖြစ်သည်။အခုကြည့်ရသလောက် မွေးနေ့ရှင်က အိမ်မက်ထဲမှာမွေးနေ့ပွဲကျင်းပနေပုံပင်။

အအေးဓာတ်ကြောင့် ပါးပြင်နဲ့နှာထိပ်လေးတွေရဲနေသည့်ကလေးလေးကိုကြည့်ရင်း ထည်ဝါဒူးတစ်ဖက်ထောက်ရင်း သေချာကြည့်နေမိသည်။အသက်၁၉နှစ်ပြည့်ဖို့မိနစ်ပိုင်းသာလိုတော့သည့် သူ့ရဲ့ကလေးငယ်လေးသည် ငယ်ရွယ်တဲ့အသက်အရွယ်လေးမှာပင် အောင်မြင်မှု့လမ်းကြောင်းမှာစတင်လျှောက်လှမ်းနေပြီဖြစ်သည်။တစ်ဘဝလုံးစာ အပြည့်အဝကြိုးစားပြီးရလာတဲ့ ကလေးလေးရဲ့ ဒီအောင်မြင်မှု့တွေ၊ကြိုးစားမှု့ရလဒ်တွေကို အချစ်ဆိုတဲ့ခေါင်းစဥ်အောက်မှာ ရက်ရက်စက်စက်ချနင်းပစ်ဖို့အတွက် ထည်ဝါ အတ္တမကြီးသေးပါ။

နေနဲ့လဟာ မဆုံစည်းနိုင်သည့်တိုင် အနည်းဆုံးတော့ ကောင်ကင်ကြီးတစ်ခုထဲမှာအတူယှဥ်တွဲနေထိုင်နိုင်ကြဆဲပင်မဟုတ်လား။သူ့အတွက်လည်း ကလေးငယ်ကို ပျော်ရွယ်မှု့တွေနဲ့အောင်မြင်မှု့တွေကို ပွေ့ပိုက်ထားတာမြင်ရရုံနဲ့ကျေနပ်နိုင်ပါသည်။တစ်ခါတစ်ရံ အချစ်တွေဟာ ပေါင်းစုံဖို့ထက် သိမ်းဆည်းပစ်လိုက်တာက ပိုကောင်းတာမျိုးလည်းရှိတတ်သည်ပင်။

စိမ့်ခနဲတိုက်လာသည့် ညလေအေးကြောင့် ထည်ဝါ့အတွေးတို့ရပ်သွားကာ ကလေးငယ်ကို Villa ထဲပြန်ခေါ်သွားဖို့သတိဝင်လာရသည်။ဆောင်းရဲ့ညလေအေးမှာ ဒီအတိုင်းအကြာကြီးနေရင် မနက်ဖြန်မှာဖျားသွားနိုင်သည်။အတွေးနဲ့အတူ ထည်ဝါ ကလေးငယ်ကို ပွေ့ယူကာ Villaထဲဝင်ဖို့ခြေလှမ်းပြင်လိုက်သည်။ထိုအခါ လူးလူးလွန့်လွန့်နဲ့ မျက်ဝန်းလေးတွေ ခပ်ဖြေးဖြေးပွင့်ကာ ထည်ဝါကို အိပ်မှုန်စုန်မွှားလေးနှင့်ကြည့်ရင်း.....၊