Make You Mine [Complete]

Part _ 26[U&Z]

Unicode

အပိုင်း(၂၆)
Make You Mine

တစ်ဆစ်ဆစ်နာကျင်နေသည့်နှလုံးသားကြောင့် ခပ်နွေးနွေးမျက်ရည်စီးကြောင်းတို့က ပါးပြင်ပေါ်ကိုအလုအယက်ခုန်ဆင်းကြသည်။

ကိုကိုကသိပ်ရက်စက်တာပဲ။
စွဲမက် နေမကောင်းဖြစ်သည့်နေ့ကစလို့ ဒီနေ့အထိကိုကိုဟာရောက်မလာခဲ့။တကယ်ပဲ ကိုကို့ဆီမှာ စွဲမက်ကိုချစ်တဲ့အချစ်တွေမရှိတော့ဘူးလား။

သိပ်မကြာခင်ရက်မှာ ကိုကို့ နိုင်ငံခြားကိုထွက်ဖို့ပြင်နေကြောင်းသိရသည်။ကိုကိုက သူ့နဲ့ဝေးရာကိုထွက်သွားဖို့ အသေအချာကိုပြင်ဆင်နေခဲ့တာပင်။

"စွဲမက်"

"........"

ပြန်မဖြေသလို၊အကြည့်လည်းရောက်မလာ။မခိုင်က စကားပြောသင့်မပြောသင့်ချင့်ချိန်နေပုံဖြင့်....၊

"စွဲမက်....၊ထည်ဝါရယ်လေ"

"ကိုကို ဘာဖြစ်လို့လဲ"

အထစ်ထစ်ဖြင့်ရှေ့မရောက်သည့်စကားစုမှာ ကိုကို့နာမည်ပါလာ‌တာမို့ စွဲမက်မေးခွန်းထုတ်မိသွားသည်။

"ဒီမနက်ပဲ လေဆိပ်ဆင်းသွားပြီ"

"လေဆိပ်....၊ဘာအတွက်လဲ"

စွဲမက် သူ့ဘာသာခပ်တိုးတိုးရွတ်ပြီး မခိုင်ကိုအမေးပြန်ထုတ်သည်။မခိုင်ကမျက်နှာမသာမယာဖြင့်။

"သူ့ရဲ့အလုပ်အတွက် အရင်ရက်ကတည်းက နိုင်ငံခြားထွက်ဖို့ပြောထားတယ်မလား"

"ဒါပေမယ့် ရက်အတော်လိုနေသေးတယ်လေ...၊ဘာလို့ချက်ချင်းကြီး"

"မခိုင်လည်း အဲ့တာသေချာမသိဘူး....၊ရုတ်တရပ်ကြီး ထည်ဝါကဒီမနက်ပဲ လေဆိပ်ဆင်းသွားပြီလို့သိရတာ....၊အကုန်လုံးကလည်း အံ့သြနေကြတာ"

"အခုဘယ်အချိန်လဲ...၊ကိုကိုကဘယ်‌အချိန်လေယာဥ်နဲ့လဲ....၊အချိန်ဘယ်လောက်ကျန်သေးလဲ"

"နာရီဝက်လောက်ပဲလိုတော့တယ် စွဲမက်"

မခိုင်စကားမဆုံးသေး စွဲမက်အိပ်ယာပေါ်ကထပြီးနေပြီဖြစ်သည်။ပြီးနောက် အပေါ်ထပ် တစ်ထည်ဆွဲကာ ပိုက်ဆံအိတ်ကိုပါ ယူရင်း အပြင်ထွက်ဖို့ပြင်သည်။