RGS#1: TO BREAK AN AFFAIR (PUBLISHED)

NINETEEN

Maingat akong hiniga ni Rouge sa kama pagkatapos ng ilang sandaling pagkalma sa naunang posisyon. Sa pagtama ng likod ko sa kalambutan ay halos hindi ko maidilat ang mga mata ko sa pagod.

Binalot ni Rouge ang kumot sa'ming dalawa saka niya ako inikot paharap sa kanya. He pressed me on his hard, warm body. Lumapat ang labi ko sa dibdib niya, at doon ramdam ko ang mabilis na kumpas ng kanyang puso.

"Please don't regret this." bulong niya sa buhok ko. Bahagya niya akong dinungaw. "Because I don't."

Ilang beses kong kinurap ang aking mga mata hanggang naging malinaw siya sa'king paningin. He looked tired, but I could also see the satisfaction on his face.

He made lazy strokes at my back, at sinikap kong hindi siya tulugan dahil lumala lamang ang antok ko sa ginagawa niya.

"Nagawa mo na 'to sa iba, kaya hindi mo talaga pagsisisihan."

Umiling siya. "You just ruined those past experiences for me."

Uminit ang puso ko sa pahayag niya. Di ko mapigilang mapangiti.

Samantala, naglalaro sa isip ko ang mga ginagawa niya dati bago ko siya makilala. They've done something like this with Rouge; pleasing him, bringing each other to their ecstasies. I don't want him to go back to that lifestyle. Gusto ko ganito. Yung kami lang.

And him telling me that I've ruined those for him, parang sinasabi na rin niya sa'kin na ito rin ang gusto niya. Na kami lang. No other women. No other men. Just us.

Bumaba ang mukha niya't tinaniman ako ng halik. My skin tingled even with the slight touch of his lips. Parang may nagising ulit sa'kin nang lumalim ang halik niya.

Marahan ko siyang tinulak. "Rouge...I'm tired."

Pagod siyang tumawa at niyakap ako."Let's sleep, then."

We slept soundly that night. Sa nakikita kong bakas ng kaluguran at pagod sa mukha niya'y naramdaman kong nagiba ang kung ano mang bumabagabag sa kanya.

Though using me to vent his frustration entered my mind, damdamin ko naman ang nagsasabing hindi niya ako ginagamit. I could tell by the way he held me tonight.

Naging abala ang mga natitirang linggo bago ang graduation sa pag process ng clearance. Malapit na ring magtapos ang internship ko sa Vedra Corp ngunit hindi ibig sabihin na wala na kaming kaugnayan ni Lila.

We still communicate. A lot. Parang magkatrabaho pa rin kami. Inamin na rin niya sa'king nagli-live-in na sila ni Vlad. Ngunit bago pa man niya inamin 'yon ay ramdam ko nang ganoon ang kanilang set up.

Mauuna ng isang linggo ang graduation ni Lauris. Isang araw bago siya magtapos ay binigay na sa kanya ni daddy ang ipinangako niyang reaglo dahil sa pagkakaroon niya ng Latin honor.

Kahit hindi ang napagkasunduang Range Rover ang binigay ni dad, mas masaya pa yata ang kapatid ko sa niregalong kotse kesa sa katotohanang magtatapos siya na may award.

"Fucking damn it to hell! Wohooo!" sigaw ni Lauris.

Ako ang unang nakasakay sa brand new Acura na walang habas niyang pinapaharurot sa malawak at malinaw na daan sa may SLEX.

Napailing nalang ako. He's getting a bang out of his new car! Todo kapit ako sa kung saan may mapagkapitan. Kahit hindi nakasanayan ay nagawa kong ikabit ang aking seatbelt.

"I'm riding you now baby! I am so gonna fuck with you!" patuloy niyang pagsasaya.

"Lauris, I'm here in the passenger's seat. So ano 'to? Threesome?"

Malakas siyang humalakhak. "Your deadpan wit as usual, Lory."

Pinabagal niya ang pagpatakbo nang may paparating na traffic sa unahan. Binaba ko ang volume ng stereo na nagpapatugtog ng isang sikat na kanta ng Nirvana.