Make You Mine [Complete]

Part - 19[U&Z]

Unicode

အပိုင်း (၁၉)
Make You Mine(အရာအားလုံးကိုဖြတ်ကျော်၍)

ဒီနေ့ စီးပွားရေးပညာရှင်တွေအတွက် သီးသန့်တွေ့ဆုံပွဲရှိတာကြောင့် ထည်ဝါက ဖိုးဖိုးအစားထိုပွဲကိုတက်ပေးရမည်ဖြစ်သည်။အနာဂတ်တွင်လည်း ထည်ဝါလုပ်ငန်းစုက ထည်ဝါသာဦးစီးရမှာမို့ ဖိုးဖိုးက အခုကတည်းက ထည်ဝါကို အကုန်လက်လွှဲနေတော့သည်ပင်။ထို့ကြောင့် အခုလည်း ရန်ကုန်ကနေ မန္တလေးကို ကားနဲ့နေ့ချင်းဆင်းရပြန်သည်။

"ဟင်!"

မကြာခင် Hotelကိုရောက်တော့မှာမို့ ထည်ဝါ ကူရှင်ကိုမှီကာ ခဏအပန်းဖြေဖို့လုပ်နေတုန်း Notiအသံကြောင့် ဖုန်းကိုကြည့်မိတော့ ထည်ဝါမျက်ဝန်းတွေပြူးကျယ်သွားရ၏။

အနောက်ဘက်မို့တစ်ခြားသူဆိုသိမှာမဟုတ်ပေမယ့် ဖျတ်ခနဲမြင်တာနဲ့တောင်အလွတ်ရအောင်မှတ်မိနေသည့် ခန္ဓာကိုယ်လေးသည် သူ၏ပိုင်ဆိုင်မှု့ဖြစ်သည့်စွဲမက်ဖွယ်ပင်။သို့သော် ထိုထက်ပို အံ့သြစေသည်က စောမင်းစေ။လက်ကောက်ဝတ်ကိုဆုပ်ကိုင်ထားပုံက ရင်းနှီးမှု့တွေမပါဝင်နေတာသိသာသည်။စောမင်းစေနဲ့စွဲမက်က ဘယ်တုန်းကဘယ်လိုသိခဲ့ကြတာလဲ"

*ဒါဘယ်တုန်းကပုံလဲ*

*နင်နဲ့ငါ Coulpe Cafeမှာဆုံတဲ့နေ့ကပဲ....၊နင် စောမင်းစေကိုသိတယ်မဟုတ်လား"

နိုင်ငံခြားမှာ ၂နှစ်လောက်အတူနေလာခဲ့သေးမို့ စောမင်းစေအကြောင်း ထည်ဝါကောင်းကောင်းသိသည်။မိဘအရှိန်အဝါနဲ့ ဆိုးသွမ်းသောင်းကျန်းခဲ့သည့်လူပင်။အခုမှမြန်မာနိုင်ငံပြန်ရောက်တော့ သိပ်ကိုတော်လွန်းသည့်စီးပွားရေးသမားအဖြစ်ခြေငြိမ်နေသည်။

စောမင်းစေ ဘာတွေအကွက်ရှေ့နေလဲက ထည်ဝါနှင့်မသက်ဆိုင်ပေမယ့် စွဲမက်ဖွယ်ကိုပါ ပါဝင်ပတ်သတ်စေခြင်းက ငြိမ်နေလို့မရသည့်အဓိက အကြောင်းအရင်းဖြစ်သည်။

*ငါလည်းသေချာမသိဘူးသွယ်....၊ကလေးလေးကငါ့က်ုလည်းဘာမှမပြောထားဘူး*

*ဘာမှန်းမသိသေးဘူးဆိုပြီးပေါ့မနေနဲ့ ထည်ဝါ...၊စောမင်းစေဆိုတဲ့ကောင်က ဘယ်လိုကောင်လဲ နင်အသိပဲ*