Make You Mine [Complete]

Part - 11[U&Z]

Unicode

"ကိုကို့ ဘယ်သူအလှဆုံးလဲ"

"ကိုကို့ ကလေးလေးက အလှဆုံးပေါ့"

လိုချင်တဲ့အဖြေရသွားတော့ စွဲမက်ရဲ့ တခစ်ခစ်ရယ်သံလေးတွေက အခန်းလေးထဲမှာပျံ့လွှင့်နေ၏။ဟင်းချက်နေတဲ့တစ်လျှောက်လုံး ဘေးနဲ့အနောက်မှာတောက်တဲ့ကလေးလို ကပ်တွယ်ရင်း တတွတ်တွတ်နဲ့စကားတွေပြောနေလေသည်။အခုလည်း ပွဲမှာတုန်းက ပြိုင်တဲ့လူတွေထဲ ဘယ်သူကပိုလှလဲ၊ဘယ်သူက ဘယ်လိုရှိတယ်နဲ့ တွတ်တွတ်ထိုးနေပြန်သည်။

"မြည်းကြည့်"

ထည်ဝါက ဟင်းတစ်တုံးကိုခပ်ကာ သူ့နောက်က စွဲမက်ကိုလှမ်းခွံ့သည်။

"ပူတယ်သတိထား"

"အာ~~"

"အာ~"

ကလေးလို ပါးစပ်လေးဟကာ တအာ အာလုပ်နေသည့်သူမလေးကြောင့် ထည်ဝါ့မှာ သူမလေးအလိုကျ လိုက်‌လုပ်ပေးရတော့သည်။

"ဂွဒ်....၊ကိုကို့ဟင်းချက်လက်ရာကမ္ဘာ့နံပါတ်တစ် အကောင်းဆုံး"

"ဟား....ဟား..."

လက်မလေးထောင်ပြပြီးနောက် ရင်ခွင်ထဲဝင်ကာခပ်ချွဲချွဲပြောတော့ ထည်ဝါက ခေါင်းမော့ကာ သဘောတကျရယ်သည်။

"ဒါဖြင့် ကိုကိုကတော်တာပေါ့"

'"အရမ်းတော်...."

သူ့ဘာသာပြောရင်း သဘောတကျနဲ့တစ်ခစ်ခစ်ရယ်နေသည့် သူမလေးကြောင့် ထည်ဝါ့မှာစိတ်ပျော်နေရပြန်သည်။

"ကိုကို့ ကလေးလေးက တကယ်အတတ်ကလေးနော်...၊ချွဲလည်း ချွဲတတ်တယ်...၊အသည်းယားအောင်လည်းနေတတ်တယ်"

ထည်ဝါ့အပြောကြောင့် စွဲမက်က ရင်ခွင်ထဲတိုးဝငါကာ ခပ်ဟဟရယ်သည်။

ဒီ​နေ့ စွဲမက်အတွက် ဂုဏ်ပြုညစာ စားပွဲအသေးစားလေးပြုလုပ်မှာဖြစ်လို့ ထည်ဝါ စွဲမက်အိမ်ကိုညနေကတည်းကရောက်နေတာဖြစ်သည်။ညစာ စားပွဲဆိုပေမယ့် တစ်ခြားဘယ်သူမှ မပါဘဲ သူတို့နှစ်ယောက်ထဲ တစ်ကမ္ဘာတည်မဲ့ညစာ စားပွဲသာဖြစ်သည်။

"တတ်​တာ​ပေါ့ကိုကိုရဲ့...၊မ​ပြောချင်​လို့သာငြိမ်​နေတာ...၊ကိုကို့ ကိုဘယ်နည်းလမ်းနဲ့အသည်းယားအောင်လုပ်ရမလဲက အစ အကုန်တတ်"