Make You Mine [Complete]

Part - 16 [U&Z]

Unicode

"အခုလိုအလုပ်တွဲလုပ်ခွင့်ရလို့ ဝမ်းသာပါတယ် အန်တီ"

"အန်တီကလည်း မောင်းမင်းစေ လိုထက်မြက်တဲ့လူငယ်တစ်ယောက်နဲ့ လုပ်ငန်းအတူတွဲလုပ်ရတာ ဂုဏ်ယူမိပါတယ်"

လက်ဆွဲနူတ်ဆက်ကာ ဖော်ရွေသောအပြုံးတို့‌က ပေါပေါသီသီဖြစ်နေသည်။လုပ်ငန်းဆိုင်ရာပူးပေါင်းမှု့အတွက် စာချုပ် ချုပ်ပြီးတာနဲ့ညစာ စားပွဲကိုပါဆက်လိုက်ကြတာဖြစ်သည်။မင်းစေဆိုသည့် လူငယ်သည် အခုနောက်ပိုင်း လုပ်ငန်းအတော်များများတွင် နာမည်လွှမ်းမိုးလာနိုင်သည့် စီးပွားရေးသမားတစ်ယောက်ဖြစ်သည်။မကြာခင်ကမှ နိုင်ငံခြားကပြန်ရောက်ကာ ကုမ္ပဏီမှာဦးစီးနေတာသိပ်မကြာသေးသည့်တိုင် နာမည်ကတော့ အရှိန်အဟုန်ကောင်းကောင်းနှင့် စီးပွားရေးသမားတွေကြားရေပန်းစားနေသည်။

"အဲ့လောက်လည်းမဟုတ်ပါဘူး အန်တီရယ်....၊ကျွန်တော်က အန်တီတို့ဆီကနေ အများကြီးသင်ယူရအုန်းမှာပါ"

"အဟင်း....."

ညစာ စားပွဲမှာ စကားတွေရောက်တက်ရာရာပြောနေရင်း စားပွဲဝိုင်းလးကစိုပြေနေ၏။ထို့နောက် မင်းစေက တစ်ခုခုကိုသတိရသွားသလို ဒေါ်ခက်မမဆီ သေချာအာရုံစိုက်ရင်း စကားစလေသည်။

"ကျွန်တော်ကြားသလောက်တော့ အခုတစ်လော နာမည်အရမ်းရလာတဲ့ မင်းသမီးအသစ်လေးစွဲမက်ဖွယ်က အန်တီ့သမီးဆို"

သမီးငယ်အကြောင်းပါလာတော့ ဒေါ်ခက်မမကခပ်ဖွဖွပြုံးရင်း.....၊

"ဟုတ်တယ် မောင်မင်းစေ....၊သမီးငယ်က အန်တီတို့လိုစီးပွားရေးကိုစိတ်မဝင်စားဘူးလေ....၊အဲ့တာကြောင့် သူဝါသနာပါတာကိုပဲ သူတစ်စိုက်မတ်မတ်ကြိုးစားနေတာ"

"စွဲမက်ဖွယ်က အန်တီ့ဆီကနေ စီးပွားရေးသမားဖြစ်ချင်တဲ့ဝါသနာအမွေမရခဲ့ပေမယ့် အန်တီ့ရဲ့အလှအပတရားတွေကိုတော့ အကုန်လုံးအမွေဆက်ခံထားပုံပါပဲ.....၊တော်တော်လေးကိုလှတယ်နော် ကလေးမလေးက"

"အဟင်း.....၊ဒါကတော့ ဟုတ်မယ်ထင်တယ်"

သူစိမ်း‌တစ်ယောက်ရဲ့နူတ်ဖျားမှာ ကိုယ့်သမီးငယ်ရဲ့ ကောင်းမွန်ကြောင်းကိုချီးကျုးခံရတာ သဘောကျနှစ်သက်ပေမယ့် အဓိပ္ပာယ်အမျိုးမျိုးသက်ရောက်စေသည့် စကားတို့ကိုတို့ လက်လွှတ်စပယ်ပြောခြင်းကို ဒေါ်ခက်မမ သဘောမကျပါ။ထို့ကြောင့် စားလက်စကိုလက်စသတ်ကာ မင်းစေဆီကို အကြည့်ပို့လိုက်ရင်း.....၊