Make You Mine [Complete]

Part - 13 [U&Z]

Unicode

အပိုင်း (၁၃)
Make You Main(အရာအားလုံးကိုကျော်ဖြတ်၍)

ရေချိုးခန်းဝင်သွားသည့်ကလေးမလေးအတွက် အဝတ်အစားလဲပြီးတာနဲ့ စားလို့ရအောင် အစားအသောက်တွေပြင်ဆင်ပေးထားမိသည်။ဘာလိုအပ်မလဲတစ်ချက်ကြည့်ပြီးနဲ့ အကုန်ပြည့်စုံပြီဆိုကာမှ အခန်းထဲကိုပြန်ဝင်လာသည်။လက်ကနာရီကိုတစ်ချက်ပင့်ကြည့်လိုက်တော့ သူမလေးရေခန်းချိုးခန်းဝင်သွားတာ ၄၅မိနစ်လောက်ကြာနေပြီဖြစ်သည်။

"ကလေးလေး ရေချိုးခန်းထဲမှာကြာနေပြီနော်....၊အဲ့လောက်ကြာနေတာ ဖျားမယ်လေကွာ"

ရေချိုးခန်းတံခါးကို ခပ်ဖြေးဖြေးခေါက်ရင်းပြောလိုက်တော့ တဖျောဖျောကျနေသည့် ရေသံက အနည်းငယ်အသံတိုးသွားကာ ကလေးလေးရဲ့အသံသေးသေးလေးထွက်လာ၏။

"စွဲမက် ခေါင်းပါလျှော်နေလို့ကိုကို....၊ပြီးပြီ ခဏပဲ"

"ကျစ်!"

ခေါင်းပါလျှော်နေသည်ဆိုသည့်စကားကြောင့် ထည်ဝါ‌စုတ်တစ်ချက်သတ်လိုက်မိသည်။ပြီးနောက် မြန်မြန်ထွက်လာခဲ့ဖို့ ကိုမမေ့မလျော့ထပ်ပြောရပြန်သည်။ပြောပြီးတာနဲ့ အခန်းဘက်ကိုလျှောက်လာကာ သူမလေးအသုံးအဆောင်တွေထားသည့် နံရံကပ်စင်ဘက်ကိုလျှောက်သွားကာ Hair Dryer ကို သွားရှာရသည်။ထိုကလေးလေးသည် ထည်ဝါမှသေချာအစအဆုံးလုပ်မပေးရင် ‌ဆံပင်ခြောက်အောင်လုပ်မည်မဟုတ်တာကိုလည်းသိသည်။

"ကိုကို"

ခေါင်းလေးကို Tower နဲ့ပတ်ရင်းရေးချိုးခန်းထဲက ထွက်လာသည့် ကလေးလေးက ရေချိုးပြီးကာစမို့ ခန္ဓာကိုယ်အစိတ်အပိုင်းတစ်ချို့နဲ့မျက်နှာလေးမှာ ရေစက်တို့ကခိုတွဲလျက် ရင်သတ်ရှုမောဖွယ်ဖြစ်နေသည်။သဘတ်လွတ်နေသည့် ညှပ်ရိုးလှလှလေးနဲ့ ခြေသလုံးသားဖွေးဖွေးလေးတို့မှာ ရေစက်လေးတွေတင်နေပုံက အနုပညာမြောက်သည့် ပန်းချီကားလေးသဖွယ်။ထည်ဝါ အာခေါင်တွေခြောက်လာသလိုမို့ ချောင်းတစ်ချက်ဟန့်ကာ လည်ချောင်းရှင်းလိုက်ရင်း.....၊

"ကိုကို အပြင်မှာထားခဲ့တဲ့ ဟင်းတွေတစ်ချက်သွားကြည့်လိုက်အုန်းမယ်....၊ကလေးလေး ဆံပင်ကို ခဏသုတ်ထားပြီး အဝတ်လဲထားလိုက်"