RGS#1: TO BREAK AN AFFAIR (PUBLISHED)

THIRTEEN

"You're talking to the notorious Rouge Verduzco. What does he want?" bungad na tanong ni Lila pagkabalik ko sa table namin.

Pinagmasdan ko ang pagpasok ni Rouge sa lounge area kasunod ang humahalakhak na si Chaucer. He was the guy na katabi niya na may kahalikan ring babae.

Nagsalin ako ng malamig na tubig sa baso. Nanatili pa rin ang init gawa ng pinaghalong epekto ng inumin at ni Rouge.

I swear, that man is a personified sun! Hindi ka pa nakakalapit ay ramdam mo na ang init niya like he has this invisible sunrays extending his heat up to a ten mile radius.

"Nag-aya ng date."

Humalakhak si Lila. "Seryoso? Eh ikaw lang yata ang kilala kong parang ayaw na makipag-date sa kanya? Every woman wants to jump in any bed with him and ride on his Maybach."

May bahid ng pagkadisgusto akong umiling."Ayaw kong maging katulad ng mga babae niya."

Tinuro ako ng daliri niyang may hawak na sigarilyo. Napaatras ako sa binubuga nitong usok.

"You're no different sweetie. Just by liking him alone makes you one of them."

Parang sinulat 'yon ni Lila sa isang bato at tinapon sa mukha ko. Sapol na sapol.

Nagsalin siya ng tequila shot at inabot sa'kin. Tumanggi ako. I've had enough of it. Siya ang uminom sa shot.

"Loosen up. There's nothing wrong in liking him. Just be careful though. Subukan mo lang makipag-date sa kanya. One date won't kill you." aniya.

"Paano ako papayag Li, kita mo kung paano niya nilamon ang labi ng babae kanina, tapos ngayon mag-aaya siyang lumabas? It was a dick move of him!" inis kong anas.

Let's say gusto ko siya, but it doesn't mean na papayag ako sa gusto niya. Ano, main course niya yung babae tapos ako ang dessert? Anong klaseng panghimagas naman kaya ako? Lory de crema? Lorelei flan de a la carte?

Hindi ko narinig nagsalita si Lila. Paglingon ko sa pwesto niya'y nagme-make out na sila ni Vladimir. Wala na rin sina Jezreel at Gustav sa inupuan nila kanina. Bakit parang kinakabahan yata ako na wala sila?

Tumayo ako at inayos ang pagkakahapit ng aking dress.

"Li, I'll just take a leak." paalam ko.

Kumumpas siya sa kanyang kamay na hindi humihiwalay sa labi ni Vladimir. Napailing ako saka sumulong sa mga nagsasayawang katawan.

Lumala ang pagkapuno ng Roofdeck terrace ngayon at mas naging hyper pa ang mga tao lalo na't nasa kalaliman na nang madaling araw.

Tumingala ako. Umambag sa liwanag ng gabi ang full moon. Malinaw rin ang kalangitan at walang niisang bahid ng masamang panahon. Napakanta tuloy ako sa isip ko. I got a feeling that tonight's gonna be a good night.

Iniwasan kong madaanan ang pwesto nina Rouge. Nandoon pa rin ang mga kaibigan niyang sikat. Wala na yung mga babae. Wala rin sina Rouge at Chaucer. Oh, I don't want to think about on what they could be doing right now with their dates.

Wala pa ako sa'king destinasyon ay sinalubong na ako ng matatapang na mata ni Rouge. Natagpuan ko ang sariling huminto sa paglalakad. Hindi naman ako tumakbo pero hinihingal na naman ako dahil sa presensya niya.

"Hi Lory. How are you?" nakadungaw sa gilid niya si Chaucer.

Wala pa ring pinagbago ang kagaspangan ng kanyang ugali. Ngisi palang niya, alam mo nang may iniisip nang masama. He was being a good boyfriend to me, though. Mainitin nga lang ang ulo.

"I'm good." kaswal kong ani. It wasn't awkward between us. Trial and error lang naman yata yung relasyon namin so we ended it mutually.

Nag-uumapaw sa talim ang tingin na binigay ni Rouge sa kaibigan. Napawi ang ngisi ni Chaucer at sinimangutan pabalik si Rouge. Kahit ugali ay parehas sila. They're best friends, indeed.